Tag: اسد عمر

اسلام آباد: وفاقی وزیربرائے منصوبہ بندی اسد عمر کا کہنا ہے کہ 9 مئی کے بعد حکمت عملی کا حتمی فیصلہ این سی سی کرےگی۔

تفصیلات کے مطابق وفاقی وزیر اسد عمر نے کہا کہ مارچ کے وسط سے روزانہ ایک یا 2 اموات ہوتی تھیں،آہستہ آہستہ اموات کی تعداد یومیہ 4 سے5 تک ہوئیں۔

اسد عمر کا کہنا تھا کہ وقت کے ساتھ کرونا سے اموات کی تعداد بڑھتی رہیں،پچھلے 6 روز میں روزانہ 24 اموات ہو رہی ہیں، ہر 10 لاکھ آبادی میں اسپین میں سب سے زیادہ 414اموات ہوئیں،10لاکھ کی آبادی میں اٹلی میں 305، فرانس میں 256،امریکا میں 116اموات ہوئیں، پاکستان میں 10لاکھ کی آبادی پر 2 اموات ہوئیں۔

وفاقی وزیربرائے منصوبہ بندی نے کہا کہ 9 مئی کے بعد حکمت عملی کا حتمی فیصلہ این سی سی کرےگی، این سی سی میں تمام صوبوں کی مشاورت کے ساتھ فیصلے کریں گے۔

انہوں نے کہا کہ کروناصورتحال کی وجہ سے 7کروڑ لوگ غربت کی لکیر سے نیچے چلے جائیں گے،کرونا صورت حال کے باعث ایک کروڑ 80 لاکھ لوگ بےروزگار ہوسکتے ہیں۔

اسد عمر کا کہنا تھا کہ معاشی بندشوں کے باعث غربت میں مزید اضافے کا خدشہ ہے،کرونا لاک ڈاؤن میں اوسطاً ہر چار میں سے ایک پاکستانی کو خوراک کی کمی کا سامنا ہے۔

وفاقی وزیر نے مزید کہا کہ گزشتہ روز کرونا ٹیسٹنگ کی تعداد 9000 کے قریب پہنچ چکی ہے،ہمیں کرونا ٹیسٹنگ کی استعداد کو مزید بڑھانا ہوگا،ہم نے اب تک ٹیسٹنگ کی استعداد کو 19فیصد تک بڑھایا ہے۔

اسلام آباد: وفاقی وزیر منصوبہ بندی اسد عمر کا کہنا ہے کہ اسمارٹ لاک ڈاؤن پر تمام وزرائے اعلیٰ سے مشاورت ہوچکی ہے، آئندہ چند دنوں میں اسمارٹ لاک ڈاؤن پر عملدرآمد شروع ہوجائے گا۔

تفصیلات کے مطابق وفاقی وزیر منصوبہ بندی اسد عمر نے میڈیا سے گفتگو کرتے ہوئے کہا کہ پوری قوم متحد ہوکر کرونا وائرس کا مقابلہ کررہی ہے، پاکستان میں معاملات اکثر ممالک سے بہتر ہیں، آئندہ 5 سے 7 روز میں اسمارٹ لاک ڈاؤن کا مضبوط نظام لائیں گے۔

اسد عمر نے کہا کہ آئندہ چند دنوں میں بندشوں کو مزید کم کرنا چاہتے ہیں، عوام کی صحت کے لیے مضبوط نظام لانا چاہتے ہیں۔

انہوں نے کہا کہ بھارت میں عجیب و غریب بیانیہ شروع ہوچکا ہے، بھارت میں مسلمانوں کو کرونا کی آڑ میں نشانہ بنایا جارہا ہے، بھارت میں کرونا پھیلنے کے الزامات بھی پاکستان پر لگائے جارہے ہیں، بھارتی حکومت پہلے ملک سے کرونا کا خاتمہ کرے پھر بات کرے۔

مزید پڑھیں: کرونا سے بچنا ہے اور روزگار کو بھی بچانا ہے،اسد عمر

واضح رہے کہ دو روز قبل اسد عمر کا کہنا تھا کہ پاکستان میں اپریل میں 25 ہزار کیسز ہونے کا خدشہ تھا،15مارچ کو پاکستان میں 473 کیسز تھے، کرونا وائرس کے باعث لوگوں کے کاروبار پر اثر پڑا، بیماری سے بچنا ہے اور روزگار کو بھی بچانا ہے۔

ان کا کہنا تھا کہ احتیاطی تدابیر اپنانی ہوں گی،صحت سہولیات میں اضافہ کیا جا رہا ہے،صحت سہولیات میں اتنا اضافہ کرنےمیں کامیاب نہیں ہوئےجتنی کوشش تھی، پہلے ایسی کبھی ایمرجنسی نہیں ہوئی،مربوط طریقے سے فیصلے کیے جا رہے ہیں۔

اسلام آباد: وفاقی وزیر منصوبہ بندی اسد عمر کا کہنا ہے کہ کرونا وائرس کے باعث لوگوں کے کاروبار پر اثر پڑا،بیماری سے بچنا ہے اور روزگار کو بھی بچانا ہے۔

تفصیلات کے مطابق اسلام آباد میں میڈیا بریفنگ کے دوران وفاقی وزیر اسد عمر نے کہا کہ اللہ کا شکر ہے اندازے کے مطابق ملک میں کرونا سے اموات بہت کم ہوئیں۔

اسد عمر کا کہنا تھا کہ پاکستان میں اپریل میں 25 ہزار کیسز ہونے کا خدشہ تھا،15مارچ کو پاکستان میں 473 کیس تھے۔انہوں نے کہا کہ کرونا وائرس کے باعث لوگوں کے کاروبار پر اثر پڑا،بیماری سے بچنا ہے اور روزگار کو بھی بچانا ہے۔

وفاقی وزیر منصوبہ بندی نے کہا کہ احتیاطی تدابیر اپنانی ہوں گی،صحت سہولیات میں اضافہ کیا جا رہا ہے،صحت سہولیات میں اتنا اضافہ کرنےمیں کامیاب نہیں ہوئےجتنی کوشش تھی۔ انہوں نے مزید کہا کہ پہلے ایسی کبھی ایمرجنسی نہیں ہوئی،مربوط طریقے سے فیصلے کیے جا رہے ہیں۔

اسد عمر کا کہنا تھا کہ وزیراعظم نے9 بار میٹنگ کی،4 سیاسی جماعتوں کے رہنما موجود ہوتے ہیں،ایس ای سی پی میٹنگ میں ایک وزیراعلیٰ نے کہا ہم اس نتیجے پر پہنچ چکے ہیں،اس صورتحال میں کسی کی سیاست کا فائدہ نہیں،قوم ہمیں متحد دیکھنا چاہتی ہے۔

اسلام آباد: وفاقی وزیر منصوبہ بندی اسد عمر کا کہنا ہے کہ 15 اپریل کے بعد کیا کرنا ہے کل اجلاس میں فیصلہ کر لیا جائےگا۔

تفصیلات کے مطابق وفاقی وزیر منصوبہ بندی اسد عمر نے نیوز کانفرنس کے دوران کہا کہ کل صبح نیشنل کمانڈ سینٹر کی ایک اور اہم میٹنگ ہوگی،کل اجلاس میں وزرائے اعلیٰ بھی شرکت کریں گے۔

اسد عمر کا کہنا تھا کہ اجلاس میں آج پیش ہونے والی تجاویز کا جائزہ لیا جائے گا،کل صبح جو سفارشات طےہوں گی اس پر دوپہر میں دوبارہ اجلاس ہوگا،اجلاس اس لیے کیے جا رہے ہیں تاکہ مشاورت کا بھی مکمل موقع فراہم کیا جاسکے۔

وفاقی وزیر نے کہا کہ فیصلے ملکی صورت حال، معیشت، کرونا وبا کو دیکھتے ہوئے کیے جائیں گے، چاہتے ہیں مشترکہ طور پر فیصلے کرسکیں،کل نیشنل کمانڈ سینٹر کے اجلاس کے بعد فیصلوں سے متعلق آگاہ کیا جائےگا۔

انہوں نے کہا کہ 15 اپریل کے بعد کیا کرنا ہے کل اجلاس میں طے کیا جائے گا، موجودہ صورتحال صرف حکومت نہیں پوری قوم کے لیے کڑا امتحان ہے،پوری قوم نے ذمہ داری کا مظاہرہ کیا جس کے مثبت نتائج آ رہے ہیں۔

اسد عمر کا کہنا تھا کہ کرونا ٹیسٹنگ کی صلاحیت بڑھانے کی بھرپور کوشش کر رہے ہیں،20 سے 25 ہزار ٹیسٹ اپریل کے آخرتک بڑھانے کی کوشش کر رہے ہیں،کوشش کر رہے ہیں اپریل کے آخر تک 20 سے 25 ہزار روزانہ ٹیسٹ کرسکیں۔

اسلام آباد: وفاقی وزیر منصوبہ بندی اسد عمر نے اسلام آباد میں موبائل یوٹیلیٹی اسٹور سروس کا افتتاح کر دیا۔

تفصیلات کے مطابق وفاقی وزیر اسد عمر اسلام آباد میں موبائل یوٹیلیٹی اسٹورسروس کا افتتاح کر دیا، ابتدائی طور پر اسلام آباد کے دیہی علاقوں میں موبائل اسٹورز سے اشیاء فراہم کی جائیں گی۔

اسد عمر کا کہنا تھا کہ اسلام آباد کے ديہی علاقوں کے لیے 8 موبائل اسٹورز مختص کیےگئے ہیں، 2 ہفتے تک ان موبائل یوٹیلیٹی اسٹورز کا دائرہ ملک بھر میں پھیلایا جائے گا۔

وفاقی وزیر نے کہا کہ اقدام کےتحت اشیائے ضروریہ سستے داموں فراہم کی جائیں گی،آٹا،چینی،دالیں اورگھی سستے نرخوں پرگلی گلی فراہم کیا جائےگا،حکومت اشیائےضروریہ کی فراہمی متاثرنہیں ہونے دےگی۔

انہوں نے کہا کہ عوام کی سہولت کے لیے50 ارب روپے کا پیکج منظور کیاگیا،لوگوں کےگھروں تک راشن وزیر اعظم کی ہدایت پر پہنچائیں گے۔

دوسری جانب ایم ڈی یوٹیلیٹی اسٹورز کا کہنا تھا کہ پورے ملک میں 4 ہزار یوٹیلٹی اسٹورز ہیں،یوٹیلیٹی اسٹورز کی عوام تک رسائی کو بڑھانے کے لیے اقدام کیاگیا۔

یاد رہے کہ دو روز قبل میڈیا سے گفتگو کرتے ہوئے وزیراعظم عمران خان کا کہنا تھا کہ ہم نے ابتدائی طور پر لاک ڈاؤن 3 ہفتوں کا پلان کیا تھا،ابھی اس بارے میں حتمی فیصلہ نہیں کر سکتے لیکن ہمیں اس بات کو دھیان میں رکھنا ہوگا کہ کرونا وائرس 2 سے 3 ہفتوں میں ختم نہیں ہوسکتا، اس کے لیے ہمیں وقت چاہیے ہوگا۔