Tag: ارشد شریف کی موت

نیویارک : اقوام متحدہ سیکرٹری جنرل کے ترجمان نے بھی ارشد شریف کی موت کی   مکمل چھان بین کا مطالبہ کردیا۔

تفصیلات کے مطابق اقوام متحدہ سیکرٹری جنرل کے ترجمان اسٹیفن ڈیوجاریک کی جانب سے بیان میں کہا گیا ہے کہ میں نے ارشد شریف کی موت کی المناک خبر دیکھی ، اس واقعے کی مکمل چھان بین ہونی چاہیے۔

ترجمان یواین کا کہنا تھا کہ کینین حکام نے کہا ہے کہ وہ جلد از جلد تحقیقات مکمل کرکے نتائج سامنے لائیں گے۔

یاد رہے امریکا نے سینیئر صحافی اور نامور اینکر ارشد شریف کے قتل کی مذمت کرتے ہوئے کینیا کی حکومت سے واقعے کی مکمل تحقیقات کا مطالبہ کیا تھا۔

ترجمان امریکی محکمہ خارجہ نے واشنگٹن میں میڈیا سے گفتگو کرتے ہوئے مطالبہ کیا کہ پاکستانی حکام اظہار رائے کی آزادی کو یقینی بنانے کے اقدامات کریں، ارشد شریف کا تحقیقاتی کام پوری دنیا کے سامنے تھا، معلوم ہے دنیا میں کہاں کہاں صحافیوں کی آواز کو دبانے کی کوشش ہوتی ہے۔

سلام آباد: وفاقی وزیراطلاعات مریم اورنگزیب کا کہنا ہے کہ ارشد شریف کی موت کے حوالے سے کینیا کی حکومت کی طرف سے تفتیشی رپورٹ آنا ضروری ہے۔

تفصیلات کے مطابق وفاقی وزیراطلاعات مریم اورنگزیب تعزیت کے لئے ارشد شریف کے گھر پہنچیں ، اس موقع پر میڈیا سے گفتگو کرتے ہوئے کہا کہ ارشد شریف کی موت ایک افسوسناک واقعہ ہے، میرے پاس الفاظ نہیں اس کا کیسے افسوس کروں۔

مریم اورنگزیب کا کہنا تھا کہ کینیا کی حکومت کی طرف سے تفتیشی رپورٹ آنا ضروری ہے، وزیراعظم نے وزارت داخلہ اور خارجہ کو معاملےکی تحقیقات کا حکم دے دیا ہے۔

وفاقی وزیراطلاعات نے کہا کہ وزیراعظم نے میت کی جلد وطن واپسی کیلئے کام تیز کرنے کی ہدایت جاری کی۔

ان کا کہنا تھا کہ صحافی ارشدشریف کی وفات کو سیاست سے بالاتر رکھا جائے۔

خیال رہے گذشتہ شپ اینکرپرسن ارشدشریف کینیا کے شہر نیروبی میں گولی لگنے سے شہید ہوگئے تھے، واقعہ نیروبی سے دو گھنٹے کے فاصلے پر واقع علاقے میں پیش آیا۔

بعد ازاں کینیا میڈیا نے رپورٹ کیا کہ ارشد شریف مقامی پولیس کی گولی کا نشانہ بنانے، پولیس نے بھی اس حوالے سے تصدیق کرتے ہوئے کہا کہ واقعہ غلط فہمی کی بنا پر ہوا۔

اسلام آباد : وزیر اطلاعات مریم اورنگزیب کا کہنا ہے کہ ارشد شریف کی موت کی وجوہات کا پتہ چلانے کیلئے کوششیں جاری ہے ، ہم تفصیلات سے اہلخانہ اور عوام کو آگاہ کریں گے۔

تفصیلات کے مطابق وزیر اطلاعات مریم اورنگزیب نے صحافی ارشد شریف کی والدہ اور پاکستان میں کینیا کے سفیر سے ٹیلیفون پر گفتگو کی۔

وزیر اطلاعات مریم اورنگزیب نے ارشد شریف کی والدہ سے دلی رنج اور غم کا اظہار کرتے ہوئے معاملے پر پیشرفت اور معلومات سے آگاہ کیا۔

مریم اورنگزیب نے کہا کہ ارشد شریف کی موت پر بہت دکھ ہے،اہلخانہ کے غم میں شریک ہیں، ارشد شریف کی موت کی وجوہات کا پتہ چلانے کیلئے کوششیں جاری ہیں۔

وزیراطلاعات کا کہنا تھا کہ کینیاکی حکومت نے باضابطہ سرکاری طور پرارشد شریف کی موت پر کچھ نہیں بتایا، جیسےہی کینیا کی حکومت بتائے گی ہم تفصیلات سے اہلخانہ اور عوام کو آگاہ کریں گے۔

حکومت پاکستان کینیا کی حکومت اور متعلقہ حکام سے رابطے میں ہیں جبکہ کینیا میں پاکستانی سفیر بھی پولیس حکام سے رابطے میں ہیں اور ان کے دفتر جا رہی ہیں۔

مریم اورنگزیب نے بتایا کہ پاکستان میں کینیا کے سفیر سے بھی رابطہ ہوا انہوں نے مکمل تعاون کایقین دلایا، وزارت داخلہ کینیا کی سکیورٹی ایجنسیزسےرابطےمیں ہیں، ارشد شریف کے ساتھ ہونیوالے واقعے پرحقائق تک پہنچیں گے۔

وفاقی وزیر نے کہا کہ اللہ مرحوم کو جنت الفردوس میں اعلی مقام عطا فرمائے اور اہل خانہ کو صبر جمیل دے،آمین ، پاکستانی میڈیا پر ارشد شریف سے متعلق قیاس آرائیاں افسوسناک ہیں، مصدقہ حقائق سامنے آنے تک قیاس آرائیوں سے گریز کیاجائے،مریم اورنگزیب