اسلام آباد: صحافی ارشد شریف قتل کیس کے حوالے سے ازخود نوٹس سماعت کیلئے 5 رکنی لارجر بینچ تشکیل دے دیا گیا ہے۔
جسٹس جمال خان مندوخیل پانچ رکنی بینچ کے سربراہ ہونگے، جسٹس محمد علی مظہر اور جسٹس عائشہ ملک بینچ میں شامل ہونگی، اس کے علاوہ جسٹس حسن اظہر رضوی اور جسٹس اطہر من اللہ بھی بینچ کا حصہ ہونگے۔
ذرائع نے بتایا کہ جسٹس جمال مندوخیل کی سربراہی میں 5 رکنی بینچ کو تشکیل دینے کا فیصلہ دو ایک کے تناسب سے ہوا۔
چیف جسٹس قاضی فائز نے جسٹس منصور علی شاہ کو 3 رکنی بینچ برقرار رکھنےکی رائے دی جبکہ جسٹس منصور علی شاہ اور جسٹس منیب اختر نے 5 رکنی بینچ تشکیل دینے کی رائے دی۔
ذرائع کا کہنا تھا کہ اکثریتی رائے پر جسٹس جمال مندوخیل کی سربراہی میں لارجر بینچ بنانے کا فیصلہ ہوا۔
ازخود نوٹس سماعت کیلئے تشکیل دیا گیا 5 رکنی سپریم کورٹ کا نیا لارجر بینچ ججز کی دستیابی پر صحافی ارشد شریف شہید کیس کی سماعت کرے گا۔