Tag: ارشد شریف

اسلام آباد : سینئر صحافی ارشد شریف کی شہادت کی تحقیقات اور حقائق جاننے کیلئے ٹیم یو اے ای پہنچ گئی، جہاں ٹیم ارشد شریف کے یواے ای چھوڑنے کی وجوہات کا جائزہ لے گی۔

تفصیلات کے مطابق سینئر صحافی ارشد شریف کی شہادت کی تحقیقات کیلئے 2 رکنی ٹیم متحدہ عرب امارات پہنچ گئی۔

ذرائع نے بتایا کہ تحقیقاتی ٹیم میں ڈپٹی ڈی جی آئی بی اور ڈائریکٹر ایف آئی اے شامل ہیں ، ٹیم ارشد شریف کے یواے ای پہنچنے اور کینیا جانے کے معاملے کی تحقیقات کرے گی۔

ذرائع کا کہنا ہے کہ یو اے ای میں ارشد شریف کس کس سے ملے ؟ اس حوالے سے بھی ٹیم تحقیقات کرے گی۔

ذرائع کے مطابق تحقیقاتی ٹیم ارشد شریف کے رہائش پذیر ہونے والی جگہ کا دورہ کرے گی اور ارشد شریف کو یواے ای چھوڑنے کی وجوہات کا بھی جائزہ لیا جائے گا۔

گذشتہ روز شہید ارشد شریف کی پوسٹ مارٹم رپورٹ سامنے آئی تھی ، جس میں بتایا گیا تھا کہ ارشد شریف کی لاش پر بارہ زخم پائے گئے تھے، ان کی بائیں آنکھ کے گرد سیاہ نشان تھا جبکہ گردن کے بائیں جانب زخم اور چھاتی کے دائیں جانب سینے پر زخم موجود تھا۔

رپورٹ میں کہا ہے کہ ارشد شریف کی کمر پر موجود زخم کے گرد سیاہ نشان موجود تھا اور ان کے دائیں ہاتھ کے چار ناخن موجود نہیں تھے جبکہ ان کی دائیں کلائی پر رگڑ کا نشان موجود تھا۔

رپورٹ کے مطابق ارشد شریف کی کھوپڑی کی بائیں جانب کی ہڈی غائب تھی اور ان کے دماغ کے بائیں جانب متاثر ہوا تھا، گولی سے ارشد شریف کا دماغ، پھیپڑا شدید متاثر ہوا۔

اسلام آباد: ارشد شریف کے میزبان فارم ہاؤس پارٹنر کا اہم بیان سامنے آگیا،جمشید نے کہا کینیا پولیس کا خود پر فائرنگ کا دعویٰ جھوٹ ہے، ارشد شریف کی گاڑی کو پیچھے سے چار فائر لگے۔

تفصیلات کے مطابق ارشد شریف قتل کیس کے کردار وقار کے دوست اور امود مپ فارم ہاؤس کے پارٹنر جمشید نے بیان میں کہا کہ ارشد شریف کی گاڑی سے کینیا پولیس پر فائرنگ نہیں ہوئی۔

وقار کے دوست جمشید کا کہنا تھا کہ ارشد شریف اور خرم کے پاس کوئی اسلحہ نہیں تھا، کینیا پولیس کا خود پر فائرنگ کا دعویٰ جھوٹ ہے، گاڑی کو پیچھے سے چار فائر لگے۔

فارم ہاوس کے پارٹنر نے کہا کہ پولیس نے تسلیم کیا کہ فائرنگ اُن سے ہوئی ہے ،اس علاقے میں کسی کو ٹارگٹ کرنا انتہائی مشکل کام ہے، راستےمیں دھول اتنی زیادہ ہوتی ہے کہ گاڑی بھی فاصلہ رکھ کر ڈرائیوکرنا پڑتی ہے۔

یاد رہے ڈائریکٹرجنرل ایف آئی اے محسن حسن بٹ نے امریکی نشریاتی ادارے سے گفتگو میں بتایا تھا کہ کینیا کی پولیس کے 3 شوٹرز سے پاکستانی تحقیقاتی ٹیم نے پوچھ گچھ کی، 3 اہلکاروں کے بیانات میں گھمبیر نوعیت کا تضاد تھا بلکہ غیر منطقی بھی تھے۔

محسن حسن بٹ نے کہا تھا کہ تینوں شوٹرز نے وہی مؤقف دہرایا جو کینیا پولیس میڈیا میں بیان کرچکی تھی تاہم کینیا پولیس کے 4 میں سے 1 افسر کو پاکستانی تحقیقات کاروں کے سامنے پیش نہیں کیا گیا۔

اسلام آباد : ڈائریکٹرجنرل ایف آئی اے محسن حسن بٹ کا کہنا ہے کہ ‘یقین ہے کینیا کی پولیس ارشدشریف کی ٹارگٹ کلنک میں ملوث ہے۔

تفصیلات کے مطابق ڈائریکٹرجنرل ایف آئی اے محسن حسن بٹ نے امریکی نشریاتی ادارے سے گفتگو میں بتایا کہ کینیا کی پولیس کے 3 شوٹرز سے پاکستانی تحقیقاتی ٹیم نے پوچھ گچھ کی، 3 اہلکاروں کے بیانات میں گھمبیر نوعیت کا تضاد تھا بلکہ غیر منطقی بھی تھے۔

محسن حسن بٹ نے کہا کہ تینوں شوٹرز نے وہی مؤقف دہرایا جو کینیا پولیس میڈیا میں بیان کرچکی تھی تاہم کینیا پولیس کے 4 میں سے 1 افسر کو پاکستانی تحقیقات کاروں کے سامنے پیش نہیں کیا گیا۔

ڈی جی ایف آئی اے کا کہنا تھا کہ جس افسرکو پیش نہیں کیا گیا وہ ارشدشریف پر گولیاں چلانے والوں میں شامل تھا، کینیا کے پولیس اہلکاروں نے بتایا ناکے پر گاڑی نہ رکنے پر فائرنگ کی۔

انھوں نے کہا کہ یقین ہے کینیا کی پولیس ارشد شریف کی ٹارگٹ کلنک میں ملوث ہے، اس شوٹر تک رسائی نہیں دی گئی جس کا ہاتھ 2 ہفتےقبل زخمی ہوگیا تھا۔

محسن حسن بٹ کا کہنا تھا کہ شوٹرتک رسائی نہ دینا عجیب بات ہے، اس آفیسر کا بیان بہت اہم ہے، اگلا قدم ارشد شریف کی موت کے مقدمے کا پاکستان میں اندراج ہے، مقدمے کا اندراج اسوقت ہو گا جب وفاقی حکومت اس کے احکامات جاری کرے گی۔

کینیا پولیس عالمی قوانین کےمطابق صحافی کےسفاکانہ قتل کی تحقیقات میں تعاون کی پابند ہے۔

اسلام آباد : نیروبی میں مقیم پاکستانیوں کو ارشد شریف کی موجودگی کا علم تھا تو کیا پاکستانی ہائی کمیشن کو ارشد شریف کی موجودگی کا علم نہیں ہوگا؟ سوالات اٹھ گئے۔

تفصیلات کے مطابق سینئرصحافی ارشد شریف اپنے خلاف مقدمات کے اندراج اور پھر دھمکیاں ملنے پرپاکستان سے گئے اور کچھ روز دبئی میں قیام کیا پھر انہیں کینیا جانا پڑا۔

جس کے بعد ارشد شریف کہاں ہیں یہ کیسے ہوسکتا ہے پاکستانی حکام کو علم نہ ہو مگر کینیا میں مقیم پاکستانی ارشدشریف کو جانتے تھے اور انہیں یہ بھی معلوم تھا ارشد شریف کینیا میں رہائش پذیر ہیں۔

کینیا میں پاکستانی برادری ارشد شریف سے اتنی واقف تھی کہ ڈالمن پلازہ مارکیٹ میں انہیں شناخت کیا اور سیلفی بنانے کی خواہش کا اظہار بھی کیا۔

ایسی صورتحال میں کینیا میں رہنے والے پاکستانیوں کو ارشد شریف کے بارے میں علم تھا تو سوال یہ ہے کیا نیروبی میں پاکستانی ہائی کمیشن اور پاکستانی ہائی کمشنر کو ارشدشریف کی موجودگی کا علم نہیں تھا؟

اگر پاکستانی ہائی کمیشن ارشد شریف کے کینیا میں قیام سے متعلق باخبر تھا تو کیا پاکستان میں حکام کوآگاہ کیا گیا تھا؟ اس معاملے کی تحقیقات ہونی چاہئے۔

ارشدشریف کے کینیا میں ہونے سے متعلق وہاں موجود مٹھی بھر پاکستانی شہریوں کو اگرعلم تھا تو یہ کیسے ہوسکتا ہے وفاقی وزیرداخلہ راناثناءاللہ کو علم نہ ہو؟

اس معاملے پر سوال اٹھنے لگے ہیں کہ کیا رانا ثناء اللہ حقائق چھپا رہے ہیں؟ کیا راناثنا معاملےکو کوئی اور رُخ دینےکی کوشش تو نہیں کررہے؟

اسلام آباد : وفاقی وزیر داخلہ رانا ثنا اللہ کا کہنا ہے کہ ارشد شریف کو ٹارگٹ کرکے قتل کیا گیا، کینیا پولیس کی جانب سے غلط شناخت کی بات درست نہیں لگتی۔

تفصیلات کے مطابق وفاقی وزیر داخلہ رانا ثنا اللہ نے پریس کانفرنس میں ارشد شریف قتل کیس کے حوالے سے بتایا کہ کینیاسےجوٹیم واپس آئی ہے میں نے ان سےبریفنگ لی ہے، ابھی کچھ چیزیں مزید انکوائری طلب ہیں۔

وزیرداخلہ کا کہنا تھا کہ میں نے ٹیم سے کہا ہے کہ دبئی بھی جائیں جو ضروری چیزیں حاصل کرنی ہیں وہ کریں، وزارت خارجہ سے درخواست کریں گے کہ کینیا حکومت سےکہیں وہ ڈیٹا فراہم کریں۔

راناثنا اللہ نے کہا کہ اب تک جو تحقیقات سامنے آئی ہے ارشد شریف مرحوم کو قتل کیا گیا ہے، کینیا پولیس نے جو مؤقف اختیار کیا تھا وہ ثابت نہیں ہوتا۔

انھوں نے بتایا کہ دو رکنی ٹیم جو کینیا گئی تھی میں انہیں سراہتا ہوں، انہوں نے محنت اورپروفیشنل انداز سے ایک ایک چیزکو پرکھا ہے۔

وزیرداخلہ نے کہا کہ چیف جسٹس آف پاکستان کو خط لکھا ہے، چیف جسٹس آف پاکستان کسی کو بھی کمیٹی کا سربراہ بنا دیں، ارشد شریف کی والدہ محترمہ ہماری بہن اور قابل احترام ہیں، ہم کوئی بات یا گفتگو ایسی نہیں کرنا چاہتے کہ ان کے دکھوں میں اضافہ ہو۔

راناثنا اللہ کا کہنا تھا کہ چیف جسٹس آف پاکستان کمیشن کاسربراہ مقررکرتے وقت والدہ سے بھی رائے لے لیں، امید ہے چیف جسٹس آف پاکستان کمیشن کا نام حکومت کو دیں گے اور میں پرامید ہوں ارشد شریف کے قاتلوں کی نشاندہی ہو جائے گی۔

انھوں نے کہا کہ کچھ چیزیں ایسی ہیں جن پربات کرناقبل ازوقت ہوگا، جو چیزیں سامنے آئی ہیں سمجھتا ہوں بہت ظلم ہوا ہے، کینیا پولیس سے متعلق بھی سامنے آیا کہ وہ اس طرح کی چیزیں کرنے میں ماہرہیں ، وہاں کی پولیس تو پیسے لے کر بھی ایسےکام کردیتی ہیں۔

وفاقی وزیر کا کہنا تھا کہ فائرکرنے والوں کو معلوم تھا کہ اس گاڑی میں ارشد شریف کون ہے اور ارشد شریف کس سیٹ پربیٹھا ہے، گاڑی ڈرائیو کرنےوالےکوبھی معلوم تھا کہ کیا کرنا ہے، وزیراعظم سے کہوں گا کہ دوبارہ کینیا کے صدر سے بات کریں۔

انھوں نے کہا کہ ارشد شریف کے سامان میں سے بہت ساری چیزیں مل گئیں، کینیا والوں نے کچھ چیزیں دانستہ طور پر نہیں دیں، ارشد شریف کو ٹارگٹ کرکے قتل کیا گیا، کینین پولیس کی جانب سے غلط شناخت کی بات درست نہیں لگتی۔

۔۔۔۔۔۔۔