ARYNews.tv | Urdu – Har Lamha Bakhabar

Tag: ارشد ملک

  • احتساب عدالت کے جج ارشد ملک کو ہٹانے سے متعلق نوٹی فکیشن جاری

    احتساب عدالت کے جج ارشد ملک کو ہٹانے سے متعلق نوٹی فکیشن جاری

    اسلام آباد : وزارت قانون نے احتساب عدالت کے جج ارشد ملک کو ہٹانے سےمتعلق نوٹی فکیشن جاری کردیا ، جسٹس عامر فاروق تین نام وزارت قانون کچھ دیر میں بھیجیں گے، جس کے بعد وزارت قانون ایک نام فائنل کر کے نوٹی فکیشن جاری کردےگی۔

    تفصیلات کے مطابق احتساب عدالت نمبر 2 کے جج ارشد ملک کو ہٹانے سے متعلق نوٹی فکیشن جاری کردیا گیا ، وزارت قانون نے نوٹی فکیشن جاری کیا، جس کی کاپی رجسٹرارآفس کومل گئی ہے۔

    نوٹی فکیشن کے مطابق ارشد ملک بطورجج احتساب عدالت کورٹ نمبر 2 کام نہیں کرسکتے۔

    جسٹس عامر فاورق نے رجسٹرارسے سیشن ججز کی فہرست منگوا لی ، جسٹس عامر فاروق تین سیشن ججز کے نام شارٹ لسٹ کر کے وزارت قانون کو بھجوائیں گے۔

    جس کے بعد وزارت قانون تینوں ناموں سے ایک نام فائنل کر کے نوٹی فکیشن جاری کردے گی۔

    یاد رہے مبینہ ویڈیو کے معاملے پر قائم مقام چیف جسٹس اسلام آبادہائی کورٹ کی جانب سےوزارت قانون کوخط لکھا تھا، جس میں کہا گیا تھا کہ جج ارشدملک کےبیان کونوازشریف کیس سےمنسلک کیاجائے اور وزارت قانون جج ارشدملک کی خدمات واپس لے۔

    مزید پڑھیں : مبینہ ویڈیو کا معاملہ : جج ارشد ملک کوعہدے سے ہٹانے کا فیصلہ

    مبینہ ویڈیو کے معاملے پر اسلام آباد کی احتساب عدالت کے جج ارشدملک کو عہدے سے ہٹانےکا فیصلہ کیا تھا۔

    اس سے قبل جج ارشدملک نے اسلام آبادہائی کورٹ کےرجسٹرارسے ملاقات کی اورمبینہ وڈیوپربیان حلفی کےساتھ جواب جمع کرایا تھا ، جس میں جج ارشدملک نے کہا تھا ان کےخلاف پروپیگنڈا کیاجا رہا ہے اور انھیں بلاوجہ بدنام کیا جارہا ہے، حلفیہ کہتا ہوں میرا اس ویڈیو سے کوئی تعلق نہیں، ویڈیو کوایڈٹ کرکےچلایا گیاہے۔

    واضح رہے مریم نواز پریس کانفرنس میں احتساب عدالت کے جج کی خفیہ کیمرے سے بنی مبینہ ویڈیو سامنے لے آئیں تھیں ، جاری کردہ احتساب عدالت کے جج ارشد ملک کی مبینہ ویڈیو میں کہا جارہا ہے کہ نوازشریف کےساتھ زیادتی اورناانصافی ہوئی۔

  • جج  ارشد ملک کے کیسز میں سنائے جانے والے فیصلے برقراررہیں گے: قانونی ماہرین

    جج  ارشد ملک کے کیسز میں سنائے جانے والے فیصلے برقراررہیں گے: قانونی ماہرین

    اسلام آباد: قانون ماہرین کا کہنا ہے کہ جج  ارشد ملک کے مختلف کیسز میں سنائے جانے والے فیصلے برقراررہیں گے.

    تفصیلات کے مطابق اے آر وائی نیوز سے خصوصی گفتگو کرتے ہوئے سابق اٹارنی جنرل شاہ خاور نے کہا کہ جج ارشد ملک کی ویڈیو الگ اور کیسزمیں فیصلے بالکل الگ معاملہ ہے، وہ برقرار رہے ہیں.

    ماہر قانون اظہرصدیق کا اس ضمن میں کہنا تھا کہ کہا ارشد ملک کے نیب سے ٹرانسفرسے کیس کی میرٹ پر فرق نہیں پڑے گا، البتہ مبینہ ویڈیو کی سازش کرنے والوں کےخلاف توہین عدالت کی کارروائی کی جائے۔

    اسی تناظر میں بیرسٹرمسرورشاہ کا کہنا تھا کہ ارشد ملک نےبیان حلفی جمع کرا دیا، اب مریم نواز اوردیگر کا بیان حلفی طلب کیا جائے گا، ویڈیو آڈیو کا فرانزک کیا جائے گا.

    مزید پڑھیں: جج ارشد ملک ویڈیو معاملہ: کیس سپریم کورٹ میں سماعت کے لیے مقرر

    خیال رہے کہ ویڈیو اسکینڈل سامنے آنے کے بعد احتساب عدالت کے جج ارشد ملک کو عہدے سے ہٹانے کا فیصلہ کیا گیا ہے ، قائم مقام چیف جسٹس اسلام آبادہائی کورٹ نے کہا وزارت قانون جج ارشد ملک کی خدمات واپس لے لیں۔

    دوسری جانب جج ارشد ملک ویڈیو اسکینڈل سپریم کورٹ آف پاکستان میں سماعت کے لیے مقرر ہوگیا ہے، چیف جسٹس کی سربراہی میں 3 رکنی بینچ 16 جولائی کو اس کیس کی سماعت کرے گا.

  • جج ارشد ملک ویڈیو معاملہ: کیس سپریم کورٹ میں سماعت کے لیے مقرر

    جج ارشد ملک ویڈیو معاملہ: کیس سپریم کورٹ میں سماعت کے لیے مقرر

    اسلام آباد: جج ارشد ملک ویڈیو اسکینڈل سپریم کورٹ آف پاکستان میں سماعت کے لیے مقرر ہوگیا.

    تفصیلات کے مطابق چیف جسٹس کی سربراہی میں 3 رکنی بینچ 16 جولائی کو اس کیس کی سماعت کرے گا.

    ایڈووکیٹ اشتیاق احمد مرزا نے گزشتہ روزدرخواست دائرکی تھی، درخواست گزار نے استدعا کی تھی کہ معاملے کی انکوائری کی جائے اور سچ سامنے لایا جائے.

    درخواست گزار ایڈووکیٹ اشتیاق احمد مرزا کا کہنا تھا کہ جج ارشد ملک ویڈیو کی سپریم کورٹ خود انکوائری کرے.

    تین رکنی بینچ کی سربراہی چیف جسٹس آصف سعید کھوسہ کریں گے، ویڈیوکی انکوائری کے لئے آئینی درخواست سپریم کورٹ میں دائر کر دی گئی.

    درخواست گزار نے یہ استدعا بھی کی ہے کہ معاملے میں ملوث افراد کے خلاف توہین عدالت کارروائی کی جائے، یوں لگتا ہے کہ ویڈیو سےعدلیہ کی آزادی پر سوال اٹھایا گیا ہے.

    مزید پڑھیں: جج ارشد ملک کو عہدے سے ہٹانے کی منظوری صدر مملکت دیں گے، وزارت قانون

    عدلیہ پرجو الزامات لگائے گئے، ان کی انکوائری ہونا ضروری ہے، جج ارشد ملک مریم نواز کے الزامات کی تردید کر چکے ہیں.

    درخواست میں کہا گیا ہے کہ رشوت کی آفرکرنےکی بات کی گئی، وہ سنجیدہ نوعیت کا معاملہ ہے، مریم نوازکی پریس کانفرنس میں الزامات توہین عدالت ہے، حکومت کوہدایت کی جائے کہ عدلیہ کی آزادی کے لئے اقدامات کرے.

  • احتساب عدالت کے جج ارشد ملک نے مریم نواز کے الزامات کو بے بنیاد اورجھوٹا قراردے دیا

    احتساب عدالت کے جج ارشد ملک نے مریم نواز کے الزامات کو بے بنیاد اورجھوٹا قراردے دیا

    اسلام آباد: احتساب عدالت کے معزز جج ارشد ملک نے مریم نوازکی پریس کانفرنس میں دکھائی گئی ویڈیو کوحقائق کے برعکس قرار دے دیا۔

    تفصیلات کے مطابق احتساب عدالت کے جج ارشد ملک نے پریس ریلیز کے ذریعے اپنے خلاف سامنے آنے والی مبینہ ویڈیو پر ردعمل دیتے ہوئے کہا کہ میری ذات اورخاندان کی ساکھ متاثرکرنے کی سازش کی گئی۔

    معزز جج کی جانب سے جاری پریس ریلیز میں کہا گیا کہ نوازشریف اور ان کے خلاف کے خلاف مقدمات کی سماعت کے دوران ان کے نمائندوں سے بارہا نہ صرف رشوت کی پیش کش کی گئی بلکہ تعاون نہ کرنے کی صورت میں سنگین نتائج کی دھمکیاں بھی دی گئیں جنہیں سختی سے رد کرتے ہوئے حق پر قائم رہنے کا عزم کیا۔

    فاضل جج نے کہا کہ اگر دباؤ یا رشوت کی لالچ میں فیصلہ سناتا تو ایک مقدمے میں سزا اور دوسرے میں بری نہ کرتا، انصاف کرتے ہوئے شواہد کی بنا پر نوازشریف کو العزیزیہ کیس میں سزا اور فلیگ شپ کیس میں بری کیا۔

    انہوں نے کہا کہ مجھ پر بالواسطہ یا بلا واسطہ کوئی دباؤ نہیں تھا، مریم نواز کی پریس کانفرنس میں دکھائی گئی ویڈیو جعلی، جھوٹی اورمفروضوں پرمبنی ہے، اس ویڈیو میں ملوث افراد کے خلاف قانونی کارروائی کی جانی چاہیے۔

    احتساب عدالت کے جج نے کہا کہ گزشتہ روز مریم نواز کی جانب سے پریس کانفرنس میں مجھ پر سنگین الزامات لگائے گئے اور میری ذات اور میرے خاندان کی ساکھ کو متاثر کرنے کی سازش کی گئی۔

    معزز جج نے کہا کہ ناصربٹ اوراس کے بھائی سے وکالت کے دورکی پرانی شناسائی ہے انہوں نے مزید کہا کہ خدا کو حاضر ناظرجان کر قانون وشواہد کی بنیاد پرفیصلے کیے۔

    مریم نواز احتساب عدالت کے جج کی مبینہ ویڈیو سامنے لے آئیں

    یاد رہے کہ گزشتہ روز مسلم لیگ ن کی نائب صدر مریم نواز نے اپنے والد اور پارٹی قائد نوازشریف کے خلاف احتساب عدالت کے کیس میں جج ارشد ملک کی خفیہ کیمرے سے بنی مبینہ ویڈیو سامنے لائی تھیں۔

  • جج ارشد ملک نیک اور ذمہ دار آدمی ہیں: فروغ نسیم

    جج ارشد ملک نیک اور ذمہ دار آدمی ہیں: فروغ نسیم

    اسلام آباد: وفاقی وزیر قانون بیرسٹر فروغ نسیم نے کہا ہے کہ جج ارشد ملک نیک اور ذمہ دار آدمی ہیں، اگر جج صاحب دباؤ میں تھے بھی تو کیا لندن فلیٹس کا معاملہ ختم ہو جاتا ہے۔

    تفصیلات کے مطابق وفاقی وزیر قانون و انصاف نے مریم نواز کی پریس کانفرنس پر رد عمل دیتے ہوئے کہا کہ جو قانون ہے سامنے رکھوں گا، یہ حکومتی مؤقف نہیں ہوگا، ناصر بٹ نے جو کچھ کیا وہ توہین عدالت کے زمرے میں آتا ہے۔

    فروغ نسیم کا کہنا تھا کہ ناصر بٹ نے جو کیا قانون کے مطابق اس کی 6 ماہ سزا ہے، بغیر کسی تحقیق کے ویڈیو کا سہارا لینے والے کو بھی سزا مل سکتی ہے۔

    وفاقی وزیر نے کہا کہ پہلے ویڈیو تحقیق کی جاتی پھر پریس کانفرنس کرنی چاہیے تھی، ناصر بٹ ان کے آدمی ہیں تو ویڈیو موجود تھی تو عدالت میں پیش کیوں نہ کی، اس ٹیپ سے نواز شریف کو کیس میں کچھ حاصل نہیں ہوگا۔

    یہ بھی پڑھیں:  ویڈیو ٹیپ کا فرانزک آڈٹ کرایا جائے گا: فردوس عاشق اعوان

    فروغ نسیم کا کہنا تھا کہ ویڈیو ٹیپ فیصلے سے پہلے پیش کیا جاتا، اب کچھ نہیں ہو سکتا، ویڈیو ٹیپ کے بعد کیا لندن فلیٹس سمیت دیگر چیزیں ختم ہو جاتی ہیں؟

    خیال رہے کہ آج پاکستان مسلم لیگ ن کی نائب صدر مریم نواز نے پریس کانفرنس میں جج ارشد ملک کے حوالے سے ایک متنازع ویڈیو آڈیو ٹیپ پیش کی۔

    جس پر مشیر اطلاعات فردوس عاشق اعوان نے کہا ہے کہ اس ٹیپ کا فرانزک آڈٹ کرایا جائے گا، یہ دراصل ن لیگ کی ڈوبتی کشتی کو سہارا دینے کی کوشش ہے، ویڈیو کو دیکھا جائے گا کہ کیا وہ اصلی ہے یا ٹیمپرڈ، اس ٹیپ کی فرانزک کے بعد سب سامنے آ جائے گا۔