ماضی کی نامور فلمی ہیروئن اور اداکارہ صاحبہ کی والدہ نشو بیگم نے چوتھی شادی کے لیے ایک انوکھی شرط رکھ دی ہے۔
نشو بیگم ایک تجربہ کار فلم اسٹار اور اداکارہ صاحبہ کی والدہ ہیں۔ وہ حال ہی میں اپنی ذاتی زندگی کی وجہ سے کافی خبروں میں رہی ہیں کیونکہ صاحبہ کے اپنے والد سے ملنے کے بعد وہ اپنی بیٹی سے دور رہتی ہیں، وہ سوشل میڈیا پر بھی بہت متحرک رہتی ہیں جبکہ پوڈکاسٹ اور انٹرویوز پر زیادہ نظر آتی ہیں۔
نشو بیگم نے حال ہی میں ایک انٹرویو میں چوتھی شادی سے متعلق بھی کھل کر گفتگو کی اور قسم کھا کر واضح کیا کہ انہوں نے اب تک چوتھی شادی نہیں کی، شادی کی خبر افواہیں ہیں۔
نشو بیگم نے چوتھی شادی سے متعلق گفتگو میں کہا کہ میرے بچوں کو میری شادی سے کوئی اعتراض نہیں ہے وہ میری چوتھی شادی پر خوش ہوں گے، مجھے اب بھی درجنوں افراد کی جانب سے شادی کی پیشکش ہے لیکن میں اُن پیشکش کو ٹھکرانے کے مزے کو انجوائے کر رہی ہوں اور تاہم میرا چوتھی شادی کا کوئی ارادہ نہیں۔
نشو بیگم نے مزید کہا کہ شادی کا عمر سے کوئی تعلق نہیں ہے، اگر میرے نصیب میں چوتھی شادی ہوئی تو میں کسی وقت بھی شادی کر لوں گی اور اگر بھارتی اداکارہ ریکھا نے شادی کرلی تو میں بھی شادی کرلوں گی۔
