بھارت کے دارالحکومت نئی دلی کے وزیراعلیٰ اروند کیجری وال کی عبوری ضمانت ختم ہونے کے بعد انہیں دوبارہ جیل بھیج دیا گیا۔
غیر ملکی ذرائع ابلاغ کے مطابق بھارتی سپریم کورٹ نے دلی کے وزیراعلیٰ اروند کیجری وال کو انتخابی مہم میں شرکت کیلیے عبوری ضمانت دے کر 11 مئی کو رہا کرنے کا حکم دیا تھا۔
دلی کے وزیراعلیٰ کی یکم جون تک عبوری ضمانت منظور کی گئی تھی۔ انہیں شراب پالیسی کیس میں کرپشن کے الزامات پر 21 مارچ کو حراست میں لیا گیا تھا۔
دوسری جانب کانگریس کے مرکزی لیڈر راہول گاندھی نے ایگزٹ پولز کے اعداد و شمار کو مسترد کرتے ہوئے 295 سیٹیں جیتنے کا دعویٰ کیا ہے۔
بھارتی لوک سبھا انتخابات کے نتائج کے اعلان سے قبل نیوز ایجنسیوں کے ایگزٹ پولز کے بارے میں راہول کا کہنا تھا کہ یہ مودی میڈیا پول ہے۔ اس موقع پر آنجہانی گلوکار سدھو موسے والا کے گانے کا حوالہ دیتے ہوئے کہا کہ انڈیا الائنس کو (295) سیٹیں ملنے والی ہیں۔
رکن پارلیمنٹ نے میڈیا سے بات کرتے ہوئے کہا کہ جو ایگزٹ پول سامنے آئے ہیں وہ ’مودی میڈیا پول‘ ہیں اور یہ مودی کا فینٹسی پول ہے۔
ان سے پوچھا گیا کہ انڈیا الائنس کو لوک سبھا انتخابات میں کتنی سیٹیں ملیں گی، جس پر راہول گاندھی نے کہا کہ سدھو موسے والا کا گانا سنا ہے آپ نے ٹو نائنٹی فائیو، ہم 295 سیٹیں جیتیں گے۔
امریکی صدر جوبائیڈن کے لئے بری خبر
یکم جون کو انڈیا الائنس اجلاس کے بعد کانگریس کے صدر ملکارجن کھڑگے بھی دعویٰ کرچکے ہیں کہ ان کے اتحاد کو لوک سبھا انتخابات میں 295 سے زیادہ سیٹیں ملیں گی۔