سعودی عرب (25 اگست 2025): وزیر خارجہ اور نائب وزیراعظم اسحاق ڈار نے کہا ہے کہ گریٹر اسرائیل کا منصوبہ پاکستان سختی سے مسترد کرتا ہے۔
سعودی عرب کے دارالحکومت ریاض میں مسئلہ فلسطین کے حل اور غزہ کی صورتحال کے حوالے سے او آئی سی وزرائے خارجہ کونسل کا 21 واں خصوصی اجلاس چیئرمین حقان فیدان کی زیر صدارت ہو رہا ہے۔ اجلاس میں تمام رکن ممالک کے وزرائے خارجہ شریک ہیں۔
اجلاس سے خطاب کرتے ہوئے پاکستان کے وزیر خارجہ ونائب وزیراعظم اسحاق ڈار نے کہا کہ گریٹر اسرائیل کا منصوبہ ناقابل قبول اور عالمی امن کے لیے خطرہ ہے، پاکستان اس منصوبے کو سختی سے مسترد اور عالمی برادری سے اسرائیل کے خلاف سخت اقدامات کا مطالبہ کرتا ہے۔ پاکستان عرب ممالک کی خود مختاری اور علاقائی سالمیت کی حمایت کرتا ہے۔
وزیر خارجہ نے مزید کہا کہ 2 سال سے معصوم فلسطینیوں کو بدترین بربریت کا نشانہ بنایا جا رہا ہے اور انہیں اجتماعی سزا دی جا رہی ہے۔ فلسطین میں قحط کی صورتحال ہے اور فوری اقدامت ناگزیر ہیں۔
اسحاق ڈار نے کہا کہ عالمی برادری فوری، مستقل اور غیر مشروط جنگ بندی کے لیے اقدامات کرے۔ غزہ سے جبری بے دخلی اور غیر قانونی قبضے کا جلد خاتمہ یقینی بنایا اور وہاں انسانی امداد کی مکمل اور محفوظ رسائی یقینی بنائی جائے۔
اسلام آباد (24 اگست 2025): نائب وزیراعظم اور وزیر خارجہ اسحاق ڈار 25 اور 26 اگست کو سعودی عرب کا دو روزہ سرکاری دورہ کریں گے۔
ترجمان دفتر خارجہ شفقت علی خان کے جاری بیان کے مطابق نائب وزیراعظم اسحاق ڈار جدہ میں او آئی سی وزرائے خارجہ کونسل کے ہنگامی اجلاس میں شرکت کریں گے اور دورہ سعودی عرب کے لیے وہ بنگلہ دیش کا دو روزہ دورہ مکمل کرنے کے بعد ڈھاکا سے براہ راست جدہ روانہ ہوں گے۔
اجلاس میں او آئی سی رکن ممالک کے وزرائے خارجہ اور اعلیٰ حکام شرکت کریں گے۔ اجلاس میں فلسطین کی صورتحال اور اسرائیلی فوجی جارحیت، غزہ پر اسرائیلی قبضے اور فلسطینی عوام کے حقوق کی سنگین خلاف ورزیوں پر ردعمل کے لیے غور ہوگا۔
ترجمان دفتر خارجہ کا کہنا ہے کہ پاکستان ہمیشہ فلسطینی عوام کے حق میں آواز بلند کرتا اور عالمی فورمز پر اس مسئلے کو اجاگر کرتا رہا ہے۔ او آئی سی کے ہنگامی اجلاس کے دوران نائب وزیراعظم بھی پاکستان کی اصولی موقف کو دہرائیں گے اور پاکستان کی غیر متزلزل حمایت کا اعادہ کریں گے۔
بیان میں مزید کہا گیا ہے کہ اسحاق ڈار فلسطین کے لیے وہ فلسطینیوں کی مزید جبری بےدخلی کے اسرائیلی منصوبے کی شدید مخالفت کریں گے اور اسرائیل کے تمام مقبوضہ فلسطینی علاقوں سے مکمل انخلا پر زور دینگے۔ وہ انسانی ہمدردی کی بنیاد پر امداد کی بلا تعطل فراہمی اور فلسطینی عوام کے جائز حقوق کی بحالی کا مطالبہ کریں گے۔
ترجمان دفتر خارجہ کے مطابق نائب وزیراعظم کی جدہ میں او آئی سی رکن ممالک کے وزرائے خارجہ سے ملاقاتیں بھی متوقع ہیں۔
اسلام آباد(22 اگست 2025):نائب وزیراعظم اور وزیر خارجہ اسحاق ڈار نے کہا ہے کہ پاکستان بھارت کے ساتھ مسئلہ کشمیر سمیت جامع مذاکرات کیلئے تیار ہے۔ امریکا کو بتا دیا تھا مذاکرات کیلئے تیار ہیں لیکن کشمیر سمیت تمام معاملے پر بات کریں گے۔
تفصیلات کے مطابق اسلام آباد میں میڈیا سے گفتگو میں اسحاق ڈار نے کہا پاک بھارت جنگ بندی پر عمل جاری ہے۔ جنگ بندی کیلئے بھارت نے امریکا سے درخواست کی تھی، جنگ بندی کیلئے مجھے امریکا سے فون آیا تھا، میں نے واضح کیا تھا کہ پاکستان جنگ چاہتا ہی نہیں تھا۔
اسحاق ڈار نے کہا کہ ہم نے کسی سے نہیں کہا تھا کہ ہمیں بھارت کے ساتھ بٹھائیں۔ ہم سے کسی نیو ٹرل مقام پر بٹھانے کی بات کی گئی تھی تو میں نے کہا تھا اگر نیوٹرل مقام پر میٹنگ ہوگی تو کر لیں گے۔
انہوں نے کہا کہ ہم نے واضح کیا تھا بھارت کے ساتھ کسی ایک نکاتی ایجنڈے پر بات نہیں ہوگی، بھارت کے ساتھ مسئلہ کشمیر سمیت تمام تصفیہ طلب امور پر بات ہوگی، بھارت کی جانب سے بلاوجہ بیان بازی جاری رہتی ہے۔
اسحاق ڈار نے مزید کہا کہ امریکا کے وزیر خارجہ کا دورہ پاکستان ابھی شیڈول نہیں ہے، کل میں بنگلہ دیش کے دو روزہ دورے پر جا رہا ہوں، دورے کا مقصد پاکستان اور بنگلہ دیش کو مزید قریب لانا ہے۔
اسلام آباد(22 اگست 2025): پاکستان کے نائب وزیراعظم اسحاق ڈار نے امریکی وزیر خارجہ مارکو روبیو کے دورہ پاکستان سے متعلق خبروں کی تردید کردی ہے۔
تفصیلات کے مطابق نائب وزیراعظم اور وزیر خارجہ اسحاق ڈار نے سینئر صحافیوں سے گفتگو میں کہا کہ امریکی وزیرخارجہ کا دورہ پاکستان ابھی شیڈول نہیں ہے۔
واضح رہے کہ سفارتی ذرائع سے یہ خبر سامنے آئی تھی کہ امریکی وزیر خارجہ مارکو روبیو کے اکتوبر میں دورہ پاکستان متوقع ہے، سفارتی ذرائع کا کہنا تھا کہ پاکستان نے امریکی وزیر خارجہ مارکو روبیو کے دورے کی تیاریاں شروع کر دیں، یہ دورہ ممکنہ طور پر اکتوبر کے اردگرد متوقع ہے۔
نائب وزیراعظم اور وزیر خارجہ کل بنگلادیش کے دورے پر روانہ ہونگے، انہوں نے صحافیوں سے گفتگو میں کہا کہ بنگلا دیش کا میرا دورہ دو روزہ ہے، دورے کا مقصد پاکستان اور بنگلا دیش کو مزید قریب لانا ہے۔
اسحاق ڈار نے کہا کہ پاکستان بھارت کیساتھ مسئلہ کشمیر سمیت جامع مذاکرات کو تیار ہے، پاک بھارت جنگ بندی پر عمل جاری ہے، جنگ بندی کے لیے بھارت نے امریکا سے درخواست کی تھی، جنگ بندی کے لیے مجھے امریکا سے فون آیا تھا اور میں نے واضح کیا تھا کہ پاکستان جنگ چاہتا ہی نہیں تھا۔
انہوں نے کہا کہ ہم نے کسی سے نہیں کہا تھا کہ ہمیں بھارت کے ساتھ بٹھائیں، ہم سے کسی نیوٹرل مقام پر بٹھانے کی بات کی گئی تھی، میں نے کہا تھا کہ اگر نیوٹرل مقام پر میٹنگ ہوگی تو کر لیں گے، واضح کیا تھا کہ بھارت کے ساتھ کسی ایک نکاتی ایجنڈے پر بات نہیں ہوگی، بھارت کے ساتھ مسئلہ کشمیر سمیت تمام تصفیہ طلب امور پر بات ہوگی۔
نیویارک : نائب وزیراعظم اسحاق ڈار کا کہنا ہے کہ پاکستان کا اسرائیل کو تسلیم کرنے کا کوئی ارادہ نہیں، فلسطینی سرزمین پر اسرائیلی قبضہ فوری ختم ہونا چاہیے۔
تفصیلات کے مطابق نائب وزیراعظم اسحاق ڈار نے نیویارک میں پریس کانفرنس کرتے ہوئے کہا کہ او آئی سی 57 ممالک کی تنظیم ہے ، جس کے ہم بانی ممبر ہیں، اسلاموفوبیا پر او آئی سی کا مستقل اینوائے مقرر کروایا، فلسطین کے ساتھ کشمیر کے مسئلے کو بھی اجاگر کیا۔
نائب وزیراعظم کا کہنا تھا کہ فلسطینیوں کے حق خودارادیت اور دو ریاستی حل کی حمایت کرتے ہیں، آزاد فلسطینی ریاست کی سرحدیں 1967 والی پوزیشن کے مطابق ہونی چاہئیں، القدس الشریف فلسطین کا دارالحکومت ہونا چاہیئے۔
انھوں نے واضح کیا مسئلہ فلسطین کے حل سے اسرائیل کو تسلیم کرنے کاکوئی ارادہ نہیں۔
وزیر خارجہ نے بتایا کہ امریکی سیکریٹری خارجہ سے ملاقات بہت مفید رہی، ہم نے تجارت اور ٹیرف کے معاملے پر بھی بات کی، آج بھی سیکریٹری مارکوروبیو سے ٹیلیفون پر بات ہوئی، امریکا سے دو طرفہ اور علاقائی امور پر کھل کر بات ہوئی ہے۔
نائب وزیراعظم نے کہا کہ امریکا کا دورہ ہر حوالے سے کامیاب رہا ہے، ٹیرف پرمعاہدے کیلئے وزیرخزانہ محمداورنگزیب جلد امریکاپہنچ جائے گا، اگلے دو سے تین دن میں ٹیرف پر معاہدے طے پاجائے گا۔
عمران خان کے حوالے سے ان کا کہنا تھا کہ بانی پی ٹی آئی کے خلاف کیسز عدالتی معاملہ ہے، جب آپ ہتھیار اٹھاتے ہیں تو قانون اپنا راستہ اپناتاہے، دہشت گردی کے خلاف جنگ ہماراسرفہرست ایجنڈا ہے۔
دورہ افغانستان سے متعلق وفاقی وزیر نے بتایا کہ 19 اپریل کو افغانستان گیا، افغان نگراں وزرا سے بات چیت ہوئی، جو فیصلے ہوئے ان پر 20 اپریل کو عملدرآمد ہو چکا ، افغانستان کے ساتھ ریلوے لائن بچھی تو ہم پوری دنیا سے کنکٹ ہو جائیں گے، افغانستان سے کہا ہے کہ اپنی سرزمین کو دہشت گردی کیلئے استعمال نہ ہونے دے، چین، پاکستان اور افغانستان کے وزرائے خارجہ کابل میں جلد ملاقات کریں گے۔
نیو یارک : نائب وزیراعظم اسحاق ڈار نے کہا ہے کہ آج کا غزہ انسانی حقوق کے قوانین کا قبرستان بنا ہوا ہے۔
یہ بات انہوں نے نیویارک میں فلسطین کے دو ریاستی حل سے متعلق اقوام متحدہ کی جنرل اسمبلی سے خطاب کرتے ہوئے کہی، انہوں نے کہا کہ غزہ میں مستقل جنگ بندی اور خوراک کی فراہمی یقینی بنائی جائے۔
اسحاق ڈار نے کہا کہ غزہ میں جنگی قوانین کی خلاف ورزی اور جنگی جرائم پر قرار واقعی سزا یقینی بناتے ہوئے وہاں انسانیت کے خلاف جرائم کا سلسلہ بند کیا جائے۔
نائب وزیراعظم نے کہا کہ فرانس کے فلسطینی ریاست کو تسلیم کرنے کے فیصلے کا خیرمقدم کرتے ہیں، فلسطین کا مسئلہ75سال سے زائد عرصے سے حل طلب ہے۔
اسحاق ڈار کا مزید کہنا تھا کہ فلسطین کا مسئلہ حل نہ ہونا صرف سیاسی ناکامی نہیں بلکہ اس کی اور بھی وجوہات ہیں۔
نائب وزیر اعظم نے کہا کہ پاکستان اس کانفرنس کے انعقاد کے حوالے سے سعودی عرب اور فرانس کو خراج تحسین پیش کرتا ہے۔
اسحاق ڈار کا کہنا تھا کہ پاکستان فلسطینیوں کی حق خودارادیت کی حمایت جاری رکھے گا، فرانس کی جانب سے فلسطینی ریاست کو تسلیم کرنے کے فیصلے کا خیرمقدم کرتے ہیں۔
نائب وزیراعظم نے یہ بات زور دے کر کہی کہ انصاف میں تاخیر ناانصافی کے مترادف ہے،اب وقت آگیا ہے کہ فلسطینی ریاست کو اقوام متحدہ کی مکمل رکنیت دی جائے۔
نیویارکـ(27 جولائی 2025): نائب وزیر اعظم اور وزیر خارجہ محمد اسحاق ڈار نے کہا ہے کہ پی ٹی آئی حکومت مزید چھے ماہ رہتی تو ملک ڈیفالٹ کر جاتا۔
تفصیلات کے مطابق نائب وزیراعظم اسحاق ڈار نے نیو یارک میں پاکستانی کمیونٹی سے خطاب میں کہا کہ ہم نے ملک کو بچایا ہے، ڈیفالٹ کا خطرہ اب دفن ہوچکا ہے، جب بھی معاشی معاملات خراب ہوتے ہیں مجھے یاد کیا جاتا ہے۔
اسحاق ڈار کا کہنا تھا کہ مہنگائی کی شرح میں نمایاں حد تک کمی واقع ہو چکی ہے، زرمبادلہ کے ذخائر میں مسلسل اضافہ ہو رہا ہے، ملک میں معاشی استحکام آ چکا ہے، ہمارا ہدف پاکستان کو جی 20 میں شامل کرنا ہے۔
انہوں نے کہا کہ اوورسیز پاکستانی ملک کا سرمایہ ہیں، حکومتی کوششوں کی بدولت معیشت میں نمایاں بہتری آئی ہے، تین سال کی قلیل مدت میں معاشی اشاریوں میں بہتری لائی گئی، جی ڈی پی گروتھ میں نمایاں بہتری آئی ہے، تمام عالمی مالیاتی ادارے پاکستان کی معاشی بہتری کے معترف ہیں۔
انہوں نے کہا کہ تمام مالیاتی عالمی ادارے پاکستان کی معاشی بہتری کے معترف ہیں، دنیا کی چوتھی بڑی معیشت پی ٹی آئی کے 4 سالہ دور کے بعد نیچے چلی گئی، تحریک عدم اعتماد کامیاب ہونے پر 16 ماہ پی ڈی ایم کی حکومت رہی، ملک میں انتخابات ہوئے شہبازشریف دوسری بار اتحادی حکومت کے وزیراعظم بنے۔
ان کا کہنا تھا کہ وزیراعظم شہبازشریف نے ملک میں معاشی استحکام کیلئے بے پناہ محنت کی ہے، نواز شریف وفاقی حکومت اور پنجاب حکومت کی مسلسل نمائندگی کررہے ہیں، یہ حقیقت ہے کہ ماضی میں پاکستان سفارتی سطح پر تنہائی کا شکار ہوا۔
نائب وزیراعظم کا کہنا تھا کہ افغانستان ہمارا ہمسایہ ملک ہے، 19 اپریل کو 4 سال بعد کابل گیا تھا، افغانستان کیساتھ تجارت، افغان مہاجرین اور دیگر امور پر بات ہوئی، افغانستان کیساتھ کمٹمنٹ ہے کہ ایک دوسرے کی سرزمین دہشتگردی کیلئے استعمال نہیں ہونے دینگے، ملک سے دہشتگردی کے ناسور کے مکمل خاتمے کیلئے پرعزم ہیں۔
اسحاق ڈار نے گفتگو میں کہا کہ اس ماہ پاکستان نے اقوام متحدہ سیکیورٹی کونسل کی صدارت کی، پاکستان اسوقت سفارتی سطح پر بہت متحرک ہے، ہم افغانستان کے خیرخواہ ہیں ان کی ترقی اور خوشحالی چاہتے ہیں، پاکستان دنیا میں جاری تنازعات کا حل چاہتا ہے۔
نائب وزیراعظم اسحاق ڈار نے بتایا کہ امریکی وزیر خارجہ سے ملاقات نہایت مفید رہی ہے، پاکستان امن پسند ملک ہے، ہماری ایٹمی طاقت ملکی دفاع کیلئے ہے، ہمارے لئے کوئی بھی چھوٹا یا بڑا ملک ایک جیسا ہے، پاکستان دیگر ممالک کی خود مختاری کا بھی احترام کرتا ہے۔
پاک بھارت کشیدگی سے متعلق گفتگو میں انہوں نے کہا کہ ہم نے بھارتی جارحیت کا منہ توڑ جواب دیا، وہ کہتے تھے رافیل کوئی گرا نہیں سکتا پاکستان نے 4 رافیل گرادیئے، ہم نے بھارتی جارحیت کا منہ توڑ جواب دیا، پاکستان نے رافیل طیارے گرا کر بھارت کا غرور خاک میں ملایا۔
اسحاق ڈار کا کہنا تھا کہ پہلگام واقعے کے بعد بھارت نے جو اقدامات کئے پاکستان نے بھی ویسے ہی جواب دیا، 4 رافیل سمیت 6 فائٹر طیارے گرائے تو بھارت بوکھلاہٹ کا شکار ہوگیا تھا، وزیراعظم شہبازشریف نے پہلگام واقعہ پر بھارت کو عالمی تحقیقات کی پیشکش کی، فیلڈ مارشل اور موجودہ حکومت پاکستان کی کامیابی کا نشان بن چکے ہیں۔
نائب وزیراعظم و وزیرخارجہ اسحاق ڈار نے کہا ہے کہ ڈاکٹرعافیہ صدیقی کیس حوالے کو سیاق و سباق سے ہٹ کرلیا جارہا ہے۔
اسحاق ڈار نے ٹوئٹ کے ذریعے دورہ امریکا میں اپنی گفتگو کے حوالے موقف واضح کیا ہے، نائب وزیراعظم نے کہا کہ اٹلانٹک کونسل تھنک ٹینک میں بانی پی ٹی آئی کیس سے متعلق سوال کیا گیا، بانی پی ٹی آئی کیس کے جواب میں ڈاکٹر عافیہ صدیقی کیس کا حوالہ دیا۔
اسحاق ڈار نے کہا کہ ن لیگ ادوار میں ہمیشہ ڈاکٹر عافیہ صدیقی کی رہائی کیلئے معاونت کرتے رہے، عافیہ صدیقی کی رہائی کیلئے تمام سفارتی، عدالتی معاونت فراہم کرتے رہے ہیں۔
وزیرخارجہ کا کہنا تھا کہ جب تک عافیہ صدیقی کی رہائی کا معاملہ حل نہ ہوجائے معاونت کرتے رہیں گے، ہرملک کے عدالتی و قانونی طریقہ کار ہوتے ہیں۔
اسحاق ڈار نے کہا کہ عدالتی و قانونی طریقہ کار کا احترام کیا جاتا ہے چاہے وہ پاکستان ہو یا امریکا، عافیہ صدیقی کی رہائی کے معاملے پر ہماری حکومت کا موقف دو ٹوک اور واضح ہے۔
واشنگٹن : نائب وزیراعظم اسحاق ڈار نے بانی پی ٹی آئی سے متعلق انکشاف کرتے ہوئے کہا بانی پی ٹی آئی سے دوستی تھی، وہ سیاست میں آنے سے قبل اسپتال کا چندہ لینے آتے تھے۔
تفصیلات کے مطابق امریکی تھنک ٹینک اٹلانٹک کونسل میں بانی پی ٹی آئی سے متعلق سوال پرنائب وزیراعظم اسحاق ڈار نے جواب دیتے ہوئے کہا کوئی مقبول ہے تو اس کا یہ مطلب نہیں وہ سیکیورٹی تنصیبات پر حملہ کرتا پھرے۔
نائب وزیراعظم کا کہنا تھا کہ موجودہ حکومت کا عمران خان کے مقدمات سے تعلق نہیں، بانی پی ٹی آئی کیخلاف تمام کیسز عدالتوں میں زیرسماعت ہیں، بانی پر مقدمات کا فیصلہ عدالت کرے گی۔
انھوں نے کہا کہ پی ٹی آئی نے 2014 میں 126 دن کا دھرنا دیا، جس سے معیشت متاثرہوئی۔
وفاقی وزیر کا مزید کہنا تھا کہ سانحہ 9 مئی پر قانون اپنا راستہ لے گا اور ذمہ داروں کو سزا ہوگی، عمران خان نے جو کیا وہ افسوسناک ہے، ایسا نہیں کرنا چاہیے تھا۔
انھوں نے انکشاف کیا بانی پی ٹی آئی سے دوستی تھی، وہ سیاست میں آنے سے قبل اسپتال کاچندہ لینے آتے تھے۔
