Tag: اسد عمر

اسلام آباد: وفاقی وزیر منصوبہ بندی و ترقی نے کہا ہے کہ مویشی منڈیوں میں ایس او پیز پر عملدرآمد نہیں ہو رہا۔

تفصیلات کے مطابق وفاقی وزیر منصوبہ بندی و ترقی اسد عمر کی زیر صدارت نیشنل کمانڈ اینڈ آپریشن سینٹر میں اجلاس ہوا جس میں وزیر داخلہ اعجاز احمد شاہ، وفاقی وزیر مذہبی امور نور الحق قادری سمیت دیگر حکام نے شرکت کی۔

اجلاس سے خطاب کے دوران اسد عمر کا کہنا تھا کہ مویشی منڈیوں کے حوالے سے وزارت صحت کی ایس او پیز پر مکمل عمل درآمد نہیں ہو رہا۔ان کا کہنا تھا کہ اگر حفاظتی تدابیر کو نظر انداز کیا گیا تو مستقبل میں یہ کرونا وائرس کے سنگین پھیلاؤ کا سبب بن سکتا ہے۔

وفاقی وزیر کا کہنا تھا کہ صوبے، متعلقہ ادارے کرونا ایس اوپیز پر سختی سے عمل یقینی بنائیں، صوبے کرونا کا پھیلاؤ روکنے کے لیے مؤثر حکمت عملی وضع کریں۔

پاکستان میں کرونا کی تشخیص کے لیے 16 لاکھ ٹیسٹ، 2 لاکھ 53 ہزار مثبت

واضح رہے کہ پاکستان میں کرونا وائرس انفیکشن سے متاثرہ افراد کی تعداد بڑھ کر 2 لاکھ 53 ہزار 604 ہو گئی ہے، کیسز کی تعداد کے لحاظ سے 213 ممالک میں پاکستان دنیا کا 12 واں ملک ہے۔

ملک کے مختلف شہروں میں اس وقت کرونا کے زیر علاج مریضوں کی تعداد 77 ہزار 628 ہے، اب تک 170,656 مریض وائرس سے لاحق ہونے والی بیماری سے صحت یاب ہو چکے ہیں، جبکہ 2,151 مریضوں کی حالت تشویش ناک ہے۔

کراچی: شہر قائد کے عوام نے نیشنل کمانڈ اینڈ آپریشن سینٹر (این سی او سی) کے مویشی منڈیوں سے متعلق اوقات کار کو مسترد کردیا۔

اے آر وائی نیوز کی رپورٹ کے مطابق کراچی کے عوام نے این سی او سی کے مویشی منڈیوں سے متعلق اوقات کار کو مسترد کردیا، این سی او سی کی جانب سے عید الاضحیٰ کے لیے ملک بھر میں لگائی جانے والی مویشی منڈیوں کے اوقات صبح 6 سے شام 7 بجے تک رکھے گئے ہیں۔

شہریوں نے شکوہ کیا ہے کہ دفتری اوقات میں مویشی منڈی جاکر قربانی کا جانور کیسے خریدیں گے، نئے اوقات کے مطابق منڈی کیسے جائیں ہمارے دفتری اوقات ہی شام تک ہے۔

شہریوں کا کہنا ہے کہ صبح 6 سے شام 7 بجے تک مویشی خریدنے کی اجازت سمجھ سے بالاتر ہے، حکومت نے خریداروں کے لیے کم وقت مقرر کیا تو رش زیادہ بڑھ جائے گا۔

مزید پڑھیں: ملک بھر میں مویشی منڈیوں کے اوقات کار کیا ہوں گے؟ اسد عمر نے بتا دیا

واضح رہے کہ وفاقی وزیر اسد عمر نے این سی او سی اجلاس سے خطاب کرتے ہوئے کہا تھا کہ کورونا کا پھیلاؤ روکنے کیلئے مویشی منڈیوں کا درست انتظام ضروری ہے، ملک بھرمیں مویشی منڈیاں شہروں سے باہر قائم کی جائیں گی، شہروں کے اندر کسی کو مویشی منڈی قائم کرنے کی اجازت نہیں۔

اسد عمر کا کہنا تھا کہ انتظامیہ مویشی منڈیوں سےمتعلق گائیڈ لائنز پرعملدرآمد یقینی بنائے، ملک بھر میں منڈیوں کے اوقات صبح 6 سےشام 7 تک ہوں گے اور منڈیوں میں داخلے سےقبل ماسک پہننا لازم ہو گا۔

وفاقی وزیر کا کہنا تھا کہ مویشی منڈیوں کا ایس اوپیزکے تحت اہتمام بہت ضروری ہے، دیہی ایریا سے شہر میں جانور فروخت کرنے کے لئے لوگ آتے ہیں، مویشی منڈیوں سے متعلق ہیلتھ پروٹوکول، گائیڈلائنز سب سے شیئر ہوں گی۔