اسلام آباد : سابق وزیرخزانہ اسحاق ڈار نےعطاء الحق قاسمی سے تعلقات کی تردید کرتے ہوئے کہا ہے کہ ان کا سابق ایم ڈی پی ٹی وی کی تقرری میں کوئی کردار نہیں ہے۔

تفصیلات کے مطابق سابق وزیرخزانہ اور مسلم لیگ ن کے رہنما اسحاق ڈار نے عطاء الحق قاسمی کی تعیناتی سے متعلق سپریم کورٹ کوای میل کی ہے جس میں انہوں نے سابق ایم ڈی پی ٹی وی سے تعلقات کی تردید کردی۔

اسحاق ڈار کا کہنا ہے کہ عطاء الحق قاسمی کے لیے 18لاکھ تنخواہ مقررکی نہ کوئی کردارادا کیا، لاکھوں روپے تنخواہ مقرر کرنے والے سے جواب مانگا جائے۔

رجسٹرارسپریم کورٹ کوبھیجی گئی ای میل میں اسحاق ڈار نے موقف اختیار کیا ہے کہ بیماری کے باعث سپریم کورٹ میں پیش ہونے سے قاصر ہوں۔

خیال رہے کہ رواں ہفتے 9 جولائی کو سپریم کورٹ نے اسحاق ڈار کو عدالت میں 3 روز میں پیش ہونے کا حکم دیا تھا، چیف جسٹس نے ریمارکس دیے تھے کہ اسحاق ڈار مفرور ہیں، وہ نہیں آتے تو انٹر پول کے ذریعے انہیں واپس لایا جائے۔

جسٹس اعجازالاحسن نے دوران سماعت ریمارکس دیے تھے کہ نواز شریف اور مریم نواز کوسزا دی وہ پھر بھی واپس آ رہے ہیں۔

ایم ڈی پی ٹی وی تقرری کیس کا فیصلہ محفوظ

واضح رہے کہ رواں سال 26 فروری کوعطاء الحق قاسمی کی بطورایم ڈی پی ٹی وی تقرری کیس کا فیصلہ محفوظ کرلیا تھا۔

خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

لاہور: وفاقی وزیر قانون و اطلاعات  بیرسٹر سید علی ظفر نے کہا ہے کہ اسحاق ڈار کی واپسی کے لیے ریڈ وارنٹ قانون کے مطابق جاری کیے جائیں گے۔

لاہور ہائی کورٹ آمد کے موقع پر میڈیا سے گفتگو کرتے ہوئے بیرسٹر علی ظفر کا کہنا تھا کہ الیکشن ہر صورت اپنے مقررہ وقت پر ہی ہوں گے، حکومت اس حوالے سے اقدامات کررہی ہے۔

اُن کا کہنا تھا کہ الیکشن کے ا التواءکا کوئی جواز نہیں ،پرامن ، صاف، شفاف بروقت انتخابات کا یقین دلاتے ہیں، پرامن انتخابات کے انعقاد کے حوالے سے جو بھی مسائل ہے انہیں ہر حد تک جاکر حل کریں گے۔

مزید: بیمار اسحاق ڈار کی لندن میں پھرتیاں، ویڈیو سامنے آگئی

بیرسٹر علی ظفر کا کہنا تھا کہ اسحاق ڈار کو وطن واپس لانے کے لیے قانون کے مطابق کارروائی کی جائے گی، کسی بھی اشتہاری شخص کو لانے کےلیے قانونی طریقے سے ریڈ وارنٹ جاری کیے جاتے ہیں۔ اُن کا کہنا تھا کہ عدالتی فیصلے کی روشنی میں قانون کو دیکھتے ہوئے اسحاق ڈار کے وارنٹ جاری کرنے یا نہ کرنے کا فیصلہ کیا جائے گا۔

انہوں نے کہا کہ پاکستان پانی ضائع کرنے والا ملک ہے میرا خیال ہے کالا باغ ڈیم بننا چاہیے مگر اس حوالے سے جن لوگوں کو خدشات ہیں انہیں بھی دور کرنا چاہیے، سولر اور ونڈ انرجی سے بجلی کے بحران پر قابو پایا جاسکتا ہے ۔

خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

اسلام آباد: ن لیگ کے دور میں تھری جی اور فور جی لائسنس کی بولیوں میں‌ فکسنگ کا بڑا انکشاف ہوا ہے.

تفصیلات کے مطابق تھری اور فورجی لائسنس کے اجرا میں بدعنوانی کی نیب تحقیقات میں اہم پیش رفت ہوئی ہے. نیب نے اسحاق ڈار اورانوشہ رحمان کے خلاف تحقیقات کا دائرہ وسیع کردیا.

سابق چیئرمین پی ٹی اےاسماعیل شاہ، ممبر ٹیلی کام مدثر حسین، شبیراحمد کے خلاف بھی تحقیقات کا فیصلہ کیا گیا ہے.

ایف آئی اے نے اسحاق ڈار اور انوشہ رحمان کی 5 سالہ سفری تفصیلات نیب کو سونپ دیں، سابق چیئرمین پی ٹی اے اسماعیل شاہ کی بھی تفصیلات نیب کو فراہم کر دی گئی ہیں.

یاد رہے کہ نیب نے تھری، فور جی لائسنس اسکینڈل میں ایف آئی اے سے مدد لی تھی، ابتدائی تفتیش میں ٹیلی کام کمپنیز کو مخصوص قیمت پر لائسنس دینے کا پتا چلا تھا.

واضح رہے کہ 2014 میں پی ٹی اے نے وزارت آئی ٹی کے مشورے پرتھری، فورجی لائسنس کی نیلامی کا عمل شروع کیا تھا، ٹیلی کام کمپنیز، پی ٹی اے، وزارت آئی ٹی نے شفاف بولی کےعمل کو براہ راست متاثر کیا تھا.

ذرایع کے مطابق قومی خزانے کو بھاری نقصان، جب کہ ٹیلی کام کمپنیوں کو اربوں روپے کا فائدہ پہنچایا گیا اور اس ضمن میں‌ ڈاکٹر اسماعیل شاہ نے سابق وزیر مملکت انوشہ رحمان سے ہدایات وصول کیں.

براڈ بینڈ صارفین کی تعداد تین فیصد سے بڑھ کر 38 فیصد ہوگئی، انوشہ رحمان

خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔