پاکستان شوبز انڈسٹری کی معروف اداکارہ و ہوسٹ نادیہ خان نے دعویٰ کیا ہے کہ حبا بخاری کے ہاں جلد پہلے بچے کی پیدائش متوقع ہے۔
نادیہ خان نے حال ہی میں نجی ٹی وی چینل کے اپنے شو میں ڈراموں پر تجزیہ کرنے ہوئے اداکارہ حبا بخاری کے حاملہ ہونے کا انکشاف کیا۔
نادیہ خان نے انکشاف کیا کہ حبا بخاری حاملہ ہیں، اُن کے اور اداکار آریز احمد کے ہاں بہت جلد پہلے بچے کی آمد متوقع ہے، حبا نے ڈرامہ رد کی شوٹنگ حمل کے دوران کی۔
نادیہ خان نے کہا کہ اگر صارفین غور کریں تو ڈرامے کے کئی سین میں حبا بخاری کا بڑھتا وزن اور چہرے کی سوجن بھی واضح طور پر نظر آجائے گی۔
نادیہ خان نے پہلے بچے کے والدین بننے کی خوشخبری پر حبا بخاری اور اُن کے شوہر و اداکار آریز احمد کو مبارکباد بھی دی۔
تاہم اداکارہ حبا بخاری اور اداکار آریز احمد کا اس خبر پر کوئی ردعمل سامنے نہیں آیا ہے نہ ہی انہوں نے اپنے پہلے بچے کی آمد سے متعلق کوئی اعلان کیا ہے۔
View this post on Instagram
واضح رہے کہ حبا بخاری نے سال 2022 میں ساتھی اداکار آریز احمد سے شادی کی تھی۔