پاکستانی اداکار ارباز خان کے والد آصف خان اپنی بہو سے ناراض کیوں ہیں؟ اس حوالے سے انہوں نے لب کشائی کی۔
ایک پوڈ کاسٹ میں بات کرتے ہوئے پاکستانی اداکار ارباز خان کے والد آصف خان کا کہنا تھا کہ خوشبو سے شادی میرے بیٹے ارباز کی بڑی غلطی ہے۔ پانچ سال ہوگئے ان سے نہ میں ملا نہ وہ ۔۔
انہوں نے کہا کہ ارباز بہت اچھا بچہ تھا، پتہ نہیں اس نے ایسی جگہ شادی کیوں کرلی؟ ہماری فیملی میں تو کوئی سیٹی تک نہیں بجا سکتا، اتنے سادے اور اچھے لوگ ہیں۔
آصف خان نے کہا کہ ارباز خان بس اُس ماحول میں پھنس گیا، ہم شادی کے خلاف تھے مگر اس نے کرلی، اب ماشاء اللہ اس کے دو جوان بچے ہیں، اب جو ہوگیا سو ہوگیا۔
انہوں نے ایک دوسرے سے نہ ملنے کے حوالے سے بات کرتے ہوئے کہا کہ نہ وہ ہم سے تعلق رکھتے ہیں نہ ہم اُن سے ملتے ہیں۔
انہو ں نے کہا کہ میں ارباز خان سے ناراض نہیں ہوں، وہ میرا پیارا بچہ ہے، ناراضگی تھی کچھ دن کے لئے لیکن اب وہ ختم ہوچکی ہے۔
یوٹیوبر رجب بٹ کے خلاف ایک اور مقدمہ درج
آخر میں ارباز کے والد کا کہنا ہے کہ میرے بیٹے کی بیوی خوشبو اسٹیج پر کام کرتی ہے، جو مجھے پسند نہیں، اللہ اسے نیک ہدایت دے۔
