اداکارہ سوناکشی سنہا نے شادی کے بعد اپنے شوہر ظہیر اقبال کی پہلی سالگرہ کے موقع پر خصوصی پیغام جاری کردیا ہے۔
رواں سال جون میں شادی کرکے اپنے دیرینہ دوست ظہیر اقبال کیساتھ نئے باب کا آغاز کرنے والی بھارتی اداکارہ سوناکشی سنہا نے ایک پرتعیش تقریب میں اپنے شوہر کی 36ویں سالگرہ منائی۔
فوٹو اینڈ شیئرنگ ایپ انسٹاگرام پر بالی ووڈ کی دبنگ اداکارہ سوناکشی سنہا نے شوہر و اداکار ظہیر اقبال کی سالگرہ کے موقع پر پوسٹ شیئر کی ہے۔
View this post on Instagram
پوسٹ میں اداکارہ نے اپنے شوہر کو سالگرہ کی مبارکباد دیتے ہوئے رومانوی تصاویر بھی شیئر کی ہے جس میں دونوں کو شادی کے بعد خوشگوار لمحے میں ایک ساتھ خوش دیکھا جاسکتا ہے۔
پوسٹ کے کیپشن میں اداکارہ سوناکشی سنہا نے اپنے شوہر کو سالگرہ کی مبارکباد دی اور لکھا کہ ’تمہاری امی کے بعد، میں سب سے زیادہ تمہارے پیدا ہونے پر خوش ہوں اور اس سے بھی زیادہ خوش ہوں کہ میں نے تم سے شادی کی ‘۔
سوناکشی نے مزید لکھا کہ ’سالگرہ مبارک ہو بہترین لڑکے، میں تم سے محبت کرتی ہوں‘۔
اہلیہ کی خوبصورت پوسٹ اور کیپشن کو دیکھنے کے بعد ظہیر اقبال نے بھی محبت کا اظہار کرڈالا اور کمنٹ سیکشن میں لکھا کہ ’میں بھی تم سے بے حد پیار کرتا ہوں ‘۔
View this post on Instagram
دوسری جانب سوشل میڈیا پر ایک ویڈیو بھی وائرل ہورہی ہے جس میں ظہیر اقبال کو اپنی 36 ویں سالگرہ قریبی دوستوں اور اہل خانہ کے ہمراہ مناتے ہوئے دیکھا جاسکتا ہے۔
تجربہ کار اداکارہ ریکھا نے بھی ظہیر کی سالگرہ کی تقریب میں شرکت کی، پارٹی کی ایک وائرل ویڈیو میں، ظہیر اپنی سالگرہ کا کیک کاٹتے ہوئے نظر آ رہے ہیں جب کہ سوناکشی اور ان کی والدہ تالیاں بجا رہی ہیں۔
