Tag: اداکار شاہ رخ خان

ممبئی: بالی ووڈ کے معروف اداکار شاہ رخ خان کے بیٹے ابرام خان اپنے والد کے نقش قدم پر چل پڑے جسے دیکھ کر شاہ رخ بھی محبت اور خوشی سے چمک اٹھے۔

بھارتی میڈیا رپورٹ کے مطابق گزشتہ روز امبانی انٹرنیشنل اسکول کی سالانہ تقریب منعقد ہوئی جس میں بالی ووڈ کے بڑے ستاروں، شاہ رخ خان، امیتابھ بچن، سیف علی خان، کرینہ کپور اوردیگر نے شرکت کی۔

میڈیا رپورٹس کے مطابق اس اسکول میں شاہ رخ خان، اشوریا رائے، سیف علی خان کے بچے زیر تعلیم ہیں جہاں اسٹارز کے بچوں نے اپنی اداکاری کے جوہر دکھائے۔

اس تقریب میں شاہ رخ خان کے بیٹے ابرام کی پرفارمنس لوگوں کی توجہ کا مزکز بن گئی جسے دیکھ کر شاہ رخ بھی حیران رہ گئے، ابرام کی پرفارمنس کی ویڈیو سوشل میڈیا پر بھی خوب پسند کی جارہی ہے۔

ویڈیو میں دیکھا جاسکتا ہے کہ کہ اسٹیج پر پرفارم کرتے ہوئے ابرام خان کہتے ہیں کہ مجھے گلے ملنا بہت پسند ہے اور پھر بیک گراوْنڈ میوزک میں شاہ رخ خان کی سُپر ہٹ فلم ’دل والے دلہنیا لے جائیں گے‘کا میوزک چلتا ہے۔

اس بیک گراوْنڈ میوزک کے چلتے ہوئے اسٹیج پر موجود ابرام اپنے والد شاہ رخ خان کا آئیکونک اسٹائل اپناتے ہیں اور پھر اسٹیج پر موجود بچے ابرام سے گلے ملتے ہیں۔

ابرام کو اپنے آئیکونک اسٹائل میں دیکھ کر سامعین میں بیٹھے شاہ رخ خان محبت اور خوشی سے چمک اٹھتے ہیں اور بیٹے کے لیے تالیاں بجاتے ہیں۔

اس تقریب میں بالی وڈ اداکار شاہ رخ خان کے بیٹےابرام خان کے علاوہ  اشوریا رائے کی بیٹی اور کرینا کے بیٹے تیمور نے بھی دھوم مچائی، امیتابھ کی پوتی کی دبنگ اداکاری نے سب کو حیران کردیا۔

ممبئی: بالی وڈ کے اداکار شاہ رخ خان مبینہ طور پر لاس اینجلس میں اپنے ایک پروجیکٹ کے سیٹ پر حادثے کا شکار ہوگئے۔

بھارتی میڈیا کے مطابق اداکار شاہ رخ خان کو ناک پر چوٹ آئی، مسلسل ناک سے خون بہنے کے بعد انہیں امریکا کے ایک اسپتال منتقل کیا گیا جہاں ان کے ناک کی سرجری کی گئی، اداکار اپنی سرجری کے بعد بھارت واپس پہنچ گئے ہیں۔

شاہ رخ خان اور سہانا پہلی بار ایک ساتھ اسکرین پر نظر آئیں گے؟

رپورٹ کے مطابق بالی وڈ اسٹار شاہ رخ خان کی ناک پر پٹی کے ساتھ دیکھا گیا تھا، تاہم اب تک اداکار کی ٹیم یا فیملی کی جانب سے اس حادثے کے حوالے سے کوئی بیان جاری نہیں کیا گیا ہے۔

دوسری جانب ڈاکٹرز کا کہنا ہے کہ اب  فکر کرنے کی کوئی بات نہیں ہے، کنگ خان کو خون بہنے سے روکنے کے لیے ایک معمولی سرجری کی ہے، آپریشن کے بعد شاہ رخ خان اپنے  ملک واپس آ گئے ہیں۔

شاہ رخ خان کا زخمی ہونا کوئی نئی بات نہیں ہے،  اپنے تقریباً 31 سالہ بالی وڈ کیرئیر میں وہ کئی بار زخمی ہوئے ہیں۔ 2017 میں بھی ایک معمولی سرجری ہوئی تھی۔

اداکار نے فلم رئیس کی شوٹنگ کے دوران بھی زخمی ہوگئے تھے، انہیں گھٹنے کی چوٹ کا سامنا کرنا  پڑا تھا جس کے بعد اداکار نے سرجری بھی کروائی۔

اس سال کے شروع میں اداکار شاہ رخ خان نے چار سال کے وقفے کے بعد سدھارتھ آنند کی بلاک بسٹر ایکشن تھرلر فلم ’پٹھان‘ کے ساتھ واپسی کی، جو اس سال جنوری میں ریلیز ہوئی تھی۔

تاہم اب شاہ رخ خان آنے والی ایکشن تھرلر فلم جوان میں نظر آئیں گے، جو 7 ستمبر کو سینما گھروں میں نمائش کے لیے تیار ہے۔