عالمی شہرت یافتہ اور مشہور و معروف اداکارہ سجل علی کی تصاویر پر بالی وڈ اداکارہ شبانہ اعظمی کا کمنٹ وائرل ہوگیا۔
حال ہی میں نجی ڈرامہ چینل نے اداکارہ سجل علی کی چند تصاویر فوٹو اینڈ ویڈیو شیئرنگ ایپ انسٹا گرام پر پوسٹ کیں جنہیں مداحوں کی جانب سے خوب پسند کیا جارہا ہے۔
شیئر کی گئی تصاویر اداکاری سجل علی کے نئے پروجیکٹ کی ہے، جس میں اداکارہ کو مختلف لک میں دیکھا جاسکتا ہے، تصویر کو مداحوں کی جانب سے خوب پسند کیا جارہا ہے۔
جہاں سجل کے مداح اس پوسٹ پر اپنی محبت کا اظہار کررہے وہیں حال ہی میں جمائما گولڈ اسمتھ کی فلم میں ساتھ کام کرنے والی شبانہ اعظمی نے بھی پیار کا اظہار کیا ہے۔
بالی ووڈ کی سینئر اداکارہ شبانہ اعظمی نے کمنٹ میں ’ اف! یہ مسکراہٹ‘ لکھا ساتھ ہرٹ ایموجی کا استعمال بھی کیا ہے۔
واضح رہے کہ سجل علی اور شبانہ اعظمی جمائما گولڈ اسمتھ کی لکھی ہوئی فلم میں ایک ساتھ جلوہ گر ہوئی تھیں۔
جمائما گولڈ اسمتھ نے فلم کی عکس بندی کے دوران سجل علی اور شبانہ اعظمی کی تعریف کرتے کہا تھا کہ ’وہ جنوبی ایشیا کی دو لیجنڈ اداکاراؤں کے ساتھ کام کر رہی ہیں،‘ اور ساتھ میں جمائما گولڈ اسمتھ نے ان دونوں فنکاروں کو ٹوئٹر پر ٹیگ بھی کیا تھا۔
سجل علی ناصرف پاکستان بلکہ بالی وڈ میں بھی اداکاری کے جوہر دکھا چکی ہیں ، انہوں نے بالی وڈ فلم میں سری دیوی کی بیٹی کا کردار ادا کیا تھا اور بھارت میں خوب نام کمایا تھا۔
