Tag: ارطغرل غازی

کراچی: پاکستانی ڈرامہ اور فلم انڈسٹری کی معروف اداکارہ سونیا حسین ارطغرل غازی پر اداکاروں کے درمیان ہونے والی بحث سے تنگ آگئیں۔

تفصیلات کے مطابق نامور اداکارہ سونیا حسین نے سماجی رابطے کی ویب سائٹ انسٹاگرام پر اسٹوری شیئر کرتے ہوئے لکھا کہ ‘مہربانی کر کے جان بخش دیجیئے، ترک اداکاروں کی اور اپنے اداکاروں کی بھی۔’

سونیا حسین نے لکھا کہ دوسروں کی قدر کرنا سیکھیں، کسی دوسرے اداکار کو نیچا دکھانا درست نہیں۔اداکارہ نے ساتھ ہی مہربان رہنے اور محبت پھیلانے کا بھی پیغام دیا۔

خیال رہے کہ معروف اداکارہ کا اشارہ سوشل میڈیا پر یاسر حسین اور وی جے انوشے اشرف کے درمیان ترک اداکاروں کو لے کر لفظی جنگ کی جانب تھا۔

اس سے قبل اداکار یاسر حسین نے انسٹاگرام پر اپنی اسٹوری میں ترکش ڈرامہ ‘ارطغرل غازی’ کے کرداروں سے مماثل نوجوانوں کی تصویر شیئر کرتے ہوئے لکھا کہ ان کو کوئی نہیں پوچھے گا کیونکہ گھر کی مرغی دال برابر اور باہر کا کچرا بھی مال برابر۔’

اداکار کے اس بیان کی وجہ سے مختلف سوشل میڈیا ویب سائٹس پر ٹاپ ٹریند میں یاسر حسین کا نام رہا سرفہرست رہا۔

یاسر حسین نے انوشے اشرف کی تنقید پر ردعمل دیتے ہوئے کہا کہ شہرت کے لیے لوگ کیا کچھ کر لیتے ہیں، انوشے اگر آپ کو میری پوسٹ سے اتنا مسئلہ تھا تو آپ مجھے واٹس ایپ کر دیتی، بلاوجہ بات کا بتنگڑ بنا دیا۔

لاہور: سلطنت عثمانیہ کے اہم کردار ارطغرل غازی کا مجسمہ لاہور کی مرغزار سوسائٹی میں نصب کر دیا گیا۔

اے آر وائی نیوز کے مطابق عظیم عثمانی سلطنت کے قیام کی بنیاد رکھنے والے ہیرو کا مجسمہ لاہور کی مرغزار سوسائٹی میں نصب کر دیا گیا، جسے دیکھنے دور دور سے لوگ آنے لگے۔

لاہور سے الفت مغل نے اپنی رپورٹ میں بتایا کہ عظیم سلطنت عثمانیہ کے ہیرو ارطغرل غازی کی جرات و بہادری اور جواں مردی کے کردار کو ڈراما سیریل ارطغرل سے بے پناہ شہرت ملی ہے، ان کے کردار سے متاثر ہو کر لاہور کی مرغزار سوسائٹی میں ان کا مجسمہ نصب کیا گیا ہے۔

سلطنت عثمانیہ کی فتوحات کی بنیاد رکھنے والے ہیرو کے مجسمے کو دیکھنے دور دور سے لوگ پہنچ رہے ہیں، نوجوان نسل ارطغرل کے مجسمے اور ان کی تاریخ میں خاص دل چسپی لے رہی ہے، سوسائٹی کے صدر کا کہنا ہے کہ اپنی نسلوں کو امت کے تاب ناک ماضی سے آگاہ رکھنے کے لیے مجسمہ نصب کیا گیا۔

طیارہ حادثے میں جاں بحق پاکستانی ماڈل سے ارطغرل کی حلیمہ نے معذرت کرلی

انھوں نے بتایا کہ مقصد عظیم ہو تو کئی صدیاں گزرنے کے بعد بھی آنے والی نسلیں ایسے کرداروں کو اپنا ہیرو سمجھتی ہیں۔

خیال رہے کہ پاکستان میں اس تاریخی ڈراما سیریل نے بے پناہ مقبولیت حاصل کی ہے، پی ٹی وی سے اسے اردو میں پیش کیا جا رہا ہے، پاکستان میں ڈرامے اور اس کے کرداروں کی مقبولیت کی گونج ترکی میں موجود ان اداکاروں تک بھی پہنچ چکی ہے جنھوں نے یہ لازوال کردار ادا کیے۔

ترک ڈرامے ارطغرل میں حلیمہ اور ارطغرل کا کردار ادا کرنے والے فن کاروں نے پاکستان سے ملنے والی محبت کا شکریہ ادا کرتے ہوئے جلد پاکستان آنے کا اعلان بھی کیا تھا، انھوں نے کراچی میں طیارہ حادثے پر بھی گہرے دکھ کا اظہار کیا، اس حادثے میں جاں بحق ہونے والی پاکستانی ماڈل زارا عابد کے انتقال پر مرکزی کردار حلیمہ نے بھی افسوس کا اظہار کیا۔