Tag: ارکان قومی اسمبلی

اسلام آباد : ارکان قومی اسمبلی نے اعظم سواتی ویڈیو کی تحقیقات کرانے کے لئے پارلیمانی کمیٹی بنانے کا مطالبہ کردیا۔

تفصیلات کے مطابق قومی اسمبلی اجلاس سپیکر قومی اسمبلی راجہ پرویزاشرف کی صدارت میں ہوا، اجلاس میں سابق وزیر اعظم میر بلخ شیر مزاری اور گھوٹکی میں شہید ہونے والے پولیس شہدا کے لئے دعائے مغفرت کی گئی ۔

تحریک انصاف کے سینیٹر اعظم سواتی کی نازیبا ویڈیو کا معاملہ قومی اسمبلی ایوان میں زیر بحث آیا ، جس میں ارکان قومی اسمبلی نے اعظم سواتی ویڈیو کی تحقیقات کرانے کے لئے پارلیمانی کمیٹی بنانے کا مطالبہ کردیا۔

جے یو آئی سے تعلق رکھنے والے وفاقی وزیر مذہبی امور مفتی عبدالشکور نے کہا کہ سینیٹر اعظم سواتی کے ساتھ جوکچھ ہوا ہے وہ کل کسی اور رکن پارلیمنٹ کے ساتھ بھی ہوسکتا ہے۔

پی پی پی کی رکن قومی اسمبلی ڈاکٹر نفیسہ شاہ نے کہا اعظم سواتی کی پریس کانفرنس پر بہت دکھ ہوا پرائیویسی کو متاثر کرنا آئین کی خلاف ورزی ہے، پارلیمان ویڈیوز کے معاملے پر نوٹس لیکر پارلیمانی کمیٹی بنائے۔

وفاقی وزیر مذہبی امور مفتی عبد الشکور کا کہنا تھا کہ سینیٹر اعظم سواتی کو قربانی کا بکرا بنایا گیااس کے ساتھ جو سلوک کیا گیا وہ کل آپ کے ساتھ بھی ہو سکتا ہے میرے ساتھ بھی ہو سکتا ہے۔

اسلام آباد : ارکان قومی اسمبلی نے وزیراعظم عمران خان پر اعتماد کا اظہار کرتے ہوئے عثمان بزدار سے متعلق شکوے کئے اور یقین دلایا عدم اعتماد ناکام بنانے کیلئےہم آپ کا ڈٹ کر ساتھ دیں گے۔

تفصیلات کے مطابق وزیراعظم عمران خان سے گزشتہ روز پی ٹی آئی ارکان قومی اسمبلی سے ملاقات کا احوال سامنے آگیا ، ذرائع کا کہنا ہے کہ ارکان قومی اسمبلی نے وزیراعظم پر اعتماد کا اظہار کرتے ہوئے عثمان بزدار سے متعلق شکوے کئے۔

ذرائع کا کہنا ہے کہ تحریک انصاف کے کچھ ارکان وزیراعلیٰ عثمان بزدار کی کارکردگی پر نالاں ہے اور وزیراعظم سے ملاقات میں عثمان بزدار پر تحفظات کا اظہار بھی کیا ہے۔

ذرائع کے مطابق ارکان نے کہا صوبے میں بیڈ گوررننس سے حکومت کو پریشانی ہے، جس پر وزیراعظم کا کہنا تھا کہ پنجاب پر گہری نظر ہے، سب کچھ علم میں ہے۔

ملاقات میں ارکان نے یقین دہانی کرائی ہے کہ عدم اعتماد ناکام بنانے کیلئےہم آپ کا ڈٹ کر ساتھ دیں گے، جس پر وزیراعظم نے اظہار خیال کرتے ہوئے کہا تحریک عدم اعتماد پر اپوزیشن کو بدترین شکست دیں گے۔

ذرائع نے کہا ہے کہ اکثریتی اراکین کی حمایت کے باوجود بعض ارکان کے تحفظات تاحال برقرار ہے ، بعض ارکان اپنے حلقوں میں غیر ضروری مداخلت پر نالاں ہیں۔

نور عالم خان کو حکومت کے خلاف مسلسل بیان بازی مہنگی پڑی ، نور عالم خان حکومتی فنڈزصرف صوابی میں خرچ کرنےپر نالاں تھے، وہ اپنے حلقے کے لیے ترقیاتی فنڈز مانگتے رہے جو نہیں ملے اور پارٹی کے شوکاز نوٹس اورپی اے سی سے نکالنابڑی ناراضی کی وجہ بنا۔

ذرائع کے مطابق اسی طرح طاہر صادق بھی حلقے میں حکومتی شخصیات کی مداخلت پرنالاں ہیں، وزیراعظم کو شکایت کے باوجود حلقے میں مداخلت نہیں رکی۔

غلام بی بی بھروانا کو پہلے روز سے ہی شک کےدائرےمیں رکھا گیا جبکہ بعض اراکین پارٹی میں عزت نہ ملنے پر بھی ناراض ہیں اور عامر لیاقت حسین بھی کوئی حکومتی عہدہ نہ ملنے پر مایوس ہوئے۔

لاہور: سینیٹ الیکشن کے سلسلے میں عبدالحفیظ شیخ کوانتخابی مہم میں ارکان قومی اسمبلی کے گلے شکوؤں اور تنقید کا سامنا ہے۔

اے آر وائی نیوز کے مطابق فیصل آباد اور لاہور میں ایم این ایز کی جانب سے حکومت کی معاشی پالیسیوں پر شدید تنقید کی جا رہی ہے۔

ذرائع کا کہنا ہے کہ ارکان قومی اسمبلی کی جانب سے بڑھتی مہنگائی پر تشویش کا اظہار کیا جا رہا ہے، انھوں نے شکوہ کیا ہے کہ کام نہیں ہوتے، اور وہ اپنے حلقوں میں بے بس ہو گئے ہیں۔

ارکان کا کہنا ہے کہ حکومت معاشی پالیسی پر نظر ثانی کرے اور عوام کو ریلیف دے، یہی صورت حال رہی تو حلقوں میں ووٹرز کا سامنا کرنا مشکل ہو جائے گا۔

سینیٹ الیکشن: جہانگیر ترین کا حفیظ شیخ کی بھرپور حمایت کا اعلان

وزیر خزانہ حفیظ شیخ نے ارکان قومی اسمبلی کو یقین دہانی کرائی کہ مشکل وقت گزرگیا ہے، اب آئندہ 2 سال میں ریلیف آئے گا۔ یاد رہے کہ عامر لیاقت نے حفیظ شیخ کو ووٹ دینے سے انکار کیا تھا۔

حفیظ شیخ اسلام آباد کی جنرل نشست پر سینیٹ کے امیدوار ہیں، جب کہ ان کے خلاف پی ڈی ایم کے امیدوار سابق وزیر اعظم یوسف رضا گیلانی انتخاب لڑیں گے۔

دو دن قبل طویل عرصے سے سیاست سے باہر پی ٹی آئی کے اہم رہنما جہانگیر ترین نے بھی سرگرم ہو کر سینیٹ الیکشن میں حفیظ شیخ کو اپنی بھرپور حمایت کا یقین دلایا تھا۔

جہانگیر ترین نے کہا تھا حفیظ شیخ سے میرا دیرینہ تعلق اور خاصی پرانی دوستی ہے، ان سے مسلسل رابطہ ہوتا رہتا ہے، حفیظ شیخ کا تعلق میری پارٹی سے ہے، سینیٹ الیکشن کے موقع پر حفیظ شیخ کی بھرپور حمایت کروں گا۔