Tag: ارکان اسمبلی

کراچی (26 اگست 2025): جماعت اسلامی کے رکن محمد فاروق نے سندھ اسمبلی کے ارکان کی تنخواہیں بڑھانے کی مخالفت کر دی ہے۔

اے آر وائی نیوز کے مطابق جماعت اسلامی کے رکن محمد فاروق نے سندھ اسمبلی کے ارکان کی تنخواہیں بڑھانے کی مخالفت کرتے ہوئے کہا ہے کہ معاشی حالات ایسے نہیں کہ ارکان اسمبلی کی تنخواہ میں اضافہ کیا جائے۔

رکن جماعت اسلامی نے پارلیمانی کمیٹی کی میٹنگ میں تنخواہیں بڑھانے کی مخالفت کی اور کہا کہ ارکان نے کہا مہنگائی بڑھ گئی ہے اس لیے تنخواہ بڑھائی جائے۔ مہنگائی صرف ارکان اسمبلی کیلیے نہیں، عام آدمی زیادہ پریشان ہے۔

محمد فاروق نے کہا کہ جن کے ووٹوں سے ہم اسمبلی پہنچے ہیں، ان کی تنخواہ صرف 10 فیصد بڑھیں جب کہ ممبران کی تنخواہوں میں 200 فیصد اضافہ کیا گیا ہے اور الاؤنسز سمیت ایک رکن سندھ اسمبلی کی تنخواہ 4 لاکھ 30 ہزار روپے کر دی گئی ہے۔

انہوں نے کہا کہ دیگر تمام جماعتوں کے ارکان نے تنخواہیں بڑھانے کا مطالبہ کیا اور اسکی منظوری دی۔ معاشی حالات ایسے نہیں کہ ارکان اسمبلی کی تنخواہ میں اضافہ کیا جائے اور تنخواہوں میں اضافے کی ضرورت نہیں۔

واضح رہے کہ آج اسپیکر سندھ اسمبلی اویس قادر شاہ کی صدارت میں اجلاس ہوا تھا، جس میں اراکین کی تنخواہوں میں تین لاکھ روپے اضافے کا فیصلہ کیا گیا۔

ذرائع نے بتایا کہ پارلیمانی کمیٹی نے ایم پی اے کی تنخواہ 4 لاکھ 50 ہزار روپے سے زائد کرنے کی منظوری دے دی ہے، جس کے بعد اسمبلی کے اراکین کی تنخواہیں پنجاب اور بلوچستان کے ممبران کے برابر ہو جائیں گی

https://urdu.arynews.tv/sindh-assembly-members-salaries-to-be-increased-by-rs-300000/

اسلام آباد : سینیٹروں اور ارکان اسمبلی کو دھمکی آمیز کالیں کرنے والا پکڑا گیا، آئی جی اسلام آباد نے بتایا گینگ ساہیوال سےآپریٹ کرتا تھا، شہروز احمد نامی شخص سے اکیس سمیں اور کئی موبائل فون ملے ہیں۔

تفصیلات کے مطابق سینیٹ کی قائمہ کمیٹی برائے داخلہ کا اجلاس ہوا ، جس مین سینیٹرز اور ایم این ایز کو فیک کالز سے متعلق آئی جی اسلام آباد نے بریفنگ دی۔

چیئرمین کمیٹی نے کہا کہ مجھے بھی کالز موصول ہوئیں، پلوشہ خان اور عمر فاروق کوبھی کالزآئیں ، کالز میں بچوں سے متعلق دھمکیاں دی جاتی ہیں، یہ معاملہ بہت چیلنجنگ تھا،ہم نے اس کو بہت پروفیشنل طریقےسے ہینڈل کیا۔

آئی جی اسلام آباد سید علی ناصر رضوی نے بریفنگ دیتے ہوئے کہا کہ یہ ایک گینگ تھا، جو ساہیوال میں آپریٹ کرتا تھا، اسلام آباد ایک سینیٹر آئی 9 پولیس اسٹیشن بھی چلے گئے، مختلف سینیٹرز اور ایم این ایز کو جعلی ایس ایچ او بن کر کالز کیں۔

آئی جی کا کہنا تھا کہ اس بندے نے مختلف سرکاری حکام اور کاروباری شخصیات کو بھی کالز کیں، شہروز احمد نامی شخص کے پاس 21 سمز اور کئی فون برآمد ہوئے تھے، اس شخص کو ہم نے 3 دن میں گرفتار کیا ہے۔

سید علی ناصر رضوی نے مزید بتایا کہ یہ لڑکا اسنیچنگ میں بھی ملوث ہے، اس کا سالا اس کی مدد کرتاہے، ایک ٹیم اس کوپکڑنے کے لیے فیصل آباد میں موجود ہے۔

سینیٹر پلوشہ خان نے کہا کہ آئی جی اسلام آباد نے بہترین کام کیا ہے، طلال چوہدری کا کہنا تھا کہ یہ سیاستدانوں کو ہی کیوں کالز کرتا ہے ؟ آئی جی صاحب اب اس کی ضمانت نہیں ہونی چاہیے۔