Tag: اسد قیصر

اسلام آباد: پاکستان تحریک انصاف (پی ٹی آئی) کے رہنما اسد قیصر نے ابھینندن کی واپسی پر اعتراض پر ن لیگی رہنما کو جواب دیتے ہوئے کہا کہ ’’خواجہ آصف کی قسمت میں صرف ڈیسک بجانا لکھا ہے، ابھی نندن کی واپسی کا فیصلہ پارلیمنٹ نے کیا تھا۔‘‘

اسپیکر ایاز صادق کی زیر صدارت قومی اسمبلی کے اجلاس میں اسد قیصر نے اپنے خطاب میں کہا خواجہ آصف کی جماعت میں ایک سیاسی نسل تیار کی گئی، نواز شریف کے بعد مریم نواز اور اب جنید کو تیار کیا جا رہا ہے، خواجہ کی قسمت میں صرف ڈیسک بجانا لکھا ہے۔

انھوں نے وزیر دفاع کو مخاطب کر کے کہا آپ کبھی پارٹی کے سربراہ نہیں بن سکتے، 2019 میں بھارتی حملے کا بھرپور جواب دیا گیا تھا، اور ابھینندن کی واپسی کا فیصلہ پارلیمنٹ نے کیا تھا، تحریک انصاف حکومت نے ہر ایشو پر پارلیمنٹ کو اعتماد میں لیا، جب کہ پاک بھارت کشیدگی میں نواز شریف کا کوئی بیان سامنے نہیں آیا۔

ایران اسرائیل کشیدگی: مسلم امہ متحد نہ ہوئی تو سب کی باری آئے گی، خواجہ آصف

واضح رہے کہ وزیر دفاع خواجہ آصف نے کہا تھا کہ بھارتی پائلٹ ابھینندن کو واپس کیا جانا ایک سرنڈر تھا، باجوہ اور اُس وقت کے وزیر اعظم نے قومی وقار کو ٹھیس پہنچائی، بھارتی پائلٹ کو گرفتار کرنے کے بعد ہم نے 24 گھنٹے میں سرنڈر کیا، سرنڈر کی کیا وجوہ تھیں تفصیل میں نہیں جانا چاہتا، اسی ایوان میں ٹانگیں کانپنے کی بات ہوئی تھی، ہم اس تاریخ پر اس وقت بھی شرمندہ ہوئے آج بھی ہیں۔

اسد قیصر نے اپنے خطاب میں کہا حکومت جو کر سکتی ہے کر لے ہم ڈٹے رہیں گے، بانی پی ٹی آئی کے عزم میں کوئی کمی نہیں آئی۔ این ایف سی ایوارڈ سے متعلق انھوں نے کہا حکومت کے پی کا حصہ نہیں دے رہی ہے، جو 19 اعشاریہ 46 فی صد ہے، خیبر پختونخوا کا این ایف سی ایوارڈ کے تحت حصہ 381 ارب بنتا ہے۔

اسد قیصر نے کہا 6 سال کے دوران سابقہ فاٹا کے حصہ کے 478 ارب بھی وفاق کے ذمہ واجب الادا ہیں، خیبر پختونخوا کا نیٹ ہائیڈل کی مد میں منافع 123 ارب بنتا ہے۔ انھوں نے کہا اپوزیشن کو پارلیمنٹ میں بھی ان کا حق نہیں مل رہا ہے۔

پاکستان تحریک انصاف کے مرکزی رہنما اسد قیصر نے کہا ہے کہ کہیں نہیں کہا کہ کسی ایگزیکٹیو آرڈر یا کسی اور طریقے سے لوگوں کو رہا کریں۔

اے آر وائی کے پروگرام سوال یہ ہے میں اظہار خیال کرتے ہوئے سابق اسپیکر پارلیمنٹ اسد قیصر کا کہنا تھا کہ جوڈیشل کمیشن کے مطالبے میں کہیں نہیں کہا کہ ہمارے نامزد ججز کو لگائیں، ہم نے تو مطالبہ کیا کہ ایسے ججزہونے چاہئیں جن پر کسی کو اعتراض نہ ہو۔

اسد قیصر نے کہا کہ ہم نے کسی ممبر کی عدالت کے بغیر رہائی کا مطالبہ نہیں کیا، واضح مطالبہ ہے کہ عدلیہ پر جو دباؤ ہے اسے فوری طور پر ختم کریں۔

ہم تو شروع سے کہتے ہیں عدالتوں کے ذریعے باہر آئیں گے، میٹنگ میٹنگ نہیں کھیلیں گے واضح اقدامات چاہتے ہیں، ان لوگوں کی حیثیت یہ تھی کہ ایک ملاقات تک نہیں کراسکے تھے۔

انھوں نے کہا کہ پیکا ایکٹ متنازع ترامیم پر تو عوام کیساتھ میڈیا کو بھی آواز اٹھانی چاہیے، 26ویں ترمیم کے ذریعے عدلیہ پر قدغن لگائی گئی اب میڈیا کو مفلوج کیا جارہا ہے، عوام سے کہوں گا یہ وقت باہر نکلنے کا ہے اور اپنا حق حاصل کرنا ہے۔

’’بانی پی ٹی آئی کو رہائی کی پیشکش‘‘ اسد قیصر نے کیا کہا؟

اسد قیصر نے کہا کہ مذاکراتی کمیٹی کے ممبر حامد رضا کے گھر اور مدرسے پر چھاپے مار رہے ہیں، پریس کانفرنس تک نہیں کرنے دی جاتی اور کہا جاتا ہے کہ سنجیدہ نہیں۔

رہنما تحریک انصاف کا کہنا تھا کہ ایک طرف کہتے ہیں مذاکرات کریں اور دوسری طرف چھاپے مارتے ہیں، اپوزیشن کی تمام سیاسی جماعتوں کو متحد کریں گے، میڈیا کو اعتماد میں لیں گے، ایک دو ہفتے میں لائحہ عمل طے کریں گے اور میمورنڈم عوام کے سامنے لائیں گے۔

اسد قیصر نے کہا کہ مولانا فضل الرحمان سے بھی پیر والے دن ملاقات ہوگی، فضل الرحمان، محمود اچکزئی سمیت تمام اپوزیشن رہنماؤں کو اعتماد میں لیں گے۔

انھوں نے کہا کہ محمود اچکزئی اختر مینگل کیساتھ بات کریں گے، آئین پر تمام سیاسی جماعتوں کو متحد کریں گے اور آگے بڑھیں گے۔

اسد قیصر نے کہا ہے کہ پوری پاکستانی قوم اپنے حقوق کیلئے اٹھ کھڑی ہو، آئین پر ڈاکا ڈالا گیا، 26ویں ترمیم نے رہی سہی کسر بھی ختم کردی۔

پاکستان تحریک انصاف کے مرکزی رہنما کا کہنا تھا کہ آئین تمام سیاسی جماعتوں نے مشترکہ طور پر بنایا تھا، 26ویں ترمیم کے ذریعے عدلیہ کے اختیارات بھی ایگزیکٹیو کو دے دیے گئے، عدالتیں اپاہج ہورہی ہیں، وکلا اور بار سے پوچھتا ہوں کیا ضمیر نہیں جاگ رہا۔

اسد قیصر نے کہا کہ عدالتوں کی حفاظت کیا ہم سب کی ذمہ داری نہیں ہے، مصطفیٰ نواز کھوکھر کا شکریہ کہ وہ آئین کی بحالی کیلئے ہمارے ساتھ کھڑے ہوئے۔

تمام اسٹیک ہولڈرز، سیاستدان، مزدوروں اور طلبہ سمیت سب کو متحد کررہے ہیں، آئین کی حکمرانی ہوگی تو کوئی قانون سے بالاترنہیں ہوگا۔

انھوں نے کہا کہ افغانستان کیساتھ سرحد پر جو ہو رہا ہے بہت تشویشناک ہے، کسی کو احساس ہی نہیں ہے کہ افغانستان کیساتھ سرحد پر کیا ہورہا ہے،خیبر پختونخوا حکومت کو ناکام کرنے کیلئے تمام حربے استعمال کیے جارہے ہیں۔

اسد قیصر نے کہا کہ کےپی کی عوام سے انتقام لیا جارہا ہے کیونکہ انھوں نے پی ٹی آئی کو ووٹ دیا، بانی پی ٹی آئی آئین و قانون کی بالادستی کیلئے جیل میں ہیں۔

اسلام آباد: پی ٹی آئی کے مرکزی رہنما اسد قیصر نے کہا ہے کہ خواجہ آصف اور مریم نواز کی کوشش ہے مذاکرات کو ناکام بنایا جائے۔

تفصیلات کے مطابق سابق اسپیکر قومی اسمبلی اسد قیصر کا خواجہ آصف، مریم نواز کے بیان پر ردعمل دیتے ہوئے کہنا تھا کہ مذاکرات سے متعلق حکومت کے مختلف دعوے سامنے آرہے ہیں، دونوں مذاکرات کو ناکام بنانا چاہتے ہیں، ہم نے پاکستان کی خاطرایک قدم آگے بڑھنے کی کوشش کی۔

انھوں نے کہا کہ مریم نواز اور خواجہ آصف جو باتیں کررہے ہیں اس پر انتہائی افسوس ہے، اس سب کے باوجود اپنے تحفظات اور مطالبات میں کمی کی تاکہ ملک آگے بڑھے، پوری قوم بانی پی ٹی آئی کے ساتھ کھڑی ہے۔

اسد قیصر نے کہا کہ ہم جو کچھ کررہے ہیں پاکستان کے لیے کررہےہیں، معیشت کے جوحالات ہیں اس سے ملک میں مایوسی ہے۔

رہنما پی ٹی آئی نے کہا کہ واضح کرنا چاہتا ہوں نہ ہم کسی خوف میں مبتلا ہیں نہ کسی سے ڈر رہے ہیں، اگر ہم نے اپنے تحفظات کو پیچھے کیا ہے تو صرف پاکستان کی خاطر، حکومت نے وعدہ کیا تھا بانی پی ٹی آئی سے ملاقات کرائی جائے گی۔

اسد قیصر نے کہا کہ حکومت کی جانب سے اب مختلف حیلے بہانے کیے جارہے ہیں، چاہتے ہیں ملک میں آئین کی حکمرانی ہو،عدلیہ آزاد ہو۔

انھوں نے کہا کہ چاہتے ہیں ملک میں سول سپرمیسی ہو اور مضبوط پارلیمنٹ ہو، ملک کو حقیقی معنوں میں عوام کی مرضی کے مطابق چلایا جائے، ہم ہرصورت میں اپنے مؤقف پرقائم ہیں۔

پی ٹی آئی رہنما نے کہا کہ بانی پی ٹی آئی پاکستان نہیں دنیا بھر میں بڑے لیڈر بن کر ابھر رہے ہیں، بانی جیل میں جوصعوبتیں برداشت کررہے ہیں وہ ملک کیلئے ہیں۔

اسلام آباد : تحریک انصاف کی مذاکراتی کمیٹی کے رکن اسد قیصر نے دو ٹوک بیان میں کہا کہ بانی سے ملاقات کرائیں ورنہ مذاکرات بھول جائیں۔

تفصیلات کے مطابق تحریک انصاف کی مذاکراتی کمیٹی کے رکن اسد قیصر نے اے آر وائی نیوز کے پروگرام آف دی ریکارڈ میں گفتگو کرتے ہوئے کہا کہ مذاکرات کا عمل جاری ہے اور بانی پی ٹی آئی سے ملاقات نہیں کرائی جارہی، اس کا مطلب حکومت سنجیدہ نہیں۔

سابق اسپیکر قومی اسمبلی کا کہنا تھا کہ ہم سنجیدگی سے آگے بڑھنا چاہتے ہیں، جو رویہ نظر آرہا ہے وہ سنجیدہ نہیں ہے، طے شدہ ہے کہ بانی پی ٹی آئی کی ہدایت کے بغیر کوئی فیصلہ نہیں کرسکتے۔

انھوں نے کہا کہ حکومت کوخدشہ ہےکہ بانی پی ٹی آئی حکومت میں آئے تو انتقام لیں گے، بانی پی ٹی آئی نے کہا پاکستان کیلئے کسی صورت کسی سے انتقام نہیں لوں گا، ہمارادوٹوک مؤقف ہے کہ ہم کسی سے انتقام نہیں لیں گے۔

رہنما پی ٹی آئی کا کہنا تھا کہ کوئی غلط کام نہیں ہوگا کسی نے جرم کیا ہے تو وہ اس کا جوابدہ ہوگا، کسی نے کرپشن کی ہے یا جو کچھ کیا ہے تو عدالت اس کا فیصلہ کرے گی۔

انھوں نے بتایا کہ بانی پی ٹی آئی نے ہمیں کہا تھا کہ واضح کردیں انتقام کوئی نہیں ہوگا، جو انتقام کا نظام چل رہا ہے یہ بالکل نہیں ہوگا، اندازہ لگالیں ملک کس طرف جارہاہے، 8 فروری کو ووٹ کسی کو پڑا اور 9 فروری کو کسی اور کو جتوا دیا گیا۔

رکن کمیٹی نے بیان میں واضح کیا کہ بانی پی ٹی آئی سے ملاقات نہیں کرائی جاتی تو پھر مذاکرات کا مطلب نہ ہی سمجھیں، بانی سے ملاقات نہیں کرائی جاتی تو حکومت کا مطلب ہے مذاکرات آگے نہ بڑھیں، آپس میں مشاورت ہوئی ہے ہم تحریری طور پر مطالبات پیش کریں گے تاہم حکومت نے کوئی ڈیمانڈ نہیں رکھی۔