Tag: اسد عمر

کراچی : سندھ ہائی کورٹ نے پی ٹی آئی رہنما اسد عمر کی حفاظتی ضمانت منظور کرتے ہوئے 25 ہزار روپے کے مچلکے جمع کرانے کی ہدایت کردی۔

تفصیلات کے مطابق سندھ ہائیکورٹ میں پی ٹی آئی رہنما اسد عمر کی حفاظتی ضمانت کیلئے دائر درخواست پر سماعت ہوئی۔

عدالت نے7 روز کیلئے اسدعمر کی حفاظتی منظورکر لی اور 25 ہزار روپے کے مچلکے جمع کرانے کی ہدایت کردی۔

عدالت کی جانب سے اسد عمر کو متعلقہ عدالت میں پیش ہونے کی بھی ہدایت کی، میمونہ انور منصور نے بتایا کہ اسد عمر کیخلاف 6 مئی کو عدلیہ کے حق میں اسلام آباد میں ریلی نکالنے پر مقدمہ درج کیا گیا۔

یاد رہے اسد عمر نےمارگلہ پولیس اسٹیشن میں درج مقدمےکیخلاف سندھ ہائیکورٹ سےرجوع کیا تھا ، جس پر چیف جسٹس سندھ ہائیکورٹ نےدرخواست کی آج ہی سماعت کی اجازت دی تھی۔

درخواست میں کہا گیا تھا کہ پولیس نے ایم پی او کے تحت مقدمہ درج کیا، اسد عمر کومتعلقہ عدالت میں پیش ہونے کیلئے حفاظتی ضمانت دی جائے۔

لاہور: تحریک انصاف کے مرکزی رہنما اسد عمر کا کہنا ہے کہ اسلام آباد ہائیکورٹ کی واضح ہدایات کے  باوجود کہ ریلی نکالنا آئینی حق ہے لیکن صبح ڈی سی نے اجازت معطل کردی۔

پاکستان تھریک انصاف (پی ٹی آئی) کے مرکزی رہنما اسد عمر نے انسداد دہشت گردی عدالت کے باہر میڈیا سے گفتگو کرتے ہوئے کہا کہ ہمارا  آئینی مطالبہ ہے الیکشن کا اس سے پیچھے ہٹانےکی کوشش ہے۔

اسد عمر نے کہا کہ جو لوگ کہتے تھے کہ اگر ایک دن الیکشن نہ ہوا توپتہ نہیں کیا ہو جائے گا، انکے سامنے  یہ بات رکھی گئی کہ الیکشن اگلے مالی سال میں ہو گا اور ایک ہی دن ہوگا لیکن یہ وہ بھی ماننے کو تیار نہیں، اسکی وجہ یہ ہے کہ یہ عوام کا سامنا نہیں کر سکتے۔

انکا کہنا تھا کہ یہ قانون کیا آئین توڑنے کو بھی تیار ہیں، دیکھتے ہیں سپریم کورٹ کا فیصلہ کیا آتا ہے، عجیب سیاسی اور جمہوری لیڈر ہیں جو اپنی قوم سے ڈرتے ہیں۔

اسد عمر کنے کہا کہ بلاول بھارت سے سوائے ذلت کمانے کے اور کیا لے کر آیا ہے، وہاں پہنچ کر بھی بھارت نے ہاتھ نہیں بڑھایا یہ نمستے کر کے آ گئے، یہ صرف بیرونی آقاؤں کو خوش کرنا چاہ رہے ہیں کہ دیکھیں ہم کتنے تابعدار ہیں۔

تحریک انصاف کے مرکزی رہنما نے کہا کہ سپریم کورٹ نے اب تک جتنے فیصلے دیے سب آئینی دیے، ہم نے پہلے بھی کسی جج پر ذاتی حملہ نہیں کیا، یہ جو 22کروڑ سے زیادہ عوام کا ملک ہے یہ آئین کے بغیر نہیں چلے گا۔

انکا مزید کہنا تھا کہ اسلام آباد ہائیکورٹ نے واضح ہدایت دیں کہ ہمارا آئینی حق ہے ہمیں ریلی کی اجازت دی جائے، آج صبح ڈی سی نے اجازت معطل کر دی، طاقت کا زور ہے، یہ خود بھی ڈوبیں گے ساتھ ملک کو بھی لے کر ڈوب رہے ہیں، اب انکے اپنے اندر بھی دراڑیں پیدا ہو گئی ہیں۔

اسد عمر نے کہا کہ آج عمران خان کی کال پر پورے پاکستان میں بشمول لاہور کے لوگ نکلیں گے، ایک پر امن طریقے سے اپنا پیغام پہنچائیں گے، پاکستان کے عوام آئین اور عدلیہ کے ساتھ کھڑے ہیں۔

لاہور : تحریک انصاف کے رہنما اسد عمر کا کہنا ہے کہ حکومت سے مذاکرات میں پیشرفت ہوئی تھی لیکن نتیجہ نہیں نکل سکا۔

تفصیلات کے مطابق تحریک انصاف کے رہنما اسد عمر نے میڈیا سے گفتگو کرتے ہوئے کہا کہ مذاکرات ختم ہو گئے رپورٹ سپریم کورٹ میں جمع کرادی ہے، مذاکرات میں پیشرفت ہوئی تھی لیکن نتیجہ نہیں نکل سکا۔

اسد عمر کا کہنا تھا کہ الیکشن کی ایک تاریخ پرمان کرعمران خان نےبڑا لیڈر ہونے کاثبوت دیا لیکن دوسری طرف بہت پارٹیاں ہیں اورایک پارٹی میں ایک سے زیادہ رائے ہیں۔

پی ٹی آئی رہنما نے کہا کہ جب ایک تاریخ پر مان گئے ہیں تو تاریخ پربحث کرنےکی کیا ضرورت ہے۔

گذشتہ روز پی ٹی آئی نے حکومت سے مذاکرات کی رپورٹ سپریم کورٹ میں جمع کروا دی ہے، رپورٹ میں مذاکرات کی تفصیلات سے عدالت کو آگاہ کیا گیا ہے۔

یاد رہے کہ وفاقی حکومت اور پی ٹی آئی کے درمیان مذاکرات ہوئے تھے، جس کے بعد میڈیا سے گفتگو کرتے ہوئے شاہ محمود قریشی نے بتایا کہ حکومتی ٹیم کے ساتھ مذاکرات میں ان باتوں پر اتفاق ہوگیا ہے کہ ملک بھر میں ایک ہی دن انتخابات ہونے چاہئیں۔

انہوں نے کہا کہ نگراں حکومت کے ماتحت شفاف الیکشن ہوں تاکہ کل اس پر کوئی انگلی نہ اٹھا سکے، ہمارا اس بات پر اتفاق نہیں ہو سکا کہ عام انتخابات کس دن ہوں۔

لاہور : تحریک انصاف کے رہنما اسد عمر کا کہنا ہے کہ عمران خان نے حکومت کو ایک ہی دن الیکشن کرانے کا موقع دے دیا ہے۔

تفصیلات کے مطابق تحریک انصاف کے رہنما اسد عمر نے میڈیا سے گفتگو کرتے ہوئے کہا کہ آئین کہتا ہے 90 دن میں الیکشن کرانے ہیں، مذاکرات کے 2 راؤنڈ ہوچکے،آج آخری راؤنڈ ہے، جسے مشکل بنا دیا گیا ہے کہ وہ مشکل ہے ہی نہیں۔

اسد عمر کا کہنا تھا کہ کسی وکیل یا جج نے یہ نہیں کہاکہ90دن کےاندرالیکشن کراناضروری نہیں اور یہ بحث کرتے ہیں کہ ملک میں ایک ہی دن الیکشن ہوں، عمران خان نے انکو ایک ہی دن الیکشن کرانے کا موقع دے دیا۔

پی ٹی آئی کے رہنما نے کہا کہ تحریک انصاف کے ورکرز کا جذبہ ٹھنڈا نہیں ہو رہا، مزدوروں کےدن پر ریلی کا اعلان کیا تو کنٹینر لگ گئے۔

حکومتی بیانات کے حوالے سے ان کا کہنا تھا کہ اب یہ آئین توڑنے پر آچکے ہیں، سپریم کورٹ کے فیصلوں پر بغاوت کا اعلان ہو چکا ہے، طاقت کا راج چل رہا ہے، ذاتی خواہشات کیلئے ملک کو داؤ پر لگایا جارہا ہے۔

اسد عمر نے حکومت کو خبردار کیا کہ آخری موقع ضائع کیا توملک کے ساتھ سیاسی جماعتوں کیلئےبھی نقصان ہے ، آخری غلطی نہ کرنا کہ جہاں سے واپسی کا راستہ نہ ہو۔

انھوں نے بتایا کہ علی امین گنڈاپور کو ضمانتوں کے باوجود نہیں چھوڑا جارہا، پرویز الٰہی کے گھر پر حملہ کیا گیا، یہ12مہینے غلطی پر غلطی کرتے آرہے ہیں، انہوں نےاپنی سیاست کابیڑہ غرق کروایاہے، اب آئینی ترمیم کرنا ناممکن ہے،کوشش کے باوجود یہ ترمیم نہیں کر سکے۔

اسلام آباد : تحریک انصاف کے رہنما اسد عمر نے حکومت سے مذاکرات کے آج کے دور کو عمران خان کی پیشی پر گرفتار کارکنان کی فوری رہائی سے مشروط کردیا۔

تفصیلات کے مطابق چیئرمین تحریک انصاف کی عدالت میں پیشی کے موقع پر پرامن کارکنان کی گرفتاری کے معاملے پر رہنما اسد عمر نے حکومت سے مذاکرات کے آج کے دور کو گرفتار کارکنان کی فوری رہائی سےمشروط کردیا۔

اسد عمر نے سماجی رابطے کی ویب سائٹ ٹوئٹر پر اپنے بیان میں کہا کہ آج پھر اسلام آباد ہائیکورٹ کے باہر سے بے گناہ شہریوں کو گرفتار کیا جارہا ہے، حکومت سے آج مذاکرات کا دور تب تک شروع نہیں ہونا چاہئے جب تک بے گناہ لوگوں کوچھوڑا نہ جائے۔

آج پھر اسلام آباد ہائی کورٹ کے باہر سے بے گناہ شہریوں کو گرفتار کیا جا رہا ہے۔ آج کا حکومت سے مذاکرات کا سیشن اس وقت تک شروع نہیں ہونا چاہئے جب تک ان بے گناہ لوگوں کو حراست سے چھوڑا نہ جائے #عمران_خان_ہماری_ریڈ_لائن pic.twitter.com/K1EMehcJfM

— Asad Umar (@Asad_Umar) April 28, 2023

رہنما پی ٹی آئی نے کہا کہ عمران خان کا سیشن جج سے متعلق جملہ کہ ہم کارروائی کریں گےتو پرچہ کٹ گیا، وارنٹ جاری ہو گئے اور حکومت چیف جسٹس سمیت سپریم کورٹ ججز پر حملے، دھمکیاں دے رہی ہے کوئی پوچھنے والا نہیں، ان لاڈلوں اور لاڈلیوں کو کھلی چھٹی کیوں؟اسدعمر کاٹوئٹ

عمران خان کا سیشن جج کے بارے میں ایک جملہ کے ہم آپ کے خلاف کاروائی کریں گے۔ پرچہ کٹ گیا، وارنٹ گرفتاری جاری ہو گئے۔ حکومت سپریم کورٹ کے ججوں بشمول چیف جسٹس کے بدترین حملے اور دھمکیاں دے رہے ہیں اور کوئی پوچھنے والا نہیں۔ ان لاڈلوں اور لاڈلیوں کو کھلی چھٹی…

— Asad Umar (@Asad_Umar) April 28, 2023