Tag: اسحاق ڈار

وفاقی وزیر خزانہ اسحاق ڈار سے امریکی سفیر رابن رافیل نے ملاقات کی، ملاقات میں دونوں ممالک میں باہمی تعاون اور رابطے بڑھانے پر اتفاق کیا گیا۔

وزیرخزانہ اسحاق ڈار سے امریکی سفارتکار رابن رافیل نے ملاقات کی۔ ملاقات میں پاک امریکا ورکنگ گروپ اجلاس کےایجنڈےپر تبادلہ خیال کیا گیا اور دونوں ممالک میں باہمی تعاون سمیت رابطے بڑھانے پراتفاق کیا گیا۔

وزیرخزانہ اسحاق ڈار کا کہنا تھا کہ توانائی کاحل حکومت کی اولین ترجیح ہے اور گردشی قرضے کی ادائیگی سےبجلی کی پیداوارمیں سترہ سو میگاواٹ اضافہ ہوا۔ امریکی سفیر رابن رافیل نے پاکستانی سرحدوں پر سہولتوں اور بنیادی ڈھانچے کی بہتری پر امداد دینے کی یقین دہانی کرائی۔

یہ بات انہو ں نے ساتویں نیشنل ایگزیکیٹو کمیٹی کے اجلاس کے دوران کہی۔ اسحاق ڈار کا کہنا تھا کہ قانون نافذ کرنے والے اداروں اور ان سے وابستہ اہلکاروں کی کارکردگی کو بہتر بنایا جائے تاکہ دہشت گرد سرگرمیوں کے لیے رقم کی فراہمی کو موثر طریقے سے روکا جاسکے۔ انہوں نے ہدایت کی کہ جنرل کمیٹی اس کام کے لیے منصوبے بنائے اور طے شدہ منصوبوں کے مطابق نفاذ کرے۔

وزیرخزانہ نے کہا کہ بین الاقوامی اور غیرسرکاری تنظیموں کی رجسٹریشن کا آنے والا نیا قانون غلط عناصر تک رقوم کی ترسیل کو روکنے میں مدد گار ثابت ہوگا۔ اجلاس کو بتایا گیا کہ پاکستان کی اینٹی منی لانڈرنگ اور کاوٴنٹر ٹیررسٹ فنانسنگ میں مسلسل بین الاقوامی طریقہ کار کو سامنے رکھتے ہوئے بہتری لائی جارہی ہے۔
   

وفاقی وزیر خزانہ اسحاق ڈار مختلف وزارتوں اور سیکرٹریز پر برہم ہوگئے، ان کا کہنا تھا کہ وزارتوں کے بارے میں خبریں چلنے پر انھیں وضاحت دینا پڑتی ہے۔

اقتصادی رابطہ کمیٹی کے اجلاس کی صدارت کے دوران وزیر خزانہ اسحاق ڈار نے کہا کہ وزارتوں کے حوالے سے خبریں چلتی ہیں تو انھیں وضاحت کرنا پڑتی ہے، اس بارے میں متعلقہ وزارتیں چوبیس گھنٹے کے اندر ہر سوال کا جواب دیں۔

وزیر خزانہ کا کہنا تھا کہ سیکرٹریز اجلاس میں غلط سمریاں لے کر آتے ہیں اور باہر جا کر سیاست کرتے ہیں، انہوں نے بتایا کہ ستمبر دوہزار سولہ کے بعد پاکستان آئی ایم ایف کی شرائط کا پابند نہیں ہوگا۔

وزیر خزانہ نے یوریا کی قیمتوں میں فی بیگ ایک سو پچاس روپے اضافے کو بلاجواز قرار دیتے ہوئے کھاد کی کمپنیوں کا اجلاس طلب کرلیا ہے، اسحاق ڈار نے وزارت پیٹرولیم کو عالمی مارکیٹ میں قیمتوں کا موازنہ پیش کرنے کی ہدایت کی ہے۔

اقتصادی رابطہ کمیٹی نے لکی سیمنٹ کو چار کروڑ ڈالر واپس جمع کرنے کی ہدایت کی ہے، جو اس نے کونگو میں سیمنٹ پلانٹ لگانے کیلئے لی تھی، اجلاس میں پٹ کوک بھارت سے واہگہ کے ذریعے درآمد کرنے کی منظوری بھی دی گئی۔
   

وفاقی وزیر خزانہ اسحاق ڈار نے ملک کی تباہ حال معاشی صورتحال کا سبب دو ہزار سات کی عالمی کساد با زاری کو قرار دیا۔

سابقہ حکومت میں خراب معاشی حالت کی وجہ عالمی بحران تھا، اسحاق ڈار ایک ایسی سیاسی جماعت سے تعلق رکھتے ہیں، جو پیپلزپارٹی کے دور حکومت میں معاشی حالات کی تمام تر خرابی کا ذمہ دار اس کی ناقص پالیسیوں کو قرار دیتے رہے، لیکن آج اسحاق ڈار نے صا ف نہ سہی ڈھکے چھپے الفاظ میں سچ کسی حد تک اگل ہی دیا۔

اسحا ق ڈار کا یہ بھی کہنا تھا کہ دو ہزار سات کے معاشی بحران سے نمٹنے کیلئے دنیا کو پانچ سال لگے، انہوں کے یہ راز بھی افشا کیا کہ کسی ملک کی معاشی تباہی ایک دن میں نہیں آتی اس میں برسوں لگتے ہیں، سیاست کے داو پیچ، الزامات، جوابی الزامات اپنی جگہ لیکن اسحاق ڈار کے اس اعتراف نے یہ با ت ضرور ثابت کردی کہ قوم کو ماضی میں سچ نہیں بتایا گیا۔