Tag: ارشد ندیم

بھارتی جیولین تھرور نیرج چوپڑا پاکستان کے ارشد ندیم کی غیرموجودگی کے باوجود ڈائمنڈ لیگ میں گولڈ میڈل جیتنے میں ناکام رہے۔

نیرج چوپڑا نے ڈائمنڈ لیگ کے فائنل میں لگاتار تیسری بار رنر اپ رہے، اولمپک میڈلسٹ جیولن تھرور کو جرمنی کے جولین ویبر نے گولڈ میڈل جیتنے سے محروم کردیا، جمعرات کو ہونے والے مقابلے میں جولین نے 90 میٹر پلس کی دو تھرو کرکے پہلی پوزیشن اپنے نام کی۔

بھارت کے نیرج چوپڑا 84.35 میٹر کی تھرو کے ساتھ پانچویں راؤنڈ تک تیسرے نمبر پر تھے تاہم آخری کوشش میں انھوں نے 85.01 میٹر کی تھرو کرکے خود کو دوسری پوزیشن کا حقدار بنایا۔

2012 کے لندن اولمپکس میں گولڈ میڈل جیتنے والے نیرج نے ٹرینیڈاڈ اینڈ ٹوباگو کے کیشورن والکاٹ کو پیچھے چھوڑا جنھوں نے 84.95 میٹر کی تھرو کے ساتھ تیسرا نمبر حاصل کیا۔

جرمنی کے جولین ویبر نے اپنی دوسری کوشش میں 91.57 میٹری کی زبردست تھرو کی جو ان کا ذاتی بہترین ریکارڈ بھی بن گیا جبکہ مقابلے کے آغاز میں انھوں نے 91.37 میٹر کی تھرو کی تھی۔

خیال رہے کہ اس سیزن کے ڈائمنڈ لیگ کے گرینڈ فائنل میں بھارت کے نیرج چوپڑا روایتی حریف ارشد ندیم کی عدم موجودگی کے باوجود اپنی بہترین کارکردگی پیش کرنے میں ناکام رہے۔

اکستان کے جیولن تھرو چیمپئن ارشد ندیم فٹنس مسائل کی وجہ سے ڈائمنڈ لیگ سے باہر ہو گئے تھے، ان کے ڈاکٹر نے انھیں ڈائمنڈ لیگ میں حصہ لینے سے منع کیا تھا جبکہ انگلینڈ میں ان کی سرجری بھی ہوئی تھی۔

https://urdu.arynews.tv/arshad-nadeem-returns-after-surgery-in-england-as-world-athletics-looms/

پیرس اولمپکس میں پاکستان کے لیے پہلا انفرادی گولڈ میڈل جیتنے والے اولمپیئن ارشد ندیم کی لندن میں کامیاب سرجری ہو گئی ہے۔

پیرس اولمپکس 2024 میں جیولن تھرو ایونٹ میں اولمپک کی تاریخ کی ریکارڈ تھرو کر کے گولڈ میڈل جیتا تھا جس نے قوم سے سر کو فخر سے بلند کر دیا تھا۔

پیرس اولمپکس میں گولڈ میڈل جیتنے کے بعد رواں برس ایشین ایتھلیٹکس میں بھی گولڈ میڈل جیتنے والے ارشد ندیم جنہوں نے سوئٹزرلینڈ میں جیولن تھرو کے انٹرنیشنل ایونٹ میں شرکت کرنا تھی۔ تاہم اچانک پرانی انجری نمودار ہونے کے باعث ان کی تیاریاں متاثر ہوئیں۔

ارشد ندیم کو پنڈلی میں معمولی کھنچاؤ کے باعث ٹریننگ میں مشکل کا سامنا تھا اور ڈاکٹرز نے انہیں بھرپور ٹریننگ سے روک دیا تھا۔ جس کے بعد اولمپیئن نے ایونٹ سے دستبرداری کا اعلان کرتے ہوئے لندن میں علاج کرانے کا فیصلہ کیا تھا۔

اولمپیئن ارشد ندیم جنہوں نے سوئٹزرلینڈ میں جیولن تھرو کے انٹرنیشنل ایونٹ میں شرکت کرنا تھی۔ تاہم اپنی فٹنس کے پیش نظر انہوں نے ایونٹ سے دستبرداری کا اعلان کرتے ہوئے لندن میں علاج کرانے کا فیصلہ کیا تھا۔

بدھ کے روز اولمپیئن ارشد ندیم کی آج لندن کے کیمرج اسپتال میں ٹانگ کے مسلز کا کامیاب آپریشن کیا گیا ہے۔ یہ سرجری پاکستانی نژاد معالج ڈاکٹر علی باجوہ نے کی ہے۔ ان کا کہنا ہے کہ ارشد ندیم کو مقابلوں میں حصہ لینے میں وقت لگے گا۔

ڈاکٹرز نے ارشد ندیم کو تین روز تک مکمل بیڈ ریسٹ کا مشورہ دیا ہے، جب کہ کل ان کا دوبارہ طبی معائنہ کیا جائے گا۔

فخر پاکستان ارشد ندیم اگست کے پہلے ہفتہ تک لندن میں ہی قیام کریں گے۔

واضح رہے کہ ارشد ندیم نے گزشتہ سال پیرس اولمپکس میں جیولن تھرو ایونٹ میں گولڈ میڈل جیت کر نہ صرف وطن عزیز کے لیے میڈلز کے حصول کا 40 سالہ قحط کا خاتمہ کیا تھا، بلکہ پاکستان کی تاریخ میں پہلا انفرادی گولڈ میڈل حاصل کرنے والے ایتھلیٹ کا اعزاز بھی حاصل کیا تھا۔

رواں برس جنوبی کوریا میں ہونے والی ایشین ایتھلیٹکس چیمپئن شپ میں ارشد ندیم نے گولڈ میڈل اپنے نام کر کے 52 سال بعد پاکستان کو اس ایونٹ میں گولڈ میڈل جتوایا۔

لندن: گولڈ میڈلسٹ ارشد ندیم کا برطانیہ میں علاج جاری ہے، وہ کب تک فٹ ہوکر ایکشن میں نظر آئیں گے کیمبرج کے ڈاکٹر نے اپ ڈیٹ شیئرکردی۔

اولمپک میں ریکارڈ تھرو کرکے پاکستان کو گولڈ میڈل دلوانے والے ارشد ندیم برطانوی شہر کیمبرج میں زیرعلاج ہیں، پاکستانی جیولن تھروور کے ڈاکٹر علی باجوہ نے ان کی فٹنس کے حوالے سے بتایا کہ ارشد ندیم کو مقابلوں میں حصہ لینے میں وقت لگے گا۔

اولمپئن ارشد ندیم گزشتہ روز لندن کے ہیتھرو ایئرپورٹ پہنچے تھے، اپنی فٹنس کے پیش نظر پاکستانی ایتھلیٹ نے سوئٹزرلینڈ میں انٹرنیشل ایونٹ میں شرکت نہ کرنے کا فیصلہ کیا ہے۔

یہ بھی پڑھیں: ارشد ندیم نے اپنا گولڈ میڈل افواج پاکستان کے شہدا کے نام کردیا

ورلڈ ایتھلیٹکس چیمپیئن شپ میں سلور میڈل حاصل کرنے والے جیولین تھروو ارشد ندیم حالیہ دنوں میں ایک بار پھر سے فٹنس مسائل کا شکار ہوگئے ہیں۔

ارشد ندیم کو پنڈلی میں معمولی کنھچاؤ درپیش ہے، لندن جانے سے قبل ہی ڈاکٹرز نے انھیں بھرپور ٹریننگ سے روک دیا تھا، پنڈلی میں ہونے والی تکلیف کی نوعیت کے سبب ارشد نے سوئٹزرلینڈ میں شیڈول اہم ایونٹ سے دستبردار ہونے کا فیصلہ کیا تھا۔

ذرائع کا بتانا تھا کہ ارشد ندیم جو کہ اس دوران لاہور میں ٹریننگ میں مصروف تھے ڈاکٹرز نے انھیں ہدایت کی تھی کہ وہ اب صرف ہلکی پھلکی ٹریننگ کریں اور بھرپور ٹریننگ سے گریز کریں۔

https://urdu.arynews.tv/arshad-and-neeraj-seen-actiont-each-other-again/

برصغیر کے دو نامور جیولین تھرور اور اولمپک میڈلسٹ ارشد ندیم اور نیرج چوپڑا پھر سے ایک دوسرے کیخلاف ایکشن میں نظر آئیں گے۔

اولمپک میں مقابلے کے بعد اب ارشد ندیم اور نیرج چوپڑا ایک سال کے وقفے سے اگلے ماہ پھر ایک دوسرے کے مدمقابل ہونگے، پولینڈ میں ہونے والی ڈائمنڈ لیگ میں دونوں نیزہ باز ایکشن میں نظر آئیں گے۔

پیرس اولمپکس میں پہلے اور دوسرے نمبر پر آنے والے دونوں اولمپک میڈلسٹ کے درمیان یہ 16 اگست 2025 کے بعد پہلا مقابلہ ہوگا، جس کےلیے شائقین یقیناً پُرجوش ہونگے۔

پاکستان کے ارشد ندیم پولینڈ میں ڈائمنڈ لیگ میں شرکت کے بعد اگست کے آخر میں سوئٹزرلینڈ میں منعقد ہونے والی ڈائمنڈ لیگ میں بھی جلوہ گر ہونگے۔

ورلڈ ایتھلیٹکس چیمپئن شپ پر پورا فوکس ہے، ارشد ندیم

زیورخ میں 27 اگست کو ہونے والے مقابلے بھی پاکستان کے ارشد اور بھارت کے نیرج کے درمیان معرکہ آرائی کا امکان ہے۔

خیال رہے کہ اولمپک میں گولڈ میڈل اور ورلڈ ایتھلیٹکس چیمپیئن شپ میں سلور میڈل حاصل کرنے والے جیولین تھروو ارشد ندیم حالیہ دنوں میں فٹنس مسائل کا شکار ہوگئے ہیں۔

ارشد ندیم کو پنڈلی میں معمولی کنھچاؤ درپیش ہے جس کی وجہ سے وہ پھر ان فٹ ہوگئے ہیں، ڈاکٹرز نے انھیں بھرپور ٹریننگ سے روک دیا ہے۔

https://urdu.arynews.tv/arshad-nadeem-on-olympic-day-lahore/

اولمپک میں گولڈ میڈل اور ورلڈ ایتھلیٹکس چیمپیئن شپ میں سلور میڈل حاصل کرنے والے جیولین تھروو ارشد ندیم فٹنس مسائل کا شکار ہوگئے۔

اولمپیئن ارشد ندیم کو پنڈلی میں معمولی کنھچاؤ درپیش ہے جس کی وجہ سے وہ پھر ان فٹ ہوگئے ہیں، ڈاکٹرز نے انھیں بھرپور ٹریننگ سے روک دیا ہے، پنڈلی میں ہونے والی تکلیف کی نوعیت کے سبب ارشد نے سوئٹزرلینڈ میں شیڈول اہم ایونٹ سے دستبردار ہونے کا فیصلہ کیا ہے۔

ارشد ندیم کا جیولن تھرو کی عالمی رینکنگ میں کونسا نمبر ہے؟

ذرائع نے بتایا کہ ارشد ندیم جو کہ لاہور میں ٹریننگ میں مصروف تھے ڈاکٹرز نے انھیں ہدایت کی ہے کہ وہ اب صرف ہلکی پھلکی ٹریننگ کریں اور بھرپور ٹریننگ سے گریز کریں۔

15 جولائی کو پاکستان کے نامور جیولین تھروور ارشد ندیم انگلینڈ روانہ ہونگے جہاں وہ پولینڈ میں 15 اگست کو ہونے والی لیگ کی تیاری کریں گے۔

ارشد ندیم کئی بار کہہ چکے ہیں کہ ان کا اصل ہدف اکتوبر میں جاپان میں شیڈول ورلڈ ایتھلیٹکس چیمپیئن شپ میں پاکستان کےلیے گولڈ میڈل حاصل کرنا ہے اور اسی لیے وہ کوئی رسک لینے سے گریز کررہے ہیں۔

https://urdu.arynews.tv/arshad-nadeem-on-olympic-day-lahore/