ARYNews.tv | Urdu – Har Lamha Bakhabar

Tag: اسحاق ڈار

  • وزیراعظم توانائی کے مسائل کاجائزہ لے رہے ہیں، اسحاق ڈار

    وزیراعظم توانائی کے مسائل کاجائزہ لے رہے ہیں، اسحاق ڈار

    کراچی: وفاقی وزیر خزانہ اسحاق ڈارنے کہاہے کہ غیر ملکی سرمایہ کاروں کی سیکیورٹی کیلئے اسپیشل ٹاسٹک فورس کاقیام حکومت کے ایجنڈے میں ہے ،اسٹیٹ بینک کے زخائربارہ ماہ میں ڈھائی ارب ڈالرسے بڑھ کر ساڑھے بارہ ارب ڈالر کی سطح پر پہنچ گئے۔

    پورٹ قاسم کراچی میں پاکستان جاپان کے اشتراک سے جاپان کی بین اقوامی موٹرسائیکل کمپنی کے پلانٹ کاافتتاح وفاقی وزیر خزانہ اسحاق ڈارنے کیا، افتتاح تقریب سے خطاب کرتے ہوئے وفاقی وزیرخزانہ کاکہناتھاکہ وزیراعظم میاں محمدنوازشریف توانائی کے مسائل کاجائزہ لے رہے ہیں ۔

    انکاکہناتھاکہ حکومت اسٹیٹ بینک کے قرض لینے کی روایت میں کمی لارہی ہے۔انہوں نے کہاکہ آئی ایم ایف کے تمام تر ریویوباآسانی پورے کرلیئے ہیں اور یکم مئی کودبئی میں ہونے والی ریویوکوبھی پوراکرلیں گے،اسحاق ڈارکاکہناتھاکہ ایل این جی سے ملک میں بجلی کے بحران کوختم کرنے میں مددملے گی۔

    وفاقی وزیر خزانہ نے بتایاکہ کہاکہ توانائی کے بحران پرقابوپانے کے لیئے بڑے فیصلے کیئے ہیں،ملک میں ساڑھے چار ہزار میگاواٹ بجلی کی کمی ہے ،حکومت اگلے دو سالوں میں سسٹم میں دس ہزار چھ سومیگاواٹ بجلی لانے کے لیئے کوششیں کررہی ہے۔انکاکہناتھاکہ ایف بی آر کے روینیو میں پچھلے سال کے نسبت اب تک 3.2 فیصد کمی واقع واقع ہوئی ہے ۔

    اسحاق ڈار نے کہاکہ پاکستان میں پیداواری طاقت ابھی بھی خطے میں بہت سے ممالک سے کم ہے۔انکاکہناتھاکہ پیٹرولیم مصنوعات کی قیمتیں گرنے سے آمدنی میں کمی ہوئی لیکن جاری کھاتوں کے خسارے میں بھی کمی واقع ہوئی ہے۔وفاقی وزیرخزانہ نے کہاکہ اسپیکر قومی اسمبلی ایاز صادق کے توجہ دلانے پر حکومت نے جاپان کے مقامی موٹربنانے والی کمپنی سے رابطہ کیا اور انہیں وطن واپس لیکر آئے۔

  • ای اُو بی آئی کے پینشنرز کی پینشن میں اضافہ

    اسلام آباد : قرضےکی قسط کیلئے آئی ایم ایف اور پاکستان کےمابین دبئی میں یکم مئی سےمذاکرات ہونگے،،حکومت نے ای اُو بی آئی پینشنرزکے معاوضےمیں اضافےکا اعلان کردیا۔

    اس اضافے سے ای اُو بی آئی کےپینشنرزکاکم ازکم معاوضہ تین ہزار چھےسو روپےماہوار سےبڑھ کر پانچ ہزار دوسو پچاس روپےماہوار ہو جائیگا۔

    اسلام آباد میں نیوز کانفرنس کرتےہوئےوفاقی وزیرخزانہ اسحاق ڈارنےبتایاکہ اس اضافے کا اطلاق یکم اپریل سےہوچکا ہے۔

    اسحاق ڈارنےمزید بتایاکہ یکم سےدس مئی تک آئی ایم ایف کےساتھ قرضےکی ساتویں قسط کیلئےدبئی میں مذاکرات ہونگےجس میں معیشت کا ساتواں معاشی جائزہ لیاجائیگا۔

    ایک سوال پر اسحاق ڈار نےکہاکہ وزیراعظم کی وطن واپسی پرسیاسی جماعتوں کےرہنمائوں اور پارلیمانی لیڈرزکو پاک چین اقتصادی راہداری پربریفنگ دی جائیگی۔

  • آپریشن ضرب عضب پراربوں روپے کے اخراجات آچکے ہیں، اسحاق ڈار

    آپریشن ضرب عضب پراربوں روپے کے اخراجات آچکے ہیں، اسحاق ڈار

    واشنگٹن : وفاقی وزیر خزانہ اسحاق ڈار نے کہا ہے کہ آپریشن ضرب عضب پر اب تک چار سو پندرہ ملین ڈالر خرچ کئے جاچکے ہیں، جبکہ آئی ڈی پیز کی مکمل بحالی کیلئے اسیّ ارب روپے درکار ہیں۔

    ان خیالات کا اظہار وفاقی وزیر خزانہ اسحق ڈار نے واشنگٹن میں نیوز کانفرنس سے خطاب کرتے ہوئے کیا۔اپنے دورہ واشنگٹن کے اختتام پر وزیر خزانہ اسحاق ڈار نے ضرب عضب آپریشن کی کامیابیوں کا ذکر کرتے ہوئے کہا کہ ان کاروائیوں پر اربوں روپے کے اخراجات آچکے ہیں۔

    وزیر خزانہ کے مطابق یمن کے حوالے سے فوج نہ بھیجنے کے فیصلے پر مشرق وسطی میں کام کرنے والے پاکستانیوں کو واپس نہیں بھیجا جارہا۔

    جوڈیشل کمیشن پر اسحاق ڈار کا کہنا تھا کہ ووٹوں کے تھیلے اگر امریکہ میں بھی کھولیں جائیں تو مہروں کا مسئلہ یہاں بھی ہوگا۔ جوڈیشل کمیشن نے یہ دیکھنا ہے کہ کہیں سازش کے تحت انتخابات کو ہائی جیک تو نہیں کیا گیا۔

    اسحاق ڈار نے دعویٰ کیا کہ 2017 تک دس ہزار میگا واٹ بجلی سسٹم میں شامل کر لی جائے گی۔ وزیر خزانہ کا کہنا تھا کہ وفاقی حکومت کا ٹارگٹ ہے کہ 2018 تک پاکستان کے فارن ریزرو 18.5 بلین ڈالرز تک حاصل کر لئے جائیں۔

    انہوں نے چین کے ساتھ ہونے والے تاریخی اقتصادی معاہدوں کو بھی پاکستان کی ترقی کے لئے اہم قرار دیا۔

  • ملک کی معاشی شرح نمو 7 فیصد تک لیجانا چاہیتے ہیں، وزیرخزانہ

    ملک کی معاشی شرح نمو 7 فیصد تک لیجانا چاہیتے ہیں، وزیرخزانہ

    اسلام آباد: وزیر خزانہ اسحاق ڈار کا کہنا تھا حکومت نے ملک کی معاشی ترقی کی شرح کو سات فیصد تک لے جانے کا ہدف رکھا ہے۔

    وزارت خزانہ اعلامیہ کے مطابق وزیر خزانہ اسحاق ڈار نے اپنے دورائے برطانیہ کے دروان لندن اسٹاک مار کیٹ اور برطانوی سرمایا کاروں کے وفد سے ملاقات کی۔ملاقات میں پاکستان کی معاشی صورت حال پر تبادلہ خیال کیا گیا ۔

    وزیر خزانہ نے آئی ایم ایف کےساتویں جائزہ مذاکرات پربریفنگ بھی دی ، وزیر خزانہ نے بتایا کہ زرمبادلہ کے ذخائر اٹھارہ ارب ڈالر سے زائد کرنے کاہدف ہے جبکہ دوہزار سترہ تک دس ہزارمیگاواٹ اضافی بجلی پیدا کرنا چاہتے ہیں۔

  • ایم کیوایم کے خلاف جوڈیشل کمیشن میں جائیں گے، جہانگیرترین

    ایم کیوایم کے خلاف جوڈیشل کمیشن میں جائیں گے، جہانگیرترین

    اسلام آباد: تحریک انصاف کے رہنما جہانگیرترین کا کہنا ہے کراچی میں بڑی دھاندلی ہوتی ہے، ایم کیوایم کے خلاف جوڈیشل کمیشن میں جائیں گے۔

    عمران خان کی رہائش گاہ بنی گالہ میں میڈیا سے گفتگوکرتے ہوئے تحریک انصاف کے رہنما جہانگیرترین کا کہنا تھا کہ کراچی میں بڑی دھاندلی ہوتی ہے، ایم کیوایم کے خلاف جوڈیشل کمیشن میں جائیں گے۔

    پی ٹی آئی کی جدوجہد کے نتیجے میں جوڈیشل کمیشن قائم کیا گیا۔ امید ہے زیادہ ترسیاسی جماعتیں دھاندلی سے متعلق موقف کمیشن میں پیش کریں گی۔

    انہوں نے کہا کہ کمیشن کے اعلان کے بعد ہی پی ٹی آئی نے ٹاسک فورس بنائی ہے جومستند ثبوت فراہم کرے گی۔

  • کراچی کے حالات ٹھیک ہوتے تو آپریشن نہ ہوتا، شاہ محمود قریشی

    کراچی کے حالات ٹھیک ہوتے تو آپریشن نہ ہوتا، شاہ محمود قریشی

    ملتان: پاکستان تحریک انصاف کے وائس چیئرمین شاہ محمود قریشی کا کہنا ہے کہ پارٹی کی قیادت نے یمن کے معاملے پر ہونے والے پارلیمنٹ کے اجلاس میں شریک ہونے یا نہ ہونے کا فیصلہ ابھی نہیں کیا۔

    ملتان میں نجی کالج کا افتتاح کرنے کی بعد شاہ محمود قریشی کا کہنا تھا کہ کراچی کے حالات ٹھیک ہوتے تو آپریشن نہ ہوتا، ایم کیو ایم جمہوری طرز عمل کے تحت سیاست نہیں کررہی، سیاست بازو کے زور پر نہیں ہوتی۔

    انہوں نے کہا کہ کراچی کے حالات نے پاکسانی معیشت کا استحصال کیا ہے، بھتہ لیا جاتا ہے، ہڑتالیں کروائی جاتی ہیں اور 2013 کا الیکشن بھی کراچی میں شفاف نہیں ہوا۔

    ان کا کہنا تھا کہ ہمارے کیمپ اکھاڑنے والے اور ہمارے کارکنوں کو زخمی کرنے والے ایم کیو ایم کے کارکنان نہیں تھے تو فاروق ستار انہیں کیوں سمجھا رہے تھے۔

  • وفاقی بجٹ کی تیاری، ٹیکس وصولی میں اضافے کا عندیہ

    وفاقی بجٹ کی تیاری، ٹیکس وصولی میں اضافے کا عندیہ

    اسلام آباد : حکومت نے آئندہ مالی سال کے بجٹ کی تیاریاں شروع کردیں ہیں۔اس سلسلے میں وفاقی وزیر خزانہ کا کہنا ہے کہ آئندہ دوسال میں مراعاتی ایس آر اوز کو ختم کر دیا جائے گا۔

    ان خیالات کا اظہار  وفاقی وزیر خزانہ اسحاق ڈار  نے اسلام آباد میں تاجر برادری، ایف بی آر اوراوور سیزچیمبر کےممبران سے ملاقات کے دوران کیا۔

    اس موقع پر میڈیا سےگفتگو کرتے ہوئے وزیر خزانہ کا کہنا تھا کہ ملکی اخراجات کو پورا کرنے کیلئے ٹیکس وصولیوں میں اضافہ ضروری ہے۔اس لئے آئندہ دو سال میں مراعاتی ایس آر اوز کا خاتمہ کر دیا جائے گا۔

    انھوں نے مزید کہا کہ پیٹرولیم مصنوعات اور اس جیسے دیگر ضروری ایس آر اوز کو جاری رکھا جائے گا۔ اسحاق ڈار کا کہنا تھا کہ حکومت تاجر برادری کی تجاویز کو مد نظر رکھ کر اور ان کے ساتھ مل کر بجٹ بنانا چاہتی ہے۔

    اسحاق ڈار نےمزید بتایا کہ مشاورتی کونسل کی تجاویز کوبھی بجٹ کا حصہ بنایا جائےگا۔ ایک سوال کے جواب میں ان کا کہنا تھا کہ تاجر برادری سے مشاورت کیلئےمزیداجلاس بھی بلائیں گے۔

  • کراچی میں الطاف حسین کا جمہوری طرز دیکھ لیا، عمران خان

    کراچی میں الطاف حسین کا جمہوری طرز دیکھ لیا، عمران خان

    کراچی: چیئرمین تحریک انصاف عمران خان کا کہنا ہے کہ دنیا نے کراچی میں الطاف حسین کا جمہوری طرز دیکھ لیا اور یہ وہی انداز ہے جو جرمنی کی نازی پارٹی کا تھا۔

    کراچی کے قومی اسمبلی کے حلقہ دوچھیالیس میں ضمنی انتخاب سے پہلے ہی سیاسی ماحول گرم ہے سماجی رابطے کی ویب سائٹ ٹوئٹر پر اپنے ایک ٹوئٹ میں عمران خان نے کہا کہ تحریک انصاف کراچی کے شہریوں کو ایم کیو ایم کے خوف سے نجات دلائے گی۔

     عمران خان کا کہنا تھاکہ این اے دو سو چھیالیس کے ضمنی انتخاب میں شکست کے خوف کے باعث الطاف حسین پریشان ہیں جس کی وجہ سے اس قسم کے اقدامات کیے جارہے ہیں۔

     

    عمران خان نے کہا کہ  تحریک انصاف الطاف حسین کے غنڈوں سے گھبرانے والی نہیں، ایک تھایندار کو معطل کرکے عوام کو بیوقوف نہ بنا یا جائے۔

     ان کا کہنا تھا کہ کراچی کے شہریوں کو ایم کیو ایم سے آزاد کرائیں گے، عمران خان نے سندھ حکومت سے پی ٹی آئی کو شرپسند عناصر سے تحفظ دینے کا مطالبہ بھی کیا۔

  • حکومت پیھچے ہٹی توسڑکوں پرآئیں گے،عمران خان

    حکومت پیھچے ہٹی توسڑکوں پرآئیں گے،عمران خان

    لاہور: تحریک انصاف کے سربراہ عمران خان جوڈشیل کمیشن کی تشکیل کے معاہدے میں تبدیلی کیلئے تیار نہیں۔ انہوں نے کہاکہ اگرحکومت پیچھے ہٹی تو سڑکوں پر آئینگے۔

    پی ٹی آئی کے چیئرمین عمران خان نے لاہور میں میڈیا سے گفتگو کرتے ہوئے عمران خان نے کہا کہ حکومت سے اب کسی قسم کی کوئی بات نہیں ہوگی، ہم سڑکوں پر نکلے تو نوازشریف کے لیے حکومت کرنا مشکل ہوجائے گا، حکومت جوڈیشل کمیشن کے قیام سے ڈری ہوئی ہے کیونکہ اس کے ذریعے دھاندلی سامنے آجائے گی تاہم نوازشریف کو پیغام دیتا ہوں کہ ایم او یوز کو کسی صورت تبدیل نہیں کیا جائے گا۔

     عمران خان نے سوشل میڈیا میں اپنی اور عارف علوی کی آڈیو ٹیپ سننے کےبارے میں لاعلمی ظاہر کی اور کہا کہ فون کال ٹیپ کرنا جرم ہے، عمران خان نے کہا کہ میں نے فون کال پر کسی کی ٹارگٹ کلنگ کرنے کیلئے نہیں کہا ہوگا۔

    یمن کی صورتحال پر ان کا کہنا تھا کہ نوازشریف کی حکومت نے کسی اور کی جنگ میں شامل ہونے کا فیصلہ کیا ہے ، ہمیں اپنے پڑوسی ملک ایران اور دوست سعودی عرب کے درمیان مسائل حل کرنے کے لیے کردار ادا کرنا چاہئے۔

     عمران خان نے کہا کہ ہمیں ماضی سے سکھنا چاہیئے کہ دس سال کےدوران امریکی جنگ میں ہمارے ہزاروں فوجی اور عوام مارے گئے، ملک کو اربوں ڈالر کانقصان پہنچا، ہمیں اس جنگ میں شریک نہیں ہونا چاہئے کیونکہ امریکا کی جنگ میں شریک ہوکر ہم نے جو نقصان اٹھایا اسے ساری قوم آج تک بھگت رہی ہے۔

  • تبدیلی مکےد کھانے سے نہیں آتی، اسحاق ڈار

    تبدیلی مکےد کھانے سے نہیں آتی، اسحاق ڈار

    اسلام آباد : وفاقی وزیرخزانہ اسحاق ڈار کا کہنا ہے کہ تبدیلی مکےد کھانے سے نہیں آتی، اس کیلئے عملی اقدامات کرناپڑتےہیں۔

    ان خیالات کااظہار انہوں نے ایوان ہائےصنعت وتجارت میں تاجری برادری سےخطاب کرتے ہوئے کیا، وزیرخزانہ اسحاق ڈارنے کہاکہ معاشی ابتری کےباعث ملک ٹوٹنے کی باتیں ہورہی تھیں۔ملک ڈیفالٹ ہونے کے قریب تھا۔

    اسحاق ڈارنے کہاکہ رواں مالی سال ٹیکس وصولی اورترسیلات زرمیں اضافےکا ہدف حاصل کر لیں گے۔ وزیر خزانہ کا ایک سوال کے جواب میں کہنا تھا کہ اوجی ڈی سی ایل کی نجکاری دھرنےکی نذر ہوگئی۔

    وزیرخزانہ نےبتایا کہ پیٹرولیم مصنوعات کی قیمتوں میں کمی کے باعث حکومت کواب تک ستر ارب روپے کا نقصان اٹھانا پڑا۔