اداکار عدنان صدیقی نے خواتین کیلئے مکھیوں کی مثال دینے پر معافی مانگتے ہوئے وضاحت پیش کردی۔
گزشتہ دنوں اداکار نے شو میں شرکت کی تھی جہاں انہیں مکھی نے تنگ کیا تو عدنان صدیقی نے کہا تھا کہ ’ مکھی اور خواتین کی مثال ایک جیسی ہے، آپ جتنا خواتین کے پیچھے بھاگیں گے وہ آپ سے دور بھاگیں گی اور اگر آپ بیٹھ جائیں گے تو وہ مکھی کی طرح ہاتھ پر آکر بیٹھ جائیں گی، جب میں مکھی کے پیچھے بھاگ رہا تھا تو وہ بھاگ رہی تھی اور جب میں بیٹھ گیا تو وہ میری ناک پر آکر بیٹھ گئی‘۔
عدنان صدیقی کو ایک پروگرام میں مکھی نے تنگ کیا تو ۔۔۔۔۔۔ ؟
تاہم اب فوٹو اینڈ شیئرنگ ایپ انسٹاگرام اسٹوری پر عدنان صدیقی نے ایک پوسٹ شیئر کرتے ہوئے اس تبصرے سے متعلق مداحوں سے معافی مانگی ہے۔
عدنان صدیقی نے کہا کہ میں اپنے حالیہ بیان پر توجہ دینا چاہوں گا جو کہ مزاحیہ انداز میں دیا گیا تھا، نہ کہ کسی کی دل آزاری کرنا لیکن میں سمجھتا ہوں کہ میرے الفاظ کا غلط مطلب لیا گیا، میرے بیان سے غیر ارادی طور پر کسی کی دل آزاری ہوئی تو اس کیلئے معذرت خواہ ہوں۔
اداکار نے اپنی اسٹوری میں مزید لکھا کہ میں آئندہ کیلئے یقین دلاتا ہوں کہ اپنی گفتگو واضح اور صاف الفاظ میں پیش کروں گا۔
