کراچی: پاکستانی شوبز انڈسٹری کی معروف اداکارہ ماورا حسین نے انسٹاگرام پر اپنی تصویر پوسٹ کی جو سوشل میڈیا پر وائرل ہوگئی۔
شوبز سے جڑی شخصیات مداحوں کے ساتھ رابطہ رکھنے کے لیے سماجی رابطے کی ویب سائٹس پر مختلف ویڈیوز اور تصاویر شیئر کرتی ہیں جن کا مقصد مداحوں کو اپنی روزمرہ مصروفیات سے متعلق آگاہ رکھنا ہوتا ہے، مداح بھی اپنے پسندیدہ فنکار کی تصاویر اور ویڈیوز کو پسند کرتے ہیں۔
اداکارہ ماورا حسین نے سماجی رابطے کی ویب سائٹ انسٹاگرام پر ایک تصویر شیئر کی جس میں شلوار قمیص میں ملبوس ہیں، مداحوں کی جانب سے ان کی تصویر کو خوب سراہا جارہا ہے۔
اداکارہ نے تصویر کے ساتھ کیپشن میں شاعری لکھی ’جگنو کہ ستارا تھا؟ میرے بام پہ جو چمکا، وہ نام تمہارا تھا۔‘
ماورا حسین کی تصویر شیئر ہوتے ہی 25 ہزار سے زائد سوشل میڈیا صارفین نے اسے پسند کیا اور ان کی تصویر اور شاعری پر پسندیدگی کا اظہار کیا۔
واضح رہے کہ اس سے قبل ماورا حسین نے انسٹاگرام پر 60 لاکھ فالوور حاصل کرنے پر ویڈیو شیئر کی تھی، اداکارہ نے 60 لاکھ فالوورز حاصل کرنے پر کیک کاٹ کر خوشی کا اظہار کیا تھا۔