Tag: اسد عمر

اسلام آباد: وفاقی وزیر منصوبہ بندی اسد عمر کا کہنا ہے کہ ملک بھر کے400 سے زائد اسپتالوں کو براہ راست طبی سامان دیا جائےگا۔

تفصیلات کے مطابق وفاقی دارالحکومت اسلام آباد میں وفاقی وزیر اسد عمر نے نیوز کانفرنس کے دوران کہا کہ ڈاکٹرز اور پیرامیڈیکل اسٹاف کےتحفظ کے لیے اقدامات کر رہے ہیں۔

انہوں نے کہا کہ ڈاکٹرز اور پیرامیڈیکل اسٹاف کا تحفظ اولین ترجیح ہے، اسپتالوں کو سہولتوں کی فراہمی کے لیے ہرممکن اقدامات کر رہے ہیں،ملک بھر کے 400 سے زائد اسپتالوں کو جمعرات سے براہ راست طبی سامان فراہم کیا جائےگا۔

اسد عمر کا کہنا تھا کہ وینٹی لیٹرز سے آراستہ 153اسپتالوں کو طبی سامان فراہم کیاجائے گا، وفاق کی جانب سےصوبوں کو 39 ہزار 500 کٹس فراہم کی جا چکی ہیں،اپریل کے آخر تک 25 ہزار ٹیسٹ روزانہ کی بنیاد پر استعداد رکھیں گے۔

انہوں نے بتایا کہ گزشتہ3 روز میں3 ہزار سے زائد کرونا ٹیسٹ کیےگئے، ملک بھر کے اسپتالوں نے 22 ہزار ٹیسٹنگ کٹس کامطالبہ کیا تھا،
ٹیسٹنگ کی صلاحیت میں مزید اضافےکی کوشش کر رہے ہیں۔

وفاقی وزیر منصوبہ بندی کا کہنا تھا کہ 9 اپریل سے احساس پروگرام کے تحت امداد کی فراہمی شروع ہو جائےگی، پہلےمرحلے میں 16 لاکھ خاندانوں کو 12 ہزار روپے فراہم کیے جائیں گے، وفاقی حکومت ملک کے ہر حصے میں بلا امتیاز نقد امداد فراہم کرےگی۔

اسد عمر کا کہنا تھا کہ وفاق کسی صوبائی حکومت کو امداد فراہم نہیں کرےگی، وفاق ہر صوبےمیں ہر اکائی کی مدد کر رہی ہے،امدادی رقم کسی صوبائی حکومت کے پاس نہیں جائےگی۔

انہوں نے کہا کہ اندازہ ہے ملک کے معاشی طبقے پر بھی بوجھ پڑ رہا ہے،کاروباری اداروں کو بھی مراعات دی جا رہی ہے،اپناخیال رکھیں کرونا سے کوئی بھی مکمل طور پرمحفوظ نہیں ہے۔

وفاقی وزیر کا مزید کہنا تھا کہ برطانوی وزیراعظم کروناوائرس کے باعث آئی سی یو میں ہیں، برطانیہ میں دنیا کا بہترین ہیلتھ سسٹم ہے پھر بھی وہاں وبا پھیل رہی ہے۔

اسلام آباد: وفاقی وزیر منصوبہ بندی اسد عمر کا کہنا ہے کہ شہروں کی بندش کے باعث کرونا کے پھیلاؤ میں کمی آئی ہے۔

تفصیلات کے مطابق وفاقی وزیر منصوبہ بندی اسد عمر نے اسلام آباد میں پریس کانفرنس کے دوران کہا کہ خوشی کی بات ہے پاکستانی قوم نظم وضبط کا مظاہرہ کر رہی ہے، کرونا کے پھیلاؤ کو روکنے کے لیے ہمیں کامیابیاں مل رہی ہیں۔

وفاقی وزیر کا کہنا تھا کہ ایسا نہیں کہ کرونا وائرس پھیلا نہیں لیکن اس کی رفتار کم ہے، شہروں کی بندش کے باعث کرونا کے پھیلاؤ میں کمی آئی ہے،حفاظتی اقدامات،سماجی میل جول سے فاصلے سے کرونا کو روکا جاسکتا ہے۔

اسد عمر نے کہا کہ پاکستان کی دنیا کے مقابلے میں کرونا ٹیسٹنگ کی استعداد کم تھی، پاکستان میں اب کرونا ٹیسٹنگ کی استعداد بڑھا دی ہے،اسپتالوں کے نظام میں بھی اضافہ کیاگیا ہے۔

انہوں نے کہا کہ ڈاکٹرز اور پیرامیڈیکل اسٹاف کی بھی حفاظت کرنی ہے، ڈاکٹرز اور پیرا میڈیکل اسٹاف ہمارے ہیرو ہیں،کوشش ہےصحت کے معاملات ہمارے قابو سے باہر نہ جائیں۔

وفاقی وزیر کا کہنا تھا کہ پاکستان کےسماجی کارکن مشکل کی گھڑی میں بہت کام کر رہے ہیں، پاکستان کے سماجی کارکنوں کو خراج تحسین پیش کرتا ہوں۔

اسد عمر نے مزید کہا کہ 14 اپریل کے بعد بندش ہوگی یا نہیں،ابھی کچھ نہیں کہہ سکتا، 14اپریل کے بعد بندش سے متعلق فیصلہ اس ہفتے کر لیا جائےگا۔

اسلام آباد: وفاقی وزیر منصوبہ بندی اسد عمر کا کہنا ہے کہ کرونا وبا پر قابو کے ساتھ لوگوں کی معاشی ضرورتیں بھی پوری کرنی ہیں۔

تفصیلات کے مطابق اسلام آباد میں نیوز کانفرنس کے دوران وفاقی وزیر اسد عمر نے کہا کہ نیشنل کوآرڈی نیشن کمیٹی کی چھٹی میٹنگ کل ہونے جا رہی ہے۔انہوں نے بتایا کہ نیشنل کمانڈ سینٹر میں آج سے روزانہ کی بنیاد پر میٹنگ ہوگی۔

اسد عمر کا کہنا تھا کہ کرونا وائرس ایک عالمی مسئلہ ہے، اس جنگ میں پاکستان بھی حصہ لے چکا ہے،دنیا بھرمیں فیصلہ سازی میں توازن پیدا کرنےکی کوشش کی جا رہی ہے، عالمی سطح پر ایک کوشش ہے وائرس کو پھیلنے سے روکا جائے۔

وفاقی وزیر نے کہا کہ کرونا وبا پرقابو کے ساتھ لوگوں کی معاشی ضرورتیں بھی پوری کرنی ہیں، ہم نے یہ بھی دیکھناہے کہ بندش سخت کردیں گے تو لوگوں کو اشیاضروریہ نہیں ملےگی۔

انہوں نے کہا کہ لوگوں کو اشیائے ضروریہ نہیں ملےگی تو لاک ڈاؤن یا بندش کا فائدہ نہیں، اشیائے ضروریہ لوگوں کونہیں ملیں گی تو مجبوری میں گھروں سے باہر آئیں گے،بھارت کی مثال ہمارے سامنے ہے کہ وہاں لاک ڈاؤن کیاگیا اور لوگ باہر نکلے۔

اسد عمر کا کہنا تھا کہ یوٹیلٹی اسٹورز کارپوریشن کو 50 ارب روپے کے فنڈز دیے جا رہے ہیں، دور درازعلاقوں میں اشیائے ضروریہ کی فراہمی یقینی بنانی ہے،ایک کروڑ 20 لاکھ خاندانوں کو 12 ہزار روپے یکمشت دیے جائیں گے۔

انہوں نے کہا کہ کروناوائرس پر کنٹرول کے لیے ٹیسٹنگ استعداد کو بڑھانا ہے، پاکستان میں کرونا ٹیسٹنگ لیبارٹریز کی تعداد 32 تک پہنچ جائےگی، ٹیسٹنگ کی استعداد 15 اپریل تک 9 لاکھ تک لے جائیں گے۔

اسلام آباد: وفاقی وزیر منصوبہ بندی اسد عمر کا کہنا ہے کہ ملک بھر میں صحت،خوراک اور توانائی کی سہولیات متاثر نہیں ہونے دیں گے۔

تفصیلات کے مطابق وفاقی وزیر منصوبہ بندی اسد عمر کی زیرصدارت کرونا وائر پر اجلاس ہوا جس میں اسلام آباد میں صحت اور خوراک کے انتظامات کا جائزہ لیاگیا۔

اجلاس میں بریفنگ کے دوران بتایا گیا کہ اسلام آباد میں روزانہ 1000خاندانوں کو راشن فراہم کیا جا رہا ہے۔ اجلاس میں فیصلہ کیا گیا کہ اسلام آباد میں3 روزہ کرونا آگاہی مہم چلائی جائے گی۔

وفاقی وزیر کا کہنا تھا کہ عوام میں سماجی فاصلہ یقینی بنانے کے لیے آگاہی مہم چلائی جائےگی، اسلام آباد کے منتخب نمائندے، انتظامیہ، رضا کار مہم میں حصہ لیں گے، رضاکار ضلعی انتظامیہ کی قیادت میں کام کریں گے۔

اسد عمر کا کہنا تھا کہ منڈیوں اور خوراک کا نظام متاثر نہیں ہونے دیا جائے گا، ملک بھرمیں صحت،خوراک اور توانائی کی سہولیات متاثر نہیں ہونے دیں گے۔

انہوں نے کہا کہ اسلام آبادمیں یوٹیلیٹی اسٹورز کے ذریعےخوراک کی فراہمی یقینی بنائیں گے، ضروریات زندگی کی فراہمی کے لیے تمام ممکنہ اقدامات اٹھائیں گے۔ اجلاس میں اسد عمر کا کہنا تھا کہ عوام سینیٹائزر کی بجائےصابن سے ہاتھ دھوئیں۔

اسلام آباد: وفاقی وزیر منصوبہ بندی اسد عمر کا کہنا ہے کہ ادویات کی فراہمی، انڈسٹری کو بلاتعطل بجلی کی فراہمی کو یقینی بنایا جائے گا۔

تفصیلات کے مطابق وزارت منصوبہ بندی میں ویڈیو کانفرنس کے ذریعے کرونا سے متعلق اجلاس ہوا جس میں وفاقی وزرا، وزیر توانائی، خوراک، معاشی امور، اور صوبوں کے نمائندوں نے شرکت کی۔

اجلاس میں کرونا وبا کے پیشِ نظر ملکی معاشی صورتِ حال کا جائزہ لیاگیا۔ اجلاس میں جزوی لاک ڈاؤن کے پیش نظر ضروری اشیا کی فراہمی کو یقینی بنانے پر بھی زور دیا گیا۔

اس موقع پر وفاقی وزیر اسدعمر کا کہنا تھا کہ عوام کو کھانے پینے کی اشیا کی فراہمی کو یقینی بنایا جائےگا،ادویات کی فراہمی، انڈسٹری کو بلاتعطل بجلی فراہمی کو یقینی بنایا جائے گا۔

انہوں نے کہا کہ ضروری صنعتوں کے مزدوروں کے لیے احتیاطی تدابیر تشکیل دی جائیں گی،انڈسٹری ایسوسی ایشنز کے تعاون سے ان ہدایات کو لاگو کیا جائے گا۔

اجلاف میں فیصلہ کیا گیا کہ صنعتوں کو درپیش مشکلات سے نمٹنے کے لیے وزارت صنعت اقدامات کرے گی اور سفارشات صوبوں سے مشاورت کے بعد قومی رابطہ کمیٹی میں پیش کی جائیں گی۔

واضح رہے کہ پاکستان میں بھی کورونا وائرس کی وبا تیزی سے پھیل رہی ہے اور متاثر افراد کی تعداد 1415 تک جا پہنچی ہے ، سب سے زیادہ کیسز صوبہ سندھ میں رپورٹ ہوئے جبکہ وائرس سے اب تک 12 افراد جاں بحق اور 29 مریض صحت یاب ہوچکے ہیں۔

اسلام آباد: صدر پاکستان ڈاکٹر عارف علوی 2 روزہ دورے پر چین روانہ ہو گئے، ڈاکٹر عارف علوی چینی ہم منصب کی دعوت پر چین کا دورہ کر رہے ہیں، دورے کا مقصد چینی حکومت اور عوام کے ساتھ اظہار یک جہتی کرنا ہے۔

دریں اثنا، وفاقی وزیر منصوبہ بندی و ترقیاتی امور اسد عمر نے کہا ہے کہ پاکستان اور چین کے درمیان کل بیجنگ میں مزید معاہدے ہوں گے، انھوں نے آج اپنے ٹویٹر اکاؤنٹ کے ذریعے خبر دی کہ کل بیجنگ میں مزید پاک چین معاہدے ہوں گے، اور نئے معاہدوں کے تحت 2 نئے ورکنگ گروپس تشکیل دیے جائیں گے۔

MOU’s being signed tomorrow in Beijing for establishment of 2 new joint working groups under CPEC, for agriculture and science & technology. This is part of the broadening of CPEC from the first phase which was mainly infrastructure to a much broader economic partnership

— Asad Umar (@Asad_Umar) March 16, 2020

اسد عمر نے لکھا کہ ورکنگ گروپس سی پیک، زراعت اور سائنس و ٹیکنالوجی سے متعلق ہوں گے، معاہدوں سے سی پیک معاہدہ انفرا اسٹرکچر سے اقتصادی شراکت داری میں تبدیل ہوگا، سی پیک کا نیا مرحلہ باہمی تعاون اور شراکت کو مزید وسعت دے گا، نئے معاہدوں سے ترقیاتی منصوبوں کی رفتار مزید تیز ہوگی۔

چین سے 2 بلک کارگو بحری جہاز کل کراچی پہنچیں گے، سخت حفاظتی اقدامات

ان کا کہنا تھا کہ پاکستان اور چین اس بات پر یقین رکھتے ہیں کہ پاک چین اقتصادی راہداری منصوبہ توسیع کے ایک نئے مرحلے میں داخل ہو گیا ہے، اور اب تعاون کے شعبہ جات بھی بڑھ رہے ہیں اور شراکت داری کے منصوبے بھی بڑھتے جا رہے ہیں۔

اسلام آباد: وفاقی وزیر برائے منصوبہ بندی و ترقی اسد عمر نے کہا ہے کہ عالمی مارکیٹ میں تیل کی قیمتیں کم رہیں تو پاکستان میں اپریل میں قیمتیں کم ہوں گی۔

اے آر وائی نیوز کے پروگرام پاور پلے میں گفتگو کرتے ہوئے اسد عمر نے کہا کہ عالمی مارکیٹ میں تیل کی قیمتوں کوکچھ دن ہوئےہیں اگر قیمتیں مسلسل پورےماہ کم رہیں تواپریل میں پاکستان میں قیمتیں کم ہوں گی۔

انہوں نے کہا کہ پٹرولیم مصنوعات مارچ میں کم قیمت پر آتی ہیں جس کے بعد اپریل میں قیمتیں کم ہو جاتی ہیں، اب عالمی مارکیٹ میں قیمتیں کم رہیں تو پاکستان میں اپریل میں قیمتیں کم ہوں گی۔

یہ بھی پڑھیں: تیل کی عالمی قیمتوں میں کمی کا فائدہ پاکستان کو پہنچنے کا امکان

ان کا کہنا تھا کہ کورونا وائرس کی وجہ سےدنیا کی معیشت کو دھچکا لگا ہے اور خدشہ ہے ہماری برآمدات پر بھی اس کا اثر پڑے گا۔

اسد عمر نے کہا کہ کورونا وائرس سے بچاؤ کیلئے ہرممکن اقدامات کیےجائیں گے، وائرس سےبچاؤ کیلئے اقدامات کرنا بہت ضروری ہیں، وزیراعظم جمعہ کو کورونا سے متعلق اہم فیصلے کرنے جا رہے اور اس حوالے سے قومی سلامتی کمیٹی میں بھی اہم فیصلےکیےجائیں گے۔