ARYNews.tv | Urdu – Har Lamha Bakhabar

Tag: اسحاق ڈار

  • چاول کے کاشتکاروں کی مالی امداد کا فیصلہ

    چاول کے کاشتکاروں کی مالی امداد کا فیصلہ

    اسلام آباد: حکومت نے بین الاقوامی مارکیٹ میں چاول کی گرتی ہوئی قیمتوں کے باعث کاشتکاروں کو پانچ ہزار روپے فی ایکڑ امداد دینے کا فیصلہ کیا ہے،۔

    اقتصادی رابطہ کمیٹی کا اجلاس میں چاول کے کاشتکاروں کو امداد دینے کا فیصلہ وزیر اعظم کی ہدایت پر کیا گیا۔ پچیس ایکڑ سے زائد رقبہ رکھنے والے اس امداد کے اہل نہیں ہونگے۔

    امداد پر گیارہ ارب روپے تک خرچ ہونگے۔ اسحاق ڈار نے کہا کہ کاشتکاروں کو ٹیوب ویل کیلئے بجلی پر سبسڈی میں ایک سال کی توسیع کردی گئی ہے، اور اُن کو دس روپے پتیس پیسےفی یونٹ کے حساب سے بجلی ملے گی۔

    ٹیوب ویل سبسڈی پر حکومت تئیس ارب روپے تک خرچ کرے گی۔

  • منی لانڈرنگ پیسہ ملک سے باہر لیجانے کا سادہ عمل ہے، اسحاق ڈار

    منی لانڈرنگ پیسہ ملک سے باہر لیجانے کا سادہ عمل ہے، اسحاق ڈار

    اسلام آباد: وزیرخزانہ اسحاق ڈارنےمنی لانڈرنگ کو پیسہ باہرلیجانےکاسادہ عمل قرار دے دیا ہے جبکہ بین الاقوامی اصطلاح میں منی لانڈرنگ غیرقانونی دولت کی نقل وحمل کانام ہے۔

    منی لانڈرنگ کیا ہے، اس بارے میں دنیا بھر میں رائج اصطلاح کامطلب ہے پیسے کی غرقانونی نقل وحمل تاہم لغوی مطلب بھی دیکھ لیا جائے تو منی کا مطلب پیسہ، لانڈرنگ کا سنتہائی سادہ سا مطلب دھونا یعنی پیسہ دھونا ہے۔ لفظوں کے کھلاڑی کہتے ہیں کہ دھویا ایسی چیز کو جاتا ہے جومیلی ہو یعنی میلی دولت کو دھونا منی لانڈرنگ کہلاتا ہے۔

    دوسری جانب وزیرخزانہ اسحاق ڈار انتہائی سادگی سے اسے محض ملک سے پیسہ باہر لیجانے کا عمل قرار دیتے ہیں۔  پاکستان کے وزیرخزانہ ہوں یا حکومت کے بگ برادرز سب پرمنی لانڈرنگ کے الزام لگتے رہے ہیں۔

    سابقہ دور میں توایٹمی دھماکوں سے پہلے ہی لاکھوں ڈالرزکی بیرون ملک منتقلی بھی موجودہ حکمران خاندان کےکھاتے میں شامل ہے اور اسی لیے منی لانڈرنگ کی اصطلاح ان کی چڑ بنتی جارہی ہے۔ اسلئے اسحاق ڈار بھی اس حوالےسے ایک سوال پر مشکل میں نظرآئے۔ اسحاق ڈار وزیرخزانہ منی لانڈرنگ کی مجرمانہ اصطلاح کوجانےکیوں ہلکا کردکھانے کی کوشش کررہے ہیں۔ اس کاجواب توماہرین معاشیات دے سکتے ہیں یا پھر اپوزیشن۔

  • امریکہ دہشتگردی کیخلاف پاکستان کی مدد کرتا رہے گا ، رچرڈ اولسن

    امریکہ دہشتگردی کیخلاف پاکستان کی مدد کرتا رہے گا ، رچرڈ اولسن

    واشنگٹن: امریکی سفیر رچرڈ اولسن نے کہا ہے امریکہ دہشت گردی کیخلاف جنگ میں پاکستان کی ہر ممکن مدد جاری رکھے گا۔

    اسلام آباد میں ایف بی آر ہاوٗس میں ہونے والی تقریب میں دہشت گردوں کے زیر استعمال کیمیکل کی اسمگلنگ کی روکنے کیلئے امریکی سفیر اور چیرمین ایف بی آرطارق باجوہ نے ای یو وی منصوبے کا افتتاح کیا۔ اس موقعے پر امریکی سفیر نے کہا پاکستان کسٹمز سروس اور امریکہ کی ہوم لینڈ سیکیورٹی انویسٹیگیشن مشترکہ طور دہشت گردی کی کاروائیوں میں استعمال ہونے والے کیمیکلز کی اسمگلنگ کی روک تھام کریں، تاکہ پاکستان، امریکہ اور دیگر ممالک کو دہشت گردی سے پاک کیا جا سکے۔ رچرڈ اولسن نے اس موقعے پر ایف بی آرکو 80 ٹویوٹا ہائلکس گاڑیاں ،ایک سو ساٹھ زرہ بکتر ،دس ہزار سے زائد کیمیکل کٹس, کیمیکل شناخت کرنے والے یونٹ، کیمرے، دوربینیں اور دستانے حوالے کیے۔

  • بین الاقوامی ڈونرزکانفرنس:پاکستان کوسترکروڑ ڈالرامداد کی یقین دہانی

    بین الاقوامی ڈونرزکانفرنس:پاکستان کوسترکروڑ ڈالرامداد کی یقین دہانی

    اسلام آباد: پاکستان کو بین الاقوامی ڈونرز کانفرنس میں ستر کڑوڑ ڈالرز امداد کی یقین دہانی کرادی گئی ہے، تفصیلات کےمطابق اسلام آباد میں ہونے والی ایک روزہ بین الاقوامی ڈونرزکانفرنس میں برطانوی مالیاتی ادارے ڈیفڈ، عالمی بینک، ایشیائی ترقیاتی بینک، یورپی یونین، اسلامک ڈولپمنٹ بینک، جاپان، اٹلی اور دیگر ممالک نے آپریشن ضربِ عضب، شمالی وزیرستان کے متاثرین کی بحالی اور سیلاب زدگان کے نقصانات کا ازالہ کرنے کے لیے ستر کڑوڑ ڈالرز کی امداد دینے کی حامی بھرلی ہے۔

    ابتدائی طور پر آپریشن ضرب عضب اور سیلاب سے ہونے والے نقصانات کا ابتدائی تخمینہ ایک ارب چالیس کڑور ڈالرز لگایا گیا تھا۔ وزارت خزانہ کے مطابق نقصانات کا مکمل تخمینہ لگانے کے بعد مزید بین الاقوامی امداد ملنے کا امکان ہے۔

    کانفرنس کے اختتام پر وزیرخزانہ اسحاق ڈار نے کانفرنس میں شرکت کرنے والے بین الاقوامی مالیاتی اداروں اور ممالک کے نمائندوں کا شکریہ ادا کیا اور انہیں یقین دلایا کہ اُن کی جانب سے ملنے والی رقم کو شفاف طریقے سے خرچ کیا جائے گا۔

  • پی ٹی آئی تحقیقات کےدوران وزیراعظم سے استعفانہیں مانگےگی، ترجمان

    پی ٹی آئی تحقیقات کےدوران وزیراعظم سے استعفانہیں مانگےگی، ترجمان

    اسلام آباد: تحریک انصاف کاکہناہے کہ ایم آئی اور ائی ایس آئی پر مشتمل اسپیشل انویسٹی گیشن ٹیم کےقیام کی تجویز حکومت کی تھی اور پی ٹی آئی تحقیقات کے دوران وزیر اعظم سے استعفے کا مطالبہ نہیں کرے گی۔

    ترجمان پی ٹی آئی کےمطابق عدالتی تحقیقات کے دوران وزیراعظم سےاستعفےکا مطالبہ نہیں کیاجائے گا۔ انھوں نے مزید کہا کہ عدالتی کمیشن کو جے آئی ٹی کی معاونت کی گنجائش سے متعلق حکومتی بیان درست نہیں ہے۔ تحقیقاتی ٹیم کو جے آئی ٹی کی بجائے اسپیشل انویسٹی گیشن ٹیم کا نام دیا جائے گا۔

    ترجمان نے بتایا اسحاق ڈار سے مذاکرات کےدوران معاملات پہلے ہی طے پاگئے تھے۔ ترجمان نے کہا کہ حکومت آرٹیکل ایک سو چوراسی اور ایک سو ننانوے بغور جائزہ لے۔

  • کمیشن میں ایجنسیوں کے اہلکارنہیں، ججز ہو تے ہیں، اسحاق ڈار

    کمیشن میں ایجنسیوں کے اہلکارنہیں، ججز ہو تے ہیں، اسحاق ڈار

    اسلام آباد: وزیر خزانہ اسحاق ڈار نے پی ٹی آئی کے کمشن بنانے کے مطالبے پر جواب دیتے ہو ئے کہا ہے کہ کمیشن میں ایجنسیوں کے اہلکارنہیں، ججزہوتے ہیں۔ آئین سے ہٹ کرکمیشن تشکیل نہیں دیاجاسکتا ہے۔

    سکیورٹی ایجنسیوں کے اہلکاروں کو کمیشن میں شامل کرنے کی تجویز پر ردعمل کا اظہارکرتے ہو ئے اسحاق ڈار کا کہنا تھا کہ وزیراعظم نوازشریف عدالتی کمیشن کی تشکیل کیلئے پہلے ہی خط لکھ چکے۔ وہ اسلام آباد میں پریس کانفرنسسے خطاب کررہے تھے۔

    اسحاق ڈار نے کہا کہ خفیہ ایجنسیوں کی کمیشن میں شمولیت کا مطالبہ عجیب ہے۔ وزیر خزانہ کا کہنا ہے ان کی حکومت کو آج جنگل کے قانون سے تشبیہہ دینا غلط ہے اور وہ عمران خان کے جوڈیشل کمیشن میں ایم آئی اورآئی ایس آئی کو شامل کرنے کے مطالبہ سے حیران ہیں۔

  • آئی ایم ایف سےمذاکرات کامیاب،ایک ارب10کروڑ ڈالرملنےکاامکان

    آئی ایم ایف سےمذاکرات کامیاب،ایک ارب10کروڑ ڈالرملنےکاامکان

    کراچی: آئی ایم ایف سے مذاکرات کامیاب ہوگئے، حکومت کو دو اقساط میں ایک ارب دس کروڑ ڈالرزملنےکاامکان ہے۔

    عالمی مالیاتی ادارے سے مذکرات دبئی میں ہوئے، پاکستانی وفد کی قیادت وزیر خزانہ اسحاق ڈارنے کی،مذکرات میں حکومت نے چوتھا اور پانچواں معاشی جائزہ پیش کیا اور گفت و شنید کامیابی سے ہم کنار ہوئی، جس کےبعد آئی ایم ایف سے پچپن کروڑ ڈالرز کی دو اقساط ملنے کا امکان ہے۔

    وزیر خزانہ اسحاق ڈار نے حکام کے ہمراہ پریس بریفنگ میں بتایا آئی ایم ایف نےمعاشی جائزے پراطمینان کا اظہار کیا۔ دو اقساط پر مشتمل ایک ارب دس کروڑ ڈالرز کی حتمی منظوری آئی ایم ایف کے بورڈ کے اجلاس میں دی جائے گی۔

  • پاک آئی ایم ایف مذاکرات آج سے دبئی میں ہوں گے

    پاک آئی ایم ایف مذاکرات آج سے دبئی میں ہوں گے

    دبئی: آئی ایم ایف سے دو اقساط کے حصول کیلئے پالیسی مذاکرات کا آغاز آج سے دبئی میں ہوگا ۔ پاکستانی وفد کی سربراہی وزیر خزانہ اسحاق ڈار کریں گے۔

    آئی ایم ایف سے دو اقساط کے حصول کیلئے حکومت نے تمام شرائط پوری کر دی ہیں، پاکستان اور انٹرنیشنل مانیٹری فنڈ کے درمیان پالیسی سطح کے مذاکرات آج سے شروع ہو رہے ہیں جو آٹھ نومبر تک مکمل کر لئے جائیں گے۔

    اس ضمن میں حکومت نے آئی ایم ایف کو رپورٹ پیش کر دی ہے ۔ حکومت نے بجلی کی سبسڈی میں ستائس ارب روپے کی کمی کے ساتھ ساتھ تیسس پیسےسرکلر ڈیٹ ٹیکس اورایک روپے پانچ پیسے فی یونٹ ایکولائزیشن سرچارج بھی عائد کر دیا ہے۔

    دوسری جانب او جی ڈی سی ایل کی نجکاری پر اپوزیشن کے اختلاف پر بھی آئی ایم ایف کو اعتماد میں لیا جائے گا۔

  • پی آئی اےکو بارہ ارب روپےکا قرضہ جاری کرنےکی منظوری

    پی آئی اےکو بارہ ارب روپےکا قرضہ جاری کرنےکی منظوری

    اسلام آباد: کابینہ کی اقتصادی رابطہ کمیٹی نےگندم کی درآمد پربیس فیصد ڈیوٹی لگانےاور پی آئی اےکو بارہ ارب روپےکا قرضہ جاری کرنےکی منظوری دےدی ہے۔

    وزیرخزانہ اسحاق ڈار کی زیر صدارت ہونے والےاجلاس میں گندم کی فصل اچھی ہونے پر اس کی درآمد پر بیس فیصد ڈیوٹی لگانےکا فیصلہ کیا گیا۔حکومتی گارنٹی پر پی آئی اےکو بارہ ارب روپےکاقرضہ جاری کرنےکی بھی منظوری دی گئی۔

    وزیر خزانہ نےٹیکسٹائل پالیسی کے مسودہ مزیدبہترکرکے پندرہ نومبرکو ترامیم کےبعدکمیٹی کے سامنے پیش کرنے کی ہدایت کی۔اقتصادی رابطہ کمیٹی کے اجلاس میں پاکستان سینٹرل کاٹن کمیٹی کی تنظیم نوکا فیصلہ بھی کیا گیا۔

  • اقتصادی رابطہ کمیٹی کا درآمدی ایل این جی پرسیلز ٹیکس میں کمی کا فیصلہ

    اقتصادی رابطہ کمیٹی کا درآمدی ایل این جی پرسیلز ٹیکس میں کمی کا فیصلہ

    اسلام آباد: اقتصادی رابطہ کمیٹی نے درآمدی ایل این جی پرسیلز ٹیکس میں کمی کا فیصلہ کرلیا۔

    وزیرخزانہ اسحاق ڈار کی زیرصدارت اقتصادی رابطہ کمیٹی کے اجلاس میں درآمد کی گئی ایل این جی پرسیلزٹیکس میں کمی کا فیصلہ کیا گیا ہے، ایل این جی پرسیلز ٹیکس سترہ فیصد سے کم کرکے پانچ فیصد کردیا جائے گا، اس کے علاوہ کمیٹی نے ایل این جی درآمد کیلئے ٹگ بوٹس خریدنے کی اجازت بھی دے دی ہے، یہ ٹگ بوٹس وزارت پورٹ اینڈ شپنگ خریدے گی ۔

     اقتصادی رابطہ کمیٹی نے پیکیجزلیمٹیڈ کو بیرون ملک ایک کروڑ پچاس لاکھ ڈالرکی سرمایہ کاری کی اجازت بھی دے دی ہے، اقتصادی رابطہ کمیٹی کے اجلاس کا دوسرا دور کل پھرہوگا۔