Tag: ارشد ندیم

پیرس اولمپکس کے گولڈ میڈلسٹ فخر پاکستان ارشد ندیم نے بھارتی جیولن تھروور نیرج چوپڑا کی دعوت پر بھارت جانے سے معذرت کر لی ہے۔

اے آر وائی نیوز کے مطابق گزشتہ برس پیرس میں ہونے والے اولمپکس میں جیولن تھرو مقابلے میں تمام پچھلے ریکارڈ توڑتے ہوئے طویل ترین تھرو کر کے گولڈ میڈل جیت کر پاکستان کا سر فخر سے بلند کرنے والے قومی ہیرو ارشد ندیم نے اپنے عم عصر بھارتی جیولن تھروور نیرج چوپڑا کی دعوت پر بھارت جانے سے معذرت کر لی ہے۔

بھارتی ایتھلیٹ نے 24 مئی کو بنگلورو کلاس جیولن تھرو چیمپئن شپ کے لیے ارشد ندیم کو بھارت آنے کی دعوت دی تھی۔

ذرائع نے بتایا کہ ارشد ندیم کے پورے سال کے ایونٹس اور ٹریننگ کے شیڈول پہلے ہی طے ہو چکے ہیں اور انہیں رواں ماہ 22 مئی کو ایشین ایتھلیٹکس چیمپئن شپ کے لیے کوریا بھی جانا ہے۔ اس لیے انہوں نے بھارت جانے سے معذرت کی ہے۔

https://urdu.arynews.tv/neeraj-chopra-invites-arshad-nadeem-to-india-for-javelin-event/

انٹرنیشنل کرکٹ کونسل نے اولمپک گولڈ میڈلسٹ ارشد ندیم کو چیمپئنزٹرافی سیمی فائنل سے قبل گرائونڈ میں ایونٹ کی ٹرافی لانے لیے مدعو کیا۔

آئی سی سی کے آفیشل انسٹاگرام پیج پر جیولین تھرور ارشد ندیم کی ویڈیو جاری کی گئی ہے، جس میں انھیں 2025 ایونٹ کی چمچماتی ٹرافی کے ساتھ میدان میں آتے دکھایا گیا ہے، لاہور میں ہونے والے سیمی فائنل سے قبل ارشد نے دونوں ٹیموں کے لیے نیک خواہشات کا بھی اظہار کیا ہے۔

ویڈیو میں ارشد ندیم اپنا تعارف کراتے ہوئے کہتے ہیں کہ میں جیولین تھرور ہوں اور میرا نام ارشد ندیم ہے، میں پاکستان پنجاب سے ہوں، آئی سی سی چیمپئنزٹرافی پاکستان میں منعقد ہورہا ہے۔

View this post on Instagram

A post shared by ICC (@icc)

ارشد ندیم ویڈیو میں مزید کہتے ہیں کہ بڑی خوشی ہورہی ہے کہ پاکستان میں کرکٹ کا انٹرنیشنل ٹورنامنٹ ہورہا ہے، آج نیوزی لینڈ اور سائوتھ افریقہ کا سیمی فائنل ہے۔

اولمپک گولڈ میڈلسٹ نے کہا کہ امید کرتا ہوں کہ وہ محنت کریں گے اور جو محنت کرتا ہے وہی فائنل تک پہنچتا ہے، وہی چیمپئن بنتا ہے۔

خیال رہے کہ چیمپئنزٹرافی کا دوسرا سیمی فائنل نیوزی لینڈ اور جنوبی افریقہ کی ٹیموں کے درمیان لاہور کے قذافی اسٹیڈیم میں ہوا، کیویز نے پروٹیز کو 50 رنز سے شکست دے کر ایونٹ کے فائنل کے لیے کوالیفائی کیا جہاں اس کا مقابلہ اتوار کو بھارت سے ہوگا۔

قومی ٹیم کے سابق کپتان شاہد آفریدی کی گولڈ میڈلسٹ ایتھلیٹ ارشد ندیم سے جیولن تھرو سیکھنے کی ویڈیو وائرل ہوگئی۔

سابق کپتان شاہد آفریدی اور اسٹار آل راؤنڈر شاہد آفریدی نے اولمپک گولڈ میڈلسٹ ارشد ندیم سے جیولن تھرو کا فن سیکھنا جس کی ویڈیو سوشل میڈیا پر وائرل ہوگئی۔

سوشل میڈیا پر وائرل ویڈیو میں شاہد آفریدی کو ارشد ندیم سے جیولن پکڑنے کا طریقہ سیکھتے دیکھا جاسکتا ہے۔

شاہد آفریدی کو بعد میں جیولن تھرو کرتے دیکھا گیا جبکہ اس دوران دونوں کے مداحوں کی بڑی تعداد بھی موجود ہے۔

View this post on Instagram

A post shared by Shahid Afridi (@safridiofficial)

واضح رہے کہ ارشد ندیم نے گزشتہ سال پیرس اولمپکس کے جیولن تھرو میں گولڈ میڈل جیت کر قوم کا سر فخر سے بلند کیا تھا۔

ارشد نے اپنی دوسری کوشش میں 92.97 میٹر کی تھرو کے ساتھ انفرادی اولمپک گولڈ جیتنے والے پہلے پاکستانی بنے تھے جس کے بعد انہیں وزیراعظم سمیت اعلیٰ حکام نے انعامات سے نوازا۔

پاکستان نے اولمپک ریکارڈ بھی توڑا تھا جو اس سے قبل ڈنمارک کے اینڈریاس تھورکلڈسن نے 90.57 میٹر کا تھرو کرکے بنایا تھا۔

وہ 1992 میں بارسلونا کے بعد پاکستان کے پہلے اولمپک تمغہ جیتنے والے ایتھلیٹ بھی بن گئے اور اپنی آخری کوشش میں ایک اور زبردست 91.79 میٹر کی تھرو کی تھی۔

جیولین تھروور گولڈ میڈلسٹ ارشد ندیم کے ساتھ ساتھ واپڈا نے کامن ویلتھ گیمز میں طلائی تمغہ جیتنے والے نوح دستگیر کو بھی کیش ایوارڈ سے نوازا۔

واپڈا نے اپنے ادارے سے تعلق رکھنے والے ایتھلیٹ اولمپیئن ارشد ندیم کے اعزاز میں واپڈا ہاؤس میں تقریب سجائی، پیرس اولمپکس میں تاریخی کامیابی پر ارشد ندیم کو 50 لاکھ روپے کا کیش ایوارڈ دیا گیا، واپڈا ہاؤس میں منعقدہ تقریب میں ایتھلیٹ نوح دستگیر بٹ کو بھی کیش ایوارڈ پیش کیا گیا۔

ایتھلیٹ نوح دستگیر بٹ نے ازبکستان میں شاندار پرفارمنس کا مظاہرہ کرتے ہوئے ویٹ لفٹنگ میں پاکستان کیلئےگولڈ میڈل جیتنے کا اعزاز حاصل کیا تھا۔

چیئرمین اور واپڈا اسپورٹس بورڈ کے پیٹرن انچیف انجینئر سجاد غنی نے ارشد ندیم کو کیش ایوارڈ دیا، گولڈ میڈلسٹ ارشد ندیم نے کیش ایوارڈ پر واپڈا اسپورٹس بورڈ کا شکریہ ادا کیا۔

اولمپئن ارشد ندیم نے کہا کہ واپڈا کی جانب سے کھیل اور کھلاڑیوں کی سرپرستی قابلِ تقلید ہے، واپڈا کا مجھ سمیت سیکڑوں کھلاڑیوں کا کیرئیر بنانے میں کلیدی کردار ہے۔

واپڈا کے چیئرمین نے اپنے خطاب میں کہا کہ ارشد ندیم نے اپنی تاریخی کامیابی سے پوری قوم کا سر فخر سے بلند کردیا، فخر ہے کہ ارشد کا تعلق واپڈ اسپورٹس بورڈ سے ہے، واپڈا کھلاڑی دنیا بھر میں پاکستان کا نام روشن کررہے ہیں۔

انجینئر سجاد غنی نے کہا کہ واپڈا پاکستان میں کھیلوں کے فروغ کے لیے اہم کردار ادا کررہا ہے، واپڈا کھلاڑی گزشتہ 2 سال میں عالمی مقابلوں میں پاکستان کیلئے 44 گولڈ میڈل جیت چکے ہیں۔

اس موقع پر واپڈا سے تعلق رکھنے والی سائبل سہیل، ویرونیکا سہیل اور ٹوئنکل سہیل کوبھی کیش ایوارڈ دیا گیا، تینوں بہنوں نے پاکستان کی نمائندگی کرکے جنوبی افریقہ میں پاورلفٹنگ میں گولڈ میڈل جیتا تھا۔