ARYNews.tv | Urdu – Har Lamha Bakhabar

Tag: اداکارہ نیلم منیر

  • نیلم منیر کا شوہر کیلئے محبت بھرا پیغام، نئی تصاویر وائرل

    نیلم منیر کا شوہر کیلئے محبت بھرا پیغام، نئی تصاویر وائرل

    پاکستان شوبز انڈسٹری کی معروف اداکارہ نیلم منیر نے شوہر محمد راشد کیلئے محبت بھرا پیغام جاری کردیا۔

    حال ہی میں شادی کے بندھن میں بندھنے والی پاکستانی اداکارہ نیلم منیر نے فوٹو اینڈ شیئرنگ ایپ انسٹاگرام پر شوہر کے ہمراہ اپنے ولیمے کی تصاویر شیئر کی ہے۔

    تصاویر میں اداکارہ نیلم منیر چمکدار گرے لباس میں بہت حسین لگ رہی ہیں، جبکہ دلہا محمد راشد شلوار قمیض کے ساتھ شیروانی پہنے ہوئے ہیں، تصاویر کے ساتھ اداکارہ نے اپنے شوہر کیلئے ایک محبت بھرا پیغام بھی تحریر کیا ہے۔

    نیلم منیر نے کیپشن میں لکھا کہ ’’جہاں بھی ہماری قسمت ہمیں لے جائے،  چاہے ہجوم کے بیچ میں ہو یا دنیا کے آخری کنارے پر، میں تمہارے ساتھ چلوں گی۔‘‘

    مداحوں کی جانب سے نیلم منیر کے فوٹو شوٹ کو خوب پسند کیا جارہا ہے جبکہ اس پر تبصروں کا سلسلہ بھی جاری ہے۔

    نیلم منیر کے شوہر کون اور کس پیشے سے وابستہ ہیں؟ تفصیلات سامنے آگئیں

    واضح رہے کہ شادی کی تصویر سامنے آنے کے بعد یہ قیاس آرئیاں کی جارہی تھیں کہ نیلم منیر نے کسی اماراتی شخص سے شادی کی ہے تاہم اب یہ معلوم ہوا ہے کہ ان کے شوہر کا تعلق پاکستان سے ہی ہے۔

    یوٹیوبر یاسر شامی نے دعویٰ کیا تھا کہ نیلم منیر کے شوہر کا نام محمد راشد ہے جو دبئی پولیس کے سی آئی ڈی ڈپارٹمنٹ میں کام کرتے ہیں۔

  • اداکارہ نیلم منیر جلد شادی کے بندھن میں بندھنے کو تیار

    اداکارہ نیلم منیر جلد شادی کے بندھن میں بندھنے کو تیار

    پاکستان شوبز انڈسٹری کی معروف اداکارہ نیلم منیر جلد رشتہ ازدواج میں منسلک ہوجائیں گی۔

    اداکارہ نیلم منیر کی شادی کی خبر شوبز صحافی و سلیبریٹیز کے انتہائی قریبی عرفان الحق نے اپنے عرفانستان نامی اکاؤنٹ سے سوشل میڈیا پلیٹ فارم پر شیئر کی ہے۔

    عرفانستان نامی پیج پر عرفان نے پوسٹ میں بتایا گیا ہے کہ نیلم منیر اگلے ماہ دسمبر میں متحدہ عرب امارات میں شادی کرنے والی ہیں، تاہم انہوں نے یہ نہیں بتایا کہ اداکارہ کی شادی کس سے اور کس تاریخ کو ہونے جارہی ہے۔

    عرفان کی جانب سے شیئر کی گئی سوشل میڈیا پوسٹ وائرل ہوگئی، دوسری جانب اداکارہ نیلم نے بھی اپنے انسٹاگرام پر اس حوالے سے کچھ پوسٹ نہیں کیا۔

     

    View this post on Instagram

     

    A post shared by Irfanistan (@irfanistan)

    یاد رہے کہ اس سے قبل بھی کئی مرتبہ نیلم منیر کی شادی کی افواہیں زیرِ گردش رہیں جس کے بعد اداکارہ نے ان افواہوں کی تردید کی۔

    اداکارہ نے کہا تھا کہ میں نے منگنی نہیں کی اور نہ ہی شادی کر رہی ہوں، سوشل میڈیا پر تمام افواہیں 100 فیصد غلط ہیں۔”

    اس سے قبل 2022 میں اداکارہ نے انٹرویو میں اپنی شادی سے متعلق گفتگو کی تھی جس میں انہوں نے کہا تھا کہ میری شادی کی خبر اچانک ہی سننے کو ملے گی لیکن میں شادی سادگی سے کروں گی۔

    اداکارہ نے اے آر وائی ڈیجیٹل کے ڈرامہ سیریل ’پیار دیوانگی ہے‘ میں رابی کا مرکزی کردار نبھایا تھا۔ ڈرامے کی دیگر کاسٹ میں سمیع خان، شجاع اسد، گل رعنا، جاوید شیخ ودیگر شامل تھے۔

    اس سے قبل نیلم منیر اے آر وائی ڈیجیٹل کے مقبول ڈرامہ سیریل ’دل موم کا دیا‘ میں بھی اداکاری کے جوہر دکھا چکی ہیں۔

  • نیلم منیر کی زخمی ٹانگ کیساتھ ریمپ واک کرنے کی ویڈیو وائرل

    نیلم منیر کی زخمی ٹانگ کیساتھ ریمپ واک کرنے کی ویڈیو وائرل

    پاکستانی اداکارہ نیلم منیر نے ٹوٹے ہوئے ٹخنے کے باوجود ریمپ واک کر نے کی ویڈیو سوشل میڈیا پر وائرل ہوگئی۔

    فوٹو اینڈ شیئرنگ ایپ انسٹاگرام پر اداکار نیلم منیر نے ایک تصویرشیئر کی ہے، اس تصویر پر اداکارہ کی زخمی ٹانگ کو دیکھا جاسکتا ہے۔

    اس پوسٹ کے کیپشن میں لکھاکہ ‘ میں نے ٹوٹے ہوئے ٹخنے کے ساتھ ریمپ واک کی۔ اس پوسٹ کا مقصد لوگوں کو یہ ہمت دینا ہے کہ چاہے زندگی میں کتنے ہی غم اور تکالیف آجائیں آپ کو ہر حال میں آگے بڑھتے رہنا چاہئے‘۔

    علاوہ ازیں اداکارہ کے انسٹاگرام اکاؤنٹ سے کلابریٹ کرتے ہوئے انسٹاگرام پیج نے ایک اور ویڈیو شیئر کی جس میں ایک شخص نے نیلم منیر کا پیر  دکھاتے ہوئے انکشاف کیا کہ نیلم منیر کے پیر میں فریکچر ہوا تھا جس کے سبب پلاسٹر لگا تھا اور اب اینٹی بائنڈرز لگا ہوا ہے’۔

    سوشل میڈیا صارفین کی جانب سے نیلم منیر کے جذبے کو پسند کیا جارہا ہے تاہم بعض صارفین ان پر تنقید بھی کررہے ہیں۔