کراچی : محکمہ موسمیات نے کراچی والوں کے لیے خطرے کی گھنٹی بجاتے ہوئے موسلادھار بارش کے باعث شہر میں اربن فلڈنگ کا خطرہ ظاہر کردیا۔

تفصیلات کے مطابق محکمہ موسمیات کی جانب سے کہا گیا کہ مون سون کا حالیہ سسٹم انتہائی طاقتور ہے، جس کے اثرات خیبرپختونخوا میں دیکھے جارہے ہیں، آج اور کل شہر میں موسلادھار بارشوں کا امکان ہے۔

محکمہ موسمیات نے شدید بارش کے پیشِ نظر اربن فلڈنگ اور نشیبی علاقوں میں پانی جمع ہونے کا خدشہ ہے، ہر میں اگلے دو روز تک بارش کا سلسلہ جاری رہنے کا امکان ہے۔

شہر قائد میں گزشتہ کئی روز سے شدید گرمی اور حبس نے شہریوں کو پریشان کر رکھا ہے، تاہم ماہرین موسمیات کے مطابق بادل برسنے سے گرمی کی شدت میں کمی آئے گی۔

کراچی میں بھی بادل برس پڑے، مختلف علاقوں میں موسلادھار بارش

محکمے کا کہنا ہے کہ ہواؤں کی سمت آئندہ چند روز میں تبدیل ہوتی رہے گی، جبکہ ہوا کا کم دباؤ مغرب اور شمال مغرب کی جانب بڑھ رہا ہے۔

کراچی کے علاوہ سندھ کے کئی اضلاع میں بھی بارشوں کا سلسلہ جاری رہے گا۔ تھرپارکر، عمرکوٹ، میرپورخاص، سانگھڑ، بدین، حیدرآباد اور شہید بینظیر آباد میں کہیں تیز، کہیں ہلکی جبکہ بعض مقامات پر شدید بارش کا امکان ہے۔

محکمے نے شہریوں کو ہدایت کی ہے کہ نشیبی علاقوں میں احتیاطی تدابیر اختیار کریں اور غیر ضروری سفر سے گریز کریں۔

کراچی : ڈپٹی ڈائریکٹرمیٹ آفس انجم نذیر نے شہر میں آج اور کل ہونے والی بارش کے حوالے سے شہریوں کو خبردار کردیا۔

ڈپٹی ڈائریکٹرمیٹ آفس انجم نذیر کی جانب سے بیان میں کہا گیا ہے کہ کراچی میں آئندہ چند گھنٹے میں تیز بارش کا امکان ہے، مون سون کے پہلے اسپیل کا گزشتہ روز سے آغاز ہوچکا ہے اور اتوار تک بارش کا سلسلہ وقفے وقفے سے جاری رہے گا۔

ڈپٹی ڈائریکٹرمیٹ آفس نے خبردار کیا کہ آج اور کل ہونے والے بارش سے اربن فلڈنگ کا خطرہ ہے، آج دوپہر سے اتوار تک درمیانی شدت سے لیکر موسلادھار بارش متوقع ہے۔

انجم نذیر کا کہنا تھا کہ جولائی میں مون سون کے 3 سے 4 اسپیل متوقع ہے تاہم 5 جولائی سے ایک اور مون سون کا سلسلہ کراچی پر اثر انداز ہوگا۔

مزید پڑھیں : کراچی میں دوپہر سے گرج چمک کیساتھ بارش کا سلسلہ شروع ہونے کا امکان

انھوں نے بتایا کہ اس سال کراچی سمیت سندھ میں معمول سے زیادہ بارشوں کا امکان ہے۔

گزشتہ روز سب سے زیادہ بارش گلشن حدید میں 17 ملی میٹر ریکارڈ ہوئی جبکہ یونیورسٹی روڈپر 13.4 اور پی اے ایف فیصل بیس پر 12 ملی میٹر بارش ریکارڈ کی گئی۔

اسی طرح شاہراہ فیصل پر 12 ملی میٹر، اولڈ سٹی ایریا میں 9 ملی میٹر، ڈیفنس فیز 2 میں 7.8 ملی میٹر، ائیرپورٹ پر 5 ملی میٹر اور یونیورسٹی روڈ پر 2 ملی میٹر بارش ریکارڈ کی گئی۔

اسلام آباد : نیشنل ایمرجنسی آپریشن سینٹر نے کراچی میں طوفانی بارش سے اربن فلڈنگ کا خدشہ ظاہر کردیا۔

تفصیلات کے مطابق نیشنل ایمرجنسی آپریشن سینٹر (این ڈی ایم اے) نے موسم کے حوالے سے ایڈوائزری جاری کردی ، جس میں کہا ہے کہ 25 جون تا 1 جولائی آندھی، طوفان اور بارش کا امکان ہے۔

ایڈوائزری میں کہا ہے کہ اسلام آباد، لاہور، کراچی، پشاور، گلگت،اسکردو، سوات سمیت کئی شہر متاثر ہوسکتے ہیں۔

این ڈی ایم اے کا کہنا تھا کہ شہری علاقوں میں اربن فلڈنگ اور لینڈسلائیڈنگ کا خطرہ ہے جبکہ کمزور تعمیرات متاثر ہوسکتی ہیں۔

موسم سے متعلق خبریں 

این ڈی ایم اے نے شہریوں کو مشورہ دیا کہ گاڑیاں محفوظ مقامات پرپارک کریں اور احتیاطی تدابیراختیارکریں۔

دوسری جانب محکمہ موسمیات کی جانب سے کہا گیا کراچی میں آج شام سے مغربی ہواؤں کا سسٹم داخل ہوگا، اس سسٹم کے زیر اثر شام میں بوندا باندی کا امکان ہے۔

موسم کا حال بتانے والوں کا کہنا تھا کہ کل سے وقفے وقفے سے آندھی اور گرج چمک کیساتھ کراچی میں بارش متوقع ہے تاہم مون سون کا پہلا اسپیل 2 جولائی تک بادل برسائے گا۔

کراچی : ماہرین نے کراچی کو اربن فلڈنگ سے بچانے کے لئے زیرِ زمین سرنگوں کا جال بچھانے کی تجویز دے دی، جس پر صدرزرداری نےجامع منصوبہ جلد تیار کرنےکی ہدایت کردی

تفصیلات کے مطابق صدر مملکت آصف زرداری کی زیرِ صدارت کراچی کو اربن فلڈنگ سےبچاؤ سے متعلق اجلاس ہوا، اجلاس میں وزیراعلیٰ سندھ مراد علی شاہ نے بھی شرکت کی۔

اجلاس میں صدر کو عالمی آبی اور سیوریج مینجمنٹ ماہرین کی طرف سے جامع بریفنگ دی گئی، ماہرین نےکراچی میں اربن فلڈنگ اور سیوریج کے چیلنجز سےنمٹنے کیلئے مختلف تجاویز دیں۔

ماہرین نے واشنگٹن ،لندن اورسنگاپور کے زیرِ زمین سرنگوں کے سیوریج نظام پرروشنی ڈالی اور کہا کہ کراچی کے ہائی فلڈ زونزمیں سڑکوں کے نیچے سرنگوں کا جال بچھایا جاسکتا ہے، زیرِزمین سرنگوں سے عوام ،ٹریفک اور زمین کی ملکیت سے متعلق پریشانی نہیں ہوگی۔

اجلاس میں بریفنگ دیتے ہوئے بتایا گیا کہ کراچی میں تقریباً 450 ملین گیلن یومیہ سیوریج پیدا ہوتا ہے، سیوریج اور بارش کا پانی چھوٹے اور بڑے کھلے نالوں میں جمع ہوتا ہے ، سیوریج اور سیلابی پانی بغیر ٹریٹمنٹ سمندر میں چھوڑنے سے سمندری ماحولیاتی نظام آلودہ ہوتا ہے۔

اجلاس میں مزید کہا گیا کہ کراچی کے نالوں کے موجودہ نیٹ ورک کی صلاحیت محدود ہے ، نالوں کا موجودہ جال عام حالات میں تقریباً 50 فیصد بارش کے پانی کو جذب کرتا ہے ،راچی میں اضافی پانی جذب نہ ہونےسےاربن فلڈنگ کاسامناکرنا پڑتا ہے۔

صدرمملکت نے کراچی میں سیلابی صورتحال کی روک تھام کیلئے جامع منصوبہ ترجیحی بنیادوں پر تیار کرنے کی ہدایت کرتے ہوئے کہا کہ اس حوالے سے سندھ حکومت پائیداراورطویل مدتی حکمت عملی اپنائے۔

آصف زرداری نے زور دیا کہ عالمی معیار کےمطابق سیوریج اورسیلابی پانی کےمؤثرنظام اپنانا ہوگا، زیرِزمین سرنگوں سےسیلاب پر قابو پانے کی فزیبلٹی اسٹڈی 3ماہ میں مکمل کی جائے۔

ان کا کہنا تھا کہ کراچی اور ساحلی علاقوں کو صاف ، دیگرمیٹروپولیٹن شہروں کےبرابرلانےکی ضرورت ہے، سرنگوں کے مجوزہ منصوبے کے نمایاں ماحولیاتی اثرات ہوں گا۔

صدر مملکت نے کہا کہ آلودہ پانی صاف کرنے کےنظام کی تعمیر سے بلوچستان کوزراعت کیلئےپانی میسر ہوگا، صاف پانی کےنظام کی تعمیرسےماہی گیری کےشعبےکوفروغ حاصل ہوگا، حیدرآباد کو بھی سیلاب اورسیوریج کے مسائل کا سامنا ہے۔