Tag: اسد عمر

اسلام آباد : آفیشل سیکرٹ ایکٹ کےتحت قائم خصوصی عدالت نے سائفر کیس میں پی ٹی آئی رہنما اسد عمر کی ضمانت منظور کرلی اور 50 ہزار روپے مچلکے جمع کرانے کا حکم دے دیا۔

تفصیلات کے مطابق نیشل سیکرٹ ایکٹ کے تحت قائم خصوصی عدالت میں سائفر کیس میں اسد عمر کی عبوری ضمانت کی درخواست پرسماعت ہوئی۔

اسپیشل پراسیکیوٹرشاہ خاور عدالت میں پیش ہوئے اور بتایا کہ ابھی تک اسد عمر کےخلاف کوئی ثبوت نہیں ،فی الحال اسد عمر کی گرفتاری کی ضرورت نہیں ، جس پر جج ابو الحسنات ذوالقرنین نے کہا کہ میں پھر بھی بحث سنوں گا۔

ایف آئی اے پراسیکیوٹر نےاسد عمر کی گرفتاری کی ضرورت نہیں کا بیان دیتے ہوئے کہا ابھی اسد عمر کیخلاف کوئی ناقابل تردید شواہد نہیں۔

ایف آئی اے پراسیکیوٹر نے آفیشل سیکرٹ ایکٹ عدالت کو آگاہ کرتے ہوئے کہا کہ میرابیان آپ لکھ لیں اور پھر آرڈر لکھوادیں ، جس پر بابر اعوان نے شاہ خاور سے مکالمے میں کہا کہ عدالت کو اپنا کام کرنے دیں آپ بحث نہ کریں۔

آفیشل سیکرٹ ایکٹ کی خصوصی عدالت نےایف آئی اے پراسیکیوٹرکےبیان کی روشنی میں اسد عمر کی ضمانت منظور کرلی، اسدعمر کی ضمانت 50 ہزار روپے مچلکوں کے عوض کنفرم کردی گئی۔

جج ابوالحسنات ذوالقرنین نے کہا کہ ایف آئی اے کےمطابق اسدعمرکی گرفتاری مطلوب نہیں کیونکہ ان کیخلاف ثبوت نہیں، اسد عمر نے شامل تفتیش ہونےکااظہارکیالیکن پراسیکیوشن نےشامل تفتیش نہیں کیا، اگراسدعمرکی گرفتاری مطلوب ہوئی توایف آئی اے پہلے اسدعمر کو آگاہ کرےگی۔

جج نے فیصلے میں کہا کہ مجھےکوئی پریشانی نہیں، نہ کمپرومائز کروں گا، جس کا جو حق ہے میں اسے دوں گا۔

اسلام آباد : سائفر کیس میں آفیشل سیکرٹ ایکٹ عدالت اسلام آباد نے پی ٹی آئی رہنما اسد عمر کی عبوری ضمانت منظور کرتے ہوئے ایف آئی اے کو اسد عمر کی گرفتاری سے روک دیا۔

تفصیلات کے مطابق آفیشل سیکرٹ ایکٹ عدالت میں تحریک انصاف کے رہنما اسد عمر نے سائفرکیس میں درخواست ضمانت از گرفتاری دائر کردی۔

وکلا بابر اعوان اور سردار مصروف کے ذریعے درخواست ضمانت دائر کی گئی، ضمانت قبل از گرفتاری کی درخواست پر آفیشل سیکرٹ ایکٹ عدالت کے جج ابوالحسنات ذوالقرنین نے سماعت کی۔

درخواست میں موقف اختیار کیا گیا کہ اسدعمر کے خلاف سائفرکیس سیاسی بنیادوں پر بنایاگیا،سائفرکیس اسدعمر کے خلاف بےبنیاد ہے، مقدمے میں دفعات غلط ہیں، اسدعمر شامل تفتیش ہونے کو تیار ہیں، درخواست ضمانت منظور کی جائے۔

آفیشل سیکرٹ ایکٹ عدالت نے اسدعمر کی 29 اگست تک عبوری ضمانت منظور کرلی اور ایف آئی اے کو اسد عمر کی گرفتاری سے روک دیا۔

عدالت نے اسد عمر کو ایک لاکھ روپے کے ضمانتی مچلکے جمع کرانے کی ہدایت کردی۔

اسلام آباد : تحریک انصاف کے رہنما اسد عمر نے سائفرکیس میں گرفتاری کی تردید کرتے ہوئے کہا خبریں درست نہیں، 2بار شامل تفتیش ہوچکا ہوں۔

تفصیلات کے مطابق تحریک انصاف کے رہنما اسد عمر اپنے وکیل بابر اعوان کے ہمراہ سنگجانی کےمقدمے میں انسداددہشت گردی عدالت میں پیش ہوئے۔

تھانہ سنگجانی میں درج مقدمے میں عدالت نے بارہ اکتوبر تک ضمانت میں توسیع کردی۔

عدالت کے باہر میڈیا سے گفتگو کرتے ہوئے کہا کہ سائفر کیس میں میری گرفتاری کی خبریں درست نہیں، سائفر کیس میں 2بار شامل تفتیش ہوچکا اور ضمانت قبل ازگرفتاری دائر کردی ہے۔

اسد عمر کا کہنا تھا کہ جج نے اٹک جیل کادورہ کیا اور سنجیدہ الزامات پرمبنی رپورٹ تیارکی گئی۔

یاد رہے دو روز قبل یہ خبر آئی تھی کہ پاکستان تحریک انصاف کے رہنما اور سابق وفاقی وزیر اسد عمر کو سائفر کیس مین اسلام آباد سے گرفتار کرلیا گیا تھا۔

اسلام آباد : پی ٹی آئی رہنما اسد عمر نے صحافی کے سوال پر جہانگیرترین سے رابطے کی تردید کرتے ہوئے کہا فواد چودھری رابطے میں ہیں۔

تفصیلات کے مطابق انسدادِ دہشت گردی عدالت پیشی پر رہنما پی ٹی آئی اسد عمر پر صحافیوں کے سوالات کی بوچھاڑ کردی۔

صحافیوں نے سوال کیا جہانگیر ترین نے آپ سے کوئی رابطہ کیا؟ جس پر اسد عمر نے جواب دیا کہ جہانگیر ترین نے کوئی رابطہ نہیں کیا لیکن فواد چودھری رابطے میں ہیں۔

صحافی نے سوال کیا کہ کوئی دباؤہے؟ تو رہنما پی ٹی آئی کا کہنا تھا کہ یہی دباؤ ہے کہ ہر روز کسی نہ کسی عدالت میں پیش ہورہا ہوں۔

صحافی نے اسد عمر سے سوال کیا فیصل واوڈا کس کے لیے کام کررہےہیں؟ تو ان کا کہنا تھا کہ فیصل سے پوچھیں وہی بتائے گا۔

اسلام آباد : تحریک انصاف کے رہنما اسد عمر نے عمران خان سے ملنے کے سوال پر جواب دیا کہ پہلے اپنے کیس تو بھگت لوں، فی الحال انسداد دہشت گردی کی عدالت جا رہا ہوں۔

تفصیلات کے مطابق تحریک انصاف کے رہنما اسد عمر پیشی کے لئے انسداد دہشت گردی کی عدالت پہنچے ، اس موقع پر صحافیوں نے سوالات کی بوچھاڑ کردی۔

صحافیوں نے سوال کیا کہ کیا پی ٹی آئی کے عہدے چھوڑنے کا کوئی افسوس ہے، کیا خان صاحب سے ملنے جارہے ہیں، جس پر اسد عمر نے کہا کہ فی الحال انسداد دہشت گردی کی عدالت جا رہا ہوں، پہلے اپنے کیس تو بھگت لوں۔

صحافی نے پوچھا مشکل وقت میں خان کے ساتھ کیوں نہیں کھڑے تو اسد عمر کا کہنا تھا کہ آپ ہی فیصلہ کرلیں مجھ سے کیوں پوچھ رہے ہیں۔

صحافی نے سوال کیا پی ٹی آئی کا مستقبل کیا دیکھ رہے ہیں؟ لیکن اسدعمر یہ سوال بھی گول کرگئے اور کہا آپ بتائیں آپ صحافی ہیں۔

یاد رہے گذشتہ ہفتے پی ٹی آئی رہنما اسد عمر نے پی ٹی آئی کے عہدوں سے مستعفی ہونے کا اعلان کرتے ہوئے کہا کہ میں ان حالات میں پی ٹی آئی کے سیکریٹری جنرل اور قیادت کی ذمہ داری نہیں نبھا سکتا۔

اسد عمر کا کہنا تھا مجھ پر کوئی دباؤ نہیں تھا سیکریٹری جنرل کا عہدہ اور کور کمیٹی کی رکنیت چھوڑنے کا اعلان کیا ہے پارٹی چھوڑنے کی بات نہیں کی۔

اسلام آباد : تحریک انصاف کے رہنما اسد عمر نے اسلام آباد ہائیکورٹ میں راہداری ضمانت کیلئےدرخواست دائر کر دی۔

تفصیلات کے مطابق تحریک انصاف کے رہنما اسد عمر نے اسلام آباد ہائیکورٹ میں راہداری ضمانت کیلئےدرخواست دائر کر دی۔

درخواست میں مؤقف اختیار کیا کہ درخواست گزار تعلیم یافتہ اور با عزت شہری ہیں،الزامات بے بنیاد ہیں، اسد عمر کانام بلا وجہ سیاسی مفاد کے لیے ایف آئی آر میں شامل کیاگیا۔

دائر درخواست میں کہا گیا کہ اسد عمر متعلقہ عدالت پیش ہونا چاہتے ہیں ،آئینی طور پر ضمانت کے حقدار ہیں ،وہ ایف آئی آر میں درج کسی بھی معاملےمیں ملوث نہیں ہیں۔

درخواست میں استدعا کی گئی کہ عدالت دو ہفتوں کی راہداری ضمانت منظور کرے، اسد عمر کیخلاف لاہور تھانہ گلبرگ میں دہشتگردی کامقدمہ درج ہے۔

اسلام آباد ہائی کورٹ کے چیف جسٹس نے اسد عمر کی راہداری ضمانت کی درخواست پر بینچ تشکیل دے دیا اور اسد عمر کی درخواست ڈویژن بنچ 2 میں سماعت کے لئے مقرر کر دی۔