راولپنڈی: ڈینگی بخار سے بچاو کی دوائی پیناڈول کی طلب میں 100 فیصد اضافہ کے بعد مارکیٹوں سے غائب کردی گئی۔
تفصیلات کے مطابق راولپنڈی میں ڈینگی وائرس کے خلاف مدافعت پیدا کرنے والی ادویات بازار سے غائب ہوگئیں۔
پیناڈول کی طلب میں 100 فیصد اضافہ کے بعد دوا مارکیٹوں سےغائب کردی گئی ، پنجاب ہیلتھ کیئر کا کہنا ہے کہ شہری پینا ڈول کے استعمال کرنے پر ہی بضد ہیں۔
پنجاب ہیلتھ کیئر نے بتایا کہ پینا ڈول کے علاوہ کیل پول،ڈسپرول،فیبرول اورٹائلول بھی استعمال کی جاسکتی ہے، یہ تمام ادویات بھی پیرا سیٹامول کے مختلف برانڈر ہیں۔
محکمہ صحت راولپنڈی ادویات کی فراہمی کو یقینی بنانے میں مکمل طور پر ناکام ہے۔
یاد رہے سندھ سمیت کراچی میں بھی بخار سمیت عام ادویات بازار سے غائب ہیں، دکاندار کا کہنا تھا کہ پینا ڈول کا پیکٹ ہول سیل مارکیٹ میں ہزار روپے کا ملنے لگا۔
میڈیکل اسٹور پر پینا ڈول کا پیکٹ 1200 روپے میں فروخت ہورہا ہے۔
