Tag: ارشد شریف قتل کیس

لندن : مسلم لیگ ن کے ترجمان لندن ہونے کے دعویدار تسنیم حیدر نے ارشد شریف قتل کیس میں طلبی کا نوٹس موصول ہونے کی تصدیق کردی۔

تفصیلات کے مطابق مسلم لیگ ن کے ترجمان لندن ہونے کے دعویدار تسنیم حیدر کو ایف آئی اے کا نوٹس موصول ہوگیا۔

تسنیم حیدر شاہ کا کہنا تھا کہ ایف آئی اے کا نوٹس اپنے وکیل کو بھیج دیا ہے، وکیل کے مشورے کے مطابق بیان ریکارڈ کرانے کو تیار ہوں۔

ن لیگی ترجمان نے کہا کہ مقدمات کے سبب پاکستان نہیں جا سکتا، میرے وکیل نے مشورہ دیا تو پاکستان جانے کو بھی تیار ہوں۔

ان کا کہنا تھا کہ وکیل نے کہا ہے میرے دفتر یا ہائی کمیشن میں بیان ریکارڈ کرانے کا بندوبست کروں گا، میں ارشدشریف قتل،عمران خان پر حملے سے متعلق بیانات پرقائم ہوں۔

گذشتہ روز سینئر صحافی ارشد شریف کی شہادت کے معاملے پر ایف آئی اے نے لیگی رہنما تسنیم حیدر کو طلب کرتے ہوئے نوٹس جاری کیا تھا۔

ایف آئی اے کی دو رکنی فیکٹ فائنڈنگ کمیٹی کی جانب سے تسنیم حیدر کو نوٹس جاری کیا تھا ، جس میں لیگی رہنما کو 29 نومبر کو طلب کیا گیا تھا۔

یاد رہے تسنیم حیدر نے صحافی ارشد شریف کے قتل سے متعلق کچھ دن پہلے لندن میں پریس کانفرنس کی تھی۔

تسنیم حیدر شاہ نے دعویٰ کیا تھا کہ عمران خان پر حملہ اور صحافی ارشد شریف کے قتل کی سازش لندن میں ہوئی، نواز شریف کے ساتھ حسن نواز کے دفتر میں 3 ملاقاتیں ہوئیں، مجھے میٹنگ کے لیے بلا کر بتایا گیا کہ ارشد شریف اور عمران خان کو قتل کرنا ہے۔

تسنیم حیدر نے بتایا تھا کہ پہلی میٹنگ 8 جولائی، دوسری 20 ستمبر اور تیسری 29 اکتوبر کو ہوئی، مجھ کہا گیا کہ نئے آرمی چیف کی تقرری سے پہلے ارشد شریف اور عمران خان کو راستے سے ہٹانا ہے، ناصر بٹ نے نواز شریف سے میرا تعارف گجرات کے مضبوط شخص کے طور پر کرایا۔

اسلام آباد : ایف آئی اے نے مسلم لیگ ن کے رہنما تسنیم حیدر کو نوٹس جاری کرتے ہوئے 29 نومبر کو طلب کر لیا ہے۔

تفصیلات کے مطابق سینئر صحافی ارشد شریف کی شہادت کے معاملے پر ایف آئی اے نے لیگی رہنما تسنیم حیدر کو طلب کرتے ہوئے نوٹس جاری کر دیا ہے۔

ایف آئی اے کی دو رکنی فیکٹ فائنڈنگ کمیٹی کی جانب سے تسنیم حیدر کو نوٹس جاری کیا گیا ہے، جس میں لیگی رہنما کو 29 نومبر کو طلب کیا گیا ہے۔

یاد رہے تسنیم حیدر نے صحافی ارشد شریف کے قتل سے متعلق کچھ دن پہلے لندن میں پریس کانفرنس کی تھی۔

تسنیم حیدر شاہ نے دعویٰ کیا تھا کہ عمران خان پر حملہ اور صحافی ارشد شریف کے قتل کی سازش لندن میں ہوئی، نواز شریف کے ساتھ حسن نواز کے دفتر میں 3 ملاقاتیں ہوئیں، مجھے میٹنگ کے لیے بلا کر بتایا گیا کہ ارشد شریف اور عمران خان کو قتل کرنا ہے۔

تسنیم حیدر نے بتایا تھا کہ پہلی میٹنگ 8 جولائی، دوسری 20 ستمبر اور تیسری 29 اکتوبر کو ہوئی، مجھ کہا گیا کہ نئے آرمی چیف کی تقرری سے پہلے ارشد شریف اور عمران خان کو راستے سے ہٹانا ہے، ناصر بٹ نے نواز شریف سے میرا تعارف گجرات کے مضبوط شخص کے طور پر کرایا۔

اسلام آباد : ارشد شریف قتل کیس میں فیصل واوڈا نے تحقیقاتی کمیٹی کو اپنا بیان ریکارڈ کرا دیا، ایف آئی اے نے فیصل واوڈا کو 10 سوالوں پر مبنی سوالنامہ دے دیا۔

تفصیلات کے مطابق ارشد شریف قتل کیس میں فیصل واوڈا ایف آئی اے ہیڈ کوارٹر پہنچے اور فیکٹ فائنڈنگ کمیٹی کے سامنے پیش ہوئے۔

تحقیقاتی ٹیم نے فیصل واوڈا سے ارشدشریف کےقتل کیس سے متعلق سوال جواب کئے ، فیصل واوڈا نے تحقیقاتی کمیٹی کو اپنا بیان ریکارڈ کرایا۔

ایف آئی اے کی ٹیم نے فیصل واوڈا کو 10سوالوں پر مبنی سوالنامہ دیا۔

خیال رہے تحقیقاتی ٹیم نے آج فیصل واوڈا اور مراد سعید کو طلب کر رکھا تھا، دونوں رہنماؤں کو ارشد شریف کو سیکیورٹی خدشات کی معلومات کے حوالے سے طلب کیا گیا۔

واضح رہے ارشد شریف قتل کیس کی تحقیقات کرنے والی دو رکنی ٹیم آج وزیر داخلہ سےملاقات کرے گی ، جس میں دبئی سے حاصل کی جانے والی معلومات سے آگاہ کیا جائے گا۔

یاد رہے کہ گذشتہ ماہ کی 26 تاریخ کو اسلام آباد میں تہلکہ خیز نیوز کانفرنس کرتے ہوئے فیصل واوڈا کا کہنا تھا کہ ارشد شریف کے قتل کی سازش پاکستان میں ہوئی آنے والے چند دنوں میں نام دے دوں گا۔

ان کا کہنا تھا کہ ارشد شریف ملک چھوڑنے کو تیار نہیں تھے، سازشیوں نے ڈرا دھمکا کر انہیں ملک چھوڑنے پر مجبور کیا وہ پاکستان سے دبئی گئے وہ ویزے کے اختتام تک وہاں رہے، سازش کے تانے بانے اور مقاصد کچھ اور ہیں میں نے گھر والوں کو بتادیا ہے مجھے کچھ ہوا تو تحفے میں انہیں بھی لاشیں ملیں گی۔