Tag: اداکاری

سینئر اداکارہ و ہدایت کار روبینہ اشرف کی جانب سے علیزے شاہ کی اداکاری پر کیے گئے منفی تبصرے کی پرانی ویڈیو سوشل میڈیا پر وائرل ہوگئی۔

علیزے شاہ ایک پاکستانی اداکارہ ہیں جو اس وقت انڈسٹری کی طرف سے تنقید کیے جانے کے خلاف آواز اٹھانے کی وجہ سے سرخیوں میں ہیں، اب علیزے کے مداح ان اداکاروں کے متعدد کلپس پوسٹ کر رہے ہیں جو علیزے کے خلاف بولے گئے تھے۔

سوشل میڈیا پر ایک ٹی وی شو سے لیا گیا کلپ وائرل ہورہا ہے جس میں عتیقہ اوڈھو اور نادیہ جمیل نے بھی علیزے شاہ کی اداکاری پر تبصرہ کیا تھا، تاہم روبینہ اشرف نے انہیں زیادہ میک اپ کرنے پر آڑے ہاتھوں لیا تھا۔

میزبان کی جانب سے تینوں اداکاراؤں کو علیزے شاہ کے ایک ڈرامے پر مارکس دینے کا کہا گیا جس پر اداکارہ عتیقہ اور نادیہ جمیل دونوں نے علیزے کو 7 مارکس دیے۔

روبینہ اشرف نے اپنی باری پر علیزے کو کوئی مارکس نہ دیتے ہوئے کہا کہ میرے لیے علیزے شاہ ہ زیرو ہے جس پر عتیقہ نے سوال کیا کہ لکس کی وجہ سے؟ اس پر روبینہ اشرف نے ہاں میں جواب دیا۔

اداکارہ نے اپنے مؤقف کی وضاحت کیلئے علیزے کی اداکاری پر بھی تنقید کی اور کہا کہ علیزے کو ہر ڈرامے میں لپ اسٹک اور کرلی بالوں کے ساتھ دیکھا جاتا ہے، میرے لیے علیزے زیرو ہے۔

اداکارہ کا کہنا تھا کہ علیزے کا سحری میں بھی میک اپ نہیں اتارا جاتا، اگر میں علیزے کیلئے کوئی ڈرامہ ڈائریکٹ کروں تو میں اسے کم ازکم ایک ڈرامے یا سین میں تو بغیر میک اپ کے دکھاؤں گی۔

روبینہ اشرف کا مزید کہنا تھا کہ علیزے جیسی اتنی un acting کا زمانہ بہت پہلے ہی ختم ہوچکا ہے، علیزے کی ایکٹنگ ڈرامے میں کہیں نہیں تھی۔

https://urdu.arynews.tv/alizeh-shah-to-juggan-kazim-apology-26-july-2025/

بالی ووڈ انڈسٹری میں اپنی اداکاری کی وجہ سے شہرت رکھنے والے اداکار نوازالدین صدیقی نے انڈسٹری کے تینوں ’خانز‘ کے ساتھ اپنے کام کا تجربہ شیئر کردیا۔

اداکار نوازالدین صدیقی نے حال ہی میں ایک انٹرویو میں تینوں خانز سلمان، شاہ رخ اور عامر خان کے کام کرنے سے متعلق اپنی رائے کا اظہار کیا اور ساتھ کام کرنے کا تجربہ بھی شیئر کیا۔

اداکار  نے کہا کہ میں تینوں خانز کی کامیابی سے کبھی بھی حسد میں مبتلا نہیں ہوا، دراصل میں پہلے اداکار بننا چاہتا ہوں، میری کبھی بھی سپر اسٹار بننے کی خواہش نہیں رہی۔

اس موقع پر جب پوچھا گیا کہ تینوں خانز میں سب سے بہترین کون ہے؟ تو انہوں نے صرف ایک نام لینے سے انکار کردیا اور بالی ووڈ کے تینوں سپر اسٹار کی خوبیوں پر بات شروع کردی۔

نواز الدین صدیقی نے کہا کہ سلمان خان حقیقی زندگی میں حیرت انگیز انسان ہیں وہ دیگر خانز کے مقابلے میں بہت زیادہ تفریح کرتے ہیں۔

نوازالدین صدیقی نے کہا کہ شاہ رخ خان بہت پرجوش انسان ہیں، وہ کام کو اُس وقت تک کرتے رہتے ہیں جب تک وہ مکمل نہ ہوجائے، وہ بہت محنتی انسان ہیں، عاجزی میں نے ان ہی سے سیکھی ہے۔

ان کا کہنا تھا کہ عامر خان پرفیکشنسٹ ہیں، ہمیں انہوں نے بے مثال قسم کا سنیما دیا ہے، ان کی فلم سازی وسیع اور متنوع ہے، وہ قابل ذکر انسان ہیں اور باقیوں سے بہت اوپر ہیں۔

نوازالدین صدیقی نے سلمان خان کے ساتھ بجرنگی بھائی جان اور کک میں کام کیا، شاہ رخ خان کے ساتھ انہوں نے رئیس فلم کی جبکہ عامر خان کے ساتھ فلم تلاش اور سرفروش کی تھی۔

ممبئی: بالی وڈ کے اداکار شاہد کپور نے فلم پدماوت میں اپنے کرداد کے حوالے سے انکشاف کیا کہ اگر مجھے موقع ملا تو مہاراول رتن سنگھ کا کردار دوبارہ کرنا چاہوں گا۔

بالی وڈ کے معروف اداکار شاہد کپور سے  حالیہ انٹرویو میں پوچھا گیا کہ کیا وہ اپنے کسی کردار کو دوبارہ دیکھنا چاہیں گے یا انہیں مختلف انداز میں پیش کرنا چاہیں گے؟

جس پر شاہد کپور نے مہاروال رتن سنگھ کے کردار کا نام لیا، انہوں نے کہا کہ سنجے لیلا بھنسالی کی مشہور فلم پدماوت میں مہاراول رتن سنگھ کے کردار  میں، میں خود کو پسند نہیں کرتا تھا۔

شاہد کپور نے اس جواب کی وجہ بتاتے ہوئے کہا کہ اس کردار میں، میں خود کو پسند نہیں کرتا تھا، میں بہت سخت تھا، ہر وقت تناؤ میں رہنے والا تھا، مجھے لگتا ہے کہ میں اُس شخصیت کے دوسرے پہلوؤں کو سامنے نہیں لاسکا۔

شاہد کپور نے اقربا پروری کے طعنے پر خاموشی توڑ دی

انہوں نے کہا کہ میں صاف گو ہوں، شاید بہت سے لوگ ہوں گے جنہوں نے مجھے اس کردار  میں  پسند کیا ہوگا لیکن مجھے میرا یہ کردار نہیں پسند۔

واضح رہے کہ سنجے لیلا بھنسالی کی فلم پدماوت میں شاہد کپور نے  مہاراول رتن سنگھ کا کردار ادا کیا تھا، جو ایک راست باز آدمی اور گہیلا خاندان کا آخری راجپوت حکمران تھا۔

پدماوت میں دیپیکا پڈوکون نے شاہد کپور کے مقابل رانی پدماوتی کا کردار ادا کیا تھا جبکہ رنویر سنگھ نے مخالف علاؤالدین خلجی کا کردار ادا کیا تھا۔

 اس فلم کو قانونی کارروائی کا سامنا کرنا پڑا لیکن پھر یہ فلم ریلیز ہونے میں کامیاب رہی، سلم میں  اداکاروں کی شاندار کارکردگی اور مرکزی اداکاروں کی ناقابل یقین پرفارمنس سے باکس آفس پر راج کیا تھا۔

تجربہ کار اداکار شبیر جان کی بیٹی یشمیرا نے اداکاری سے اپنی محبت کا اظہار کیا۔

اے آر وائی ڈیجیٹل کی رمضان اسپیشل ٹرانسمیشن ’شان سحر‘ میں جویریہ اور سعود قاسمی اور فریدہ اور شبیر جان اپنے بچوں کے ساتھ میزبان ندا یاسر کے مہمان بنے۔

جہاں میزبان ندا یاسر نے  یشمیرا جان سے پوچھا کہ ان کے شوبز کیریئر کو کس چیز نے آگے بڑھایا جس پر انہوں نے جواب دیا کہ ’’مجھے بچپن سے ہی اداکاری کا شوق رہا ہے۔‘‘

انہوں نے کہا کہ میں نے کبھی اپنے والدین یا دوستوں کے ساتھ یہ بات بتانے کی ہمت نہیں ہوئی کہ میں ایک اداکار بننا چاہتا ہوں جیسے جیسے میں بڑی ہوئی، اردگرد کے لوگ مجھے کہتے تھے کہ آپ کو اسے انڈسٹری میں موقع دینا چاہیے جس کے بعد مجھے ان سے بات کرنے کی ہمت ہوئی۔

یشمیرا جان کا کہنا تھا کہ شوبز کے لیے اپنے والد سے اجازت لینا بڑی بات نہیں تھی وہ ہمیشہ یہی کہتے ہیں کہ جو چاہو کرو تاہم میری امی ہمیشہ میرے مستقبل کے بارے میں فکر مند رہتی ہے۔

شو میں موجود جویریہ اور سعود قاسمی کی بیٹی جنت نے بتایا کہ انہیں اداکاری میں کوئی دلچسپی نہیں ہے اور وہ اس کے بجائے نفسیات کی تعلیم حاصل کرنا چاہتی ہیں۔

یہاں یہ بات قابل ذکر ہے کہ 20 سالہ یشمیرا معروف اداکار شبیر جان اور فریدہ شبیر کی بڑی بیٹی ہیں۔ انہوں نے گزشتہ سال اپنے والد کے ساتھ اسکرین شیئر کرتے ہوئے اداکاری کا آغاز کیا۔