بالی ووڈ اداکار عمران خان نے پہلی بار اپنی سابقہ اہلیہ اونتیکا ملک سے طلاق سے متعلق بات کی ہے۔
بالی ووڈ کے مسٹر پرفیکشنسٹ اداکار عامر خان کے بھانجے، عمران خان ماضی کے نامور فنکار رہ چکے ہیں، ان کی فلم ’جانے تو یا جانے ناں‘ نے بے حد مقبولیت حاصل کی تھی لیکن اس کے بعد انہوں نے شوبز کی دنیا کو خیر باد کہہ دیا تھا۔
اپنے کیرئیر کے بُرے دنوں کے دروان اداکار عمران خان کی اہلیہ اونتیکا ملک سے طلاق بھی ہو گئی تھی، دونوں نے 19 سال تک ڈیٹنگ کرنے کے بعد شادی کی تھی تاہم اب اداکار نے اپنی طلاق سے متعلق گفتگو کی ہے۔
عمران خان نے کہا کہ میں اس وقت ڈپریشن کا شکار تھا اور اسی وقت مجھے احساس ہوگیا تھا کہ میری شادی ناکام ہورہی ہے لیکن میں اس وقت اپنے اوپر بننے والی خبروں پر ایندھن نہیں ڈالنا چاہتا تھا۔
اداکار عمران خان کی اہلیہ خاوند سے روٹھ کر میکے چلی گئیں
اداکار نے کہا کہ لیکن بیک وقت کئی مسائل سے بھی لڑرہا تھا، اس وقت مجھے یہ محسوس ہوا ہے کہ میری یہ شادی اور رشتہ میرے لیے مدد کا ذریعہ نہیں بن رہا اس لیے میں نے طلاق کا فیصلہ کیا۔
عمران خان نے مزید کہا کہ ایک مثالی شادی میں دونوں افراد ایک دوسرے کو بہتر زندگی فراہم کرنے کی کوشش کرتے ہیں، صحت مند اور مضبوط بنانا چاہتے ہیں لیکن میرا اونتیکا کے ساتھ رشتہ کمزور ہوگیا تھا اور اسی وجہ سے ہم الگ ہوگئے تھے۔
بھارتی میڈیا کے مطابق اداکار عمران اور اونتیکا اسکول کے دور سے ایک دوسرے کو جانتے اور اچھے دوست تھے، دونوں کی 2011 میں شادی ہوئی تھی تاہم 2019 میں جوڑے نے نامعلوم وجوہات کی بناء پر علیحدگی اختیار کر لی تھی۔
