Tag: استعمال شدہ گاڑیوں

کراچی : استعمال شدہ گاڑیاں خریدنے کے خواہشمند افراد کے لئے اہم خبر آگئی ، حکومت نے بڑا فیصلہ کرلیا۔

تفصیلات کے مطابق وفاقی وزیر صنعت و پیداوار نے ایکسپو سینٹر میں میڈیا سے گفتگو کرتے ہوئے کہا کہ آج اس نمائش پر آکر بہت خوشی ہو رہی ہے ، وینڈرز کو بہت قدر کی نگاہ سے دیکھ رہا ہوں جو لوکل کے ساتھ ایکسپورٹ بھی کرتے ہیں۔

،راناتنویر نے بتایا کہ حکومت نے استعمال شدہ گاڑیوں پر بتدریج پابندی لگانے کا فیصلہ کیا ہے، استعمال شدہ امپورٹٹد گاڑیوں سے مقامی انڈسٹری کونقصان پہنچا۔

وفاقی وزیر صنعت کا کہنا تھا کہ استعمال شدہ گاڑیاں درآمد کرنےکی پالیسی کا غلط استعمال کیا گیا، پرانی گاڑیوں کی درآمد سے کروڑوں ڈالرز کا زرمبادلہ ضائع ہوتا ہے۔

انھوں نے مزید بتایا کہ مقامی گاڑیاں تیارکرنے والوں نےحکومت سے کئے گئے معاہدے پورے نہیں کیے۔

Currency Rates in Pakistan Today- پاکستان میں آج ڈالر کی قیمت

وفاقی وزیر نے کہا کہ نومبر میں الیکٹرک گاڑیوں کی پالیسی آجائےگی، الیکٹرک گاڑیاں نا صرف پاکستان میں تیار کی جائیں بلکہ برآمد بھی کی جائیں۔

اسلام آباد : استعمال شدہ گاڑیوں کی درآمد پرریگولیٹری ڈیوٹی اور اضافی کسٹم ڈیوٹی سے متعلق اہم تجاویز سامنے آئی۔

تفصیلات کے مطابق اوورسیز انویسٹرز چیمبر آف کامرس اینڈ انڈسٹری نے بجٹ تجاویز پیش کردیں۔

جس میں او آئی سی سی آئی نے استعمال شدہ گاڑیوں کی درآمدات پرٹیکس جاری رکھنےکی تجویز دیتے ہوئے کہا کہ ان  کی درآمد پرریگولیٹری ڈیوٹی اور اضافی کسٹم ڈیوٹی جاری رکھی جائے۔

او آئی سی سی آئی کا کہنا ہے کہ بجٹ میں تجویز کا مقصد درآمدی استعمال شدہ گاڑیوں کی آمد کو روکنا ہے، ایسی گاڑیوں کی آمد سے مقامی گاڑیوں کی فروخت متاثرہوتی ہے۔

اوورسیزانویسٹرزچیمبر آف کامرس اینڈانڈسٹری نے کہا کہ بڑی تعدادمیں درآمد کیلئے سمندر پار پاکستانیوں کے استحقاق کا استحصال کیا گیا۔

اوورسیز کیلئے اسکیموں سےفائدہ اٹھانےوالوں کی گاڑیوں کی اگلی فروخت پراضافی ٹیکس لگانے کی بھی تجویز دی گئی۔

او آئی سی سی آئی نے مزید کہا کہ اقدام تجارتی فائدے کیلئے اس طرح کی اسکیموں کےغلط استعمال کی حوصلہ شکنی ہوگی، ایسی پالیسی اپنائی جائے، جو معیشت کے طویل مدتی مفادات کوترجیح دیتی ہیں، استعمال شدہ کاروں کی درآمدات کو ریگولیٹ کرنے کے اقدام پرعملدرآمد کیا جائے۔