Tag: اداکارہ پریانکا چوپڑا

فرحان اختر کی فلم ‘جی لے ذرا’ سے پریانکا چوپڑا نے خود کو علیحدہ کرلیا ہے، ذرائع کے مطابق اب پریانکا کی جگہ کیارا ایڈوانی اس فلم کا حصہ بننے جارہی ہیں۔

تینوں سپر اسٹارز اداکارائوں کترینہ، پریانکا اور عالیہ کے فلمی شیڈول ایک دوسرے سے متصادم ہیں جس کی وجہ سے فلم کو ملتوی کیا گیا، پرینکا 2023 میں اس فلم کی شوٹنگ کرنے سے قاصر ہیں جبکہ 2024 میں عالیہ بھی اپنی دو فلموں کی وجہ سے کافی مصروف ہیں۔

رپورٹس کے مطابق اپنی مصروفیات کے باعث پریانکا چوپڑا مذکورہ فلم سے علیحدہ ہوتی نظر آرہی ہیں، بھارتی فلمی ویب سائٹ کے مطابق اب پریانکا کی جگہ کیارا ایڈوانی اس فلم کا حصہ بننے جارہی ہیں، تاہم اب تک اداکارہ یا فلم میکرز کی جانب سے ایسی کسی بات کی تصدیق نہیں کی گئی۔

فرحان اختر کی نے جب سے فلم ‘جی لے ذرا’ بنانے کا اعلان کیا تھا، فلمی شائقین کو اس کا کافی انتظار تھا کیوں کہ یہ خواتین کو مرکز نگاہ رکھ کر بنائی جانے والی فلموں میں سے ایک ہے، جس میں شائقین کو تین باصلاحیت ادکارائوں کترینہ کیف، پریانکا چوپڑا اور عالیہ بھٹ کو ایک ساتھ دیکھنے کا موقع ملتا۔

پریانکا چوپڑا کے ‘جی لے زرا’ سے باہر ہونے کے بعد فلم پر غیر یقینی کے بادل چھائے ہوئے ہیں جب کہ شائقین کو بھی اداکارہ اور فلمساز کی جانب سے باضابطہ اعلان کا انتظار ہے۔

ممبئی: شاہ رخ خان نے ہالی وڈ سے متعلق ایک ایسا تبصرہ کیا جس سے بھارتی اداکارہ پریانکا چوپڑا ناراض ہوگئیں۔

بالی وڈ کنگ شاہ رخ خان نے ہالی وڈ نہ جانے کے حوالے سے پوچھے گئے سوال کے جواب میں کہا تھا کہ ’مجھے وہاں (ہالی وڈ) جانے کی کیا ضرورت ہے جب میں یہاں بہت کمفرٹیبل ہوں‘۔

صحافی کی جانب سے شاہ رخ خان کے بیان کے بارے میں پوچھے گئے سوال کے جواب میں اداکارہ پریانکا چوپڑا کا کہنا تھا کہ میرے نزدیک کمفرٹیبل ہونا بہت بورنگ ہے، میں بہت مغرور نہیں ہوں اسلیے  میری انا میرے کام سے بڑی نہیں ہے۔

پریانکا چوپڑا نے کہا کہ مجھے جواز دینے کی ضرورت نہیں لیکن دوسرے ملک آنے کے بعد بھی اپنے ملک میں حاصل کی ہوئی کامیابیوں کا بوجھ لیے نہیں پھرتی ہوں، میں آڈیشن دینے کیلئے تیار رہتی ہوں، میں زیادہ سے زیادہ کام کرنا چاہتی ہوں۔

انہوں نے کہا کہ میں بہت پروفیشنل ہوں اور جو لوگ مجھے جانتے ہیں وہ بتا سکتے ہیں کہ مجھے اپنے پروفیشنل ازم کی وجہ سے ہی جانا جاتا ہے اور میں اس بات پر فخر کرتی ہوں۔