Tag: اسحاق ڈار

اسلام آباد : وزیراعظم شہباز شریف کی زیر صدارت کل ہونے والے وفاقی کابینہ کے اجلاس میں اسحاق ڈارکی بطور وزیرخزانہ اجلاس میں شرکت متوقع ہے۔

تفصیلات کے مطابق وزیراعظم شہباز شریف نے وفاقی کابینہ کا اجلاس بدھ کو طلب کرلیا ، اجلاس میں اسحاق ڈارکی بطور وزیرخزانہ اجلاس میں شرکت متوقع ہے۔

اجلاس میں وزیراعظم کابینہ کودورہ امریکہ پراعتمادمیں لیں گے جبکہ ملکی سیاسی، معاشی صورتحال اور سیلاب زدگان کی امداد پر بات چیت ہوگی۔

کابینہ اہم اجلاسوں کی آڈیو ریکارڈنگ لیک ہونے کے واقعہ پربھی غورکرے گی۔

اجلاس میں دریائے سندھ سے متعلق وزارت موسمیاتی تبدیلی کی سمری پر غور کیا جائے گا جبکہ یوٹیلیٹی اسٹورز کارپوریشن کے چیئرمین کی تعیناتی ایجنڈے میں شامل ہیں۔

گوادرسےگندم کی درآمد،سیلاب متاثرین کیلئے 10 ارب روپےکی منظوری بھی کابینہ ایجنڈے میں شامل ہیں۔

اجلاس میں خالی آسامیوں پرسی ایس ایس امتحان کے ذریعہ بھرتیوں کی سمری پر غور کیا جائے گا۔

لندن : سابق وزیر خزانہ اسحاق ڈار کا کہنا ہے کہ پاکستان واپس آرہا ہوں، اللہ توفیق دے کہ ملکی معیشت کو ٹھیک کر سکوں۔

تفصیلات کے مطابق سابق وزیر خزانہ اسحاق ڈار نے لندن سے روانگی کے موقع پر ویڈیو بیان میں کہا کہ پاکستان واپس آرہا ہوں، اللہ توفیق دے کہ ملکی معیشت کو ٹھیک کر سکوں۔

اسحاق ڈار کا کہنا تھا کہ پاکستان جس بھنور سے گزر رہا ہے وہ سب جانتے ہیں، جس دفتر سے نکل کر آیا تھا اس ہی دفتر میں واپس جارہا ہوں، اس دوران حکومت بھی تبدیل ہوئی۔

سابق وزیر نے کہا کہ ملکی معیشت کو اسی طرح بہتر کروں جس طرح 2013 اور17 کے دوران کیا تھا، جب شرح سود کم اور گروتھ ریٹ ہائی تھا۔

ان کا مزید کہنا تھا کہ اللہ تعالیٰ مجھے توفیق دے پہلے جیسی معیشت ہوجیسے نواز شریف دور میں تھی، نواز شریف کے دور میں دنیا کی 18ویں معیشت بننے جارہے تھے۔

اسحاق ڈار نے بتایا کہ ہمارے دور میں اچھی گروتھ اور ریزور بھی اچھے تھے، ہماری کوشش ہوگی معیشت کو ٹھیک کریں، اللہ تعالیٰ نے موقع دیا ہے واپس جارہے ہیں۔

اسلام آباد : الیکشن کمیشن نے سابق وزیر خزانہ اسحاق ڈار کی نشست خالی قرار دینے کی درخواست پر فیصلہ محفوظ کرلیا۔

تفصیلات کے مطابق الیکشن کمیشن میں اسحاق ڈار کی سینیٹ نشست خالی قرار دینے کے کیس کی سماعت ہوئی۔

اسحاق ڈار کے وکیل سلمان اسلم بٹ کمیشن میں پیش ہوئے اور مؤقف اختیار کیا کہ 29 مارچ 2018 کو اسحاق ڈار کی کامیابی نوٹیفکیشن معطل ہوا، سپریم کورٹ سے درخواست خارج ہونے پر نوٹیفکیشن بحال ہوگیا اور اسحاق ڈار پر آرڈیننس کا اطلاق نہیں ہوتا۔

وکیل سلمان اسلم کا کہنا تھا کہ اسحاق ڈار کا نوٹیفکیشن معطل تھا تو حلف کیسے لیتے؟ ان کا موقف تھا کہ آرٹیکل 63 پی کے تحت نااہلی آرڈیننس کے ذریعے لائے گئے قانون سے نہیں ہوسکتی اور یہ کہ آرڈیننس کی مدت ویسے ہی پوری ہوچکی ہے۔

اسحاق ڈار کے وکیل نے استدعا کی کہ الیکشن کمیشن سینیٹ نشست خالی قرار دینے کا نوٹس واپس لے۔

الیکشن کے ممبر نے سوال کیا کہ سوال یہی ہے کہ اسحاق ڈار نااہل ہوچکے ہیں یا نہیں۔

ممبر کے پی نے بھی سوال کیا کہ ترمیمی ایکٹ سے پہلے اگر اسحاق ڈار نااہل تھے تو اب اہل کیسے ہوگئے؟ اور یہ کہ الیکشن کمیشن قانون کی تشریح نہیں کر سکتا۔

اس پر اسحاق ڈار کے وکیل نے کہا کہ کوئی رکن پانچ سال بھی حلف نہ اٹھائے تو نااہل نہیں ہوسکتا اور الیکشن ایکٹ میں ترمیم سے دو ماہ میں حلف نہ اٹھانے پر نااہلی کی شق نکال دی گئی ہے، پی ٹی آئی حکومت کا جاری آرڈیننس ہی غیرآئینی تھا۔

الیکشن کمیشن نے حلف نہ اٹھانے پر اسحاق ڈار کی نشست خالی قرار دینے پر فیصلہ محفوظ کر لیا۔