اسلام آباد : پی ٹی آئی نے حکومت سے مذاکرات کی تصدیق کردی، رہنما اسد قیصر  نے بتایا کہ حکومت نے علی امین گنڈاپور سے رابطہ کیا باضابطہ بات چیت شروع ہوگئی ہے۔

تفصیلات کے مطابق پاکستان تحریک انصاف کے رہنما اسد قیصر سے اے آر وائی نیوز کے پروگرام آف دی ریکارڈ میں گفتگو کے دوران کاشف عباسی نے سوال کیا بات چیت حکومت سے ہورہی ہےیااسٹیبلشمنٹ سے؟

اسد قیصر کا کہنا تھا کہ حکومت نے علی امین گنڈاپورسے رابطہ کیا ہے اور باضابطہ بات چیت شروع ہوگئی ہے۔

اس سے قبل ن لیگ کے رہنما راناثناللہ نے تصدیق کی کہ جو ملاقاتیں ہورہی ہیں وہ ملکی مفاد میں ہیں، لیکن بانی پی ٹی آئی جن مقاصد کےلیے مذاکرات چاہتے ہیں وہ کبھی پورے نہیں ہوسکتے۔

ان کا کہنا تھا کہ بانی خودوزیراعظم ہاؤس اور ہمیں اڈیالہ میں بٹھاناچاہتےہیں، علی امین کا جو لیول ہےاسی لیول پرمذاکرات ہورہےہیں، بانی پی ٹی آئی کو اسٹیبلشمنٹ نے واضح پیغام دیا تھا سیاسی جماعتوں سے بات کریں۔

گذشتہ روز وزیراعلیٰ خیبرپختونخوا علی امین گنڈا پور نے اڈیالہ جیل میں بانی پی ٹی آئی سےملاقات کی ، جس کے بعد اے آر وائی نیوز سے گفتگو میں بتایا تھا کہ مذاکرات بانی پی ٹی آئی کی رہائی سےشروع ہوں گے اور آگے بڑھیں گے،بانی پی ٹی آئی کو رہا کرانے اور مطالبات منواکر ہی دم لیں گے۔

پاکستان تحریک انصاف کے رہنما اسد قیصر اور سربراہ جے یو آئی ف مولانا فضل الرحمان کے درمیان ہونے والی ملاقات کا احوال سامنے آگیا۔

ذرائع نے بتایا کہ پی ٹی آئی وفد نے گزشتہ رات ہنگامی ملاقات کی خواہش ظاہر کی، جے یو آئی کی جانب سے مشاورت کے بعد آج ملاقات کا گرین سگنل دیا گیا، ملاقات میں حکومت کے خلاف مشترکہ اقدامات پر تبادلہ خیال گیا۔

ملاقات میں پارلیمنٹ کے اندر پہلے سے قائم کمیٹیوں کو فعال کرنے پر اتفاق کیا گیا حکومت کے خلاف مشترکہ تحریک لانے پر بھی بات چیت کی گئی۔

ذرائع نے بتایا کہ دونوں پارٹیوں کی جانب سے اپوزیشن کی دوسری سیاسی جماعتوں سے بھی رابطوں پر اتفاق کیا گیا۔

جے یو آئی ذرائع نے بتایا کہ ملاقات میں کہا گیا کہ فاصلے کم کیے جائیں تو حکومت کےخلاف ساتھ چل سکتے ہیں، مستقبل میں ساتھ چلنے کے لیے پی ٹی آئی کو سنجیدہ اقدامات کا مشورہ گیا گیا۔

ذرائع نے بتایا کہ پی ٹی آئی نے کہا کہ بانی پی ٹی آئی اور اعلیٰ قیادت سے مشاورت کے بعد جے یو آئی کو آگاہ کیا جائے گا، مولانا کی بیرون ملک دورے سے واپسی کے بعد سرگرمیاں تیز کرنے پر اتفاق کیا گیا۔

پشاور: پاکستان تحریک انصاف کے رہنما اسد قیصر نے آئینی ترامیم کے لیے پی ٹی آئی ایم این ایز کو دی جانے والی آفر سے متعلق بڑا انکشاف کیا۔

تفصیلات کے مطابق پاکستان تحریک انصاف کے رہنما اور سابق اسپیکر اسمبلی نے اپنے بیان میں کہا ہے کہ قانون سازی کیلئے ایم این ایز کولالچ دی جارہی ہے، کے پی کے ایم این ایز نے بتایا ہمیں ڈرایا جا رہا ہے ، ایم این ایز کو 20،20  کروڑروپے کی آفر دی جارہی ہے۔

سابق اسپیکر اسمبلی کا کہنا تھا کہ اس قسم کی قانون سازی کرناچاہتےہیں توہماراکوئی ایم این اے نہیں ٹوٹے گا، ہم انہیں کسی صورت غیر آئینی قانون سازی نہیں کرنےدیں گے۔

رہنما پی ٹی آئی نے کہا کہ چاہتے ہیں تمام بار ایسوسی ایشن کو اعتماد میں لیا جائے، حکومت سمجھتی ہے ہم اپنے مؤقف سے پیچھے ہٹیں گے تو غلط فہمی ہے، ہم پرامن جدوجہد کر سکتے ہیں اور کرتے رہیں گے۔

انھوں نے بتایا کہ مجھےنہیں پتاجرگےمیں کیاپیشرفت ہوئی ہے، حکومت زورزبردستی بندوق کی نوک پربات چیت نہ کرے، کےپی کوقدرتی وسائل پرپوراحق دیا جائے اور افغانستان سے ٹریڈ کھولی جائے۔

بانی پی ٹی آئی کے حوالے سے رہنما نے کہا کہ بانی پی ٹی آئی سےمتعلق خبروں پرتشویش ہے،وکلا کو فوری ملاقات کاموقع دیں۔

اسلام آباد: رہنما تحریک انصاف اسد قیصر نے کہا ہے کہ جلسے کا بنیادی مقصد بانی پی ٹی آئی کی رہائی ہے، کل بہت بڑا جلسہ ہونے والا ہے۔

سربراہ تحریک تحفظ آئین پاکستان محمود اچکزئی اور پی ٹی آئی رہنما اسد قیصر نے جلسہ گاہ کا دورہ کیا، اسد قیصر نے کہا کہ کل اسلام آباد میں بہت بڑا جلسہ ہونے والا ہے، انتظامیہ روڑے اٹکا رہی ہے، جلسے کا مقصد بلوچستان اور سابق فاٹا کی صورتحال ہے۔

اسد قیصر نے کہا کہ حکومت جوڈیشل پیکج لانا چاہتی ہے، مشورے ہورہے ہیں عدلیہ کو کیسے کمزور کریں، اسمبلی کے فلور پر ہمارے ایم این ایز کو دھمکیاں دی جارہی ہیں، سینیٹرز کو دھمکیاں دی جارہی ہیں کہ حکومت کو ووٹ دینے ہیں۔

رہنما تحریک انصاف نے کہا کہ آپ نے قانون سازی کرنی ہے یا بدمعاشی کرنی ہے، بانی پی ٹی آئی نے واشنگٹن میں امت مسلمہ کا مقدمہ لڑا ہے، اسرائیل دشمن ہے۔

انھوں نے کہا کہ پی ٹی آئی کو الیکشن سے دور رکھنے کی کوشش کی گئی لیکن عوام نے ہمیں ہی ووٹ دیا، لوگوں کو جلسے سے دور کرنے کی کوشش کی گئی لیکن وہ تو ابھی سے شروع ہوگیا۔

اسد قیصر نے کہا کہ کل کا جلسہ ریفرنڈم ہوگا، جلسہ گاہ اس وقت بھی بھرا ہوا ہے، کل کا جلسہ ملک میں آئین و قانون کی حکمرانی کیلئے ہورہا ہے، بانی پی ٹی آئی آئین و قانون کی جنگ لڑتے ہوئے جیل میں ہیں۔

انھوں نے کہا کہ جلسہ کرنا ہمارا آئینی و قانونی حق ہے، ہمیں این او سی دیا گیا ہے، جو لوگ جلسہ روکنے کی کوشش کرینگے وہ قانون ہاتھ میں لیں گے۔

اسد قیصر نے کہا کہ کل ہر صورت جلسہ کریں گے ہم کسی صورت پیچھے نہیں ہٹیں گے، نیب ترامیم سے متعلق عدالتی فیصلہ آگیا ہے اس لیے اب قانون بن گیا ہے، پارلیمنٹ نے قانون تبدیل کیا اور سپریم کورٹ نے اس کی توثیق کی۔

رہنما تحریک انصاف نے کہا کہ بانی پی ٹی آئی کا بھی حق ہے کہ اپنے کیس کو قانون کے مطابق لےکر چلیں، توشہ خانہ اور القادر ٹرسٹ کیس میری نظرمیں نیب ترامیم کے بعد ختم ہوگئے۔

پاکستان تحریک انصاف کے مرکزیہ رہنما اسد قیصر نے کہا ہے کہ مسلم لیگ ن کی خواہش ہےوہ مارشل لاچاہتی ہےتاکہ محفوظ راستہ ملے۔

اے آر وائی کے پروگرام آف دی ریکارڈ میں گفتگو کرتے ہوئے سابق اسپیکر قومی اسمبلی کا کہنا تھا کہ موجودہ حکومت کو کوئی راستہ چاہیے، سیاسی شہید بننا چاہتے ہیں، محمود اچکزئی کبھی بھی اسٹیبلشمنٹ سے بات نہیں کرینگے، محمود اچکزئی کہتے ہیں آئین میں جس کا جو کردار ہے وہ ادا کرنا چاہیے۔

اسد قیصر نے کہا کہ پارلیمنٹ کتنی طاقتور ہے کہ دیکھ لیں ہمارے ایم این اے کا کچھ پتہ نہیں، وزیراعظم فلور پر کہتے ہیں کہ حاجی امتیاز کا پتہ کرتا ہوں، اسپیکر بھی بےبس ہیں۔

انھوں نے کہا کہ پارلیمنٹ بس اس میں لگی ہے کہ کس طرح سپریم کورٹ کا راستہ روکنا ہے، یہ حکومت مینڈیٹ چور ہے،عوام نے اس کو منتخب نہیں کیا، منتخب حکومت ہی قانون بناتی ہے، غیرمنتخب حکومت کے قانون کی حیثیت نہیں۔

اسد قیصر نے کہا کہ بانی پی ٹی آئی نے وہی بات کی ہے جو ہم اکثر کرتے رہے ہیں، 9 مئی سے متعلق جوڈیشل کمیشن کا مطالبہ شروع سے کررہے ہیں۔

انھوں نے کہا کہ آج بھی کہتے ہیں کہ 9 مئی ہم پر ثابت ہوجاتا ہے تومعافی کیلئے تیار ہیں، 9 مئی میں جو بھی ملوث ہیں ان کو سخت سے سخت سزا ملنی چاہیے، جوڈیشل کمیشن بنائیں تاکہ جوبھی قصوروار ہیں سزا سے نہ بچ پائیں۔

رہنما تحریک انصاف نے کہا کہ عدالتوں میں قانونی جنگ لڑینگے، پارلیمنٹ میں اپنا کردار ادا کریں گے، سڑکوں پرنکلیں گے اور اپنی پرامن جدوجہد جاری رکھیں گے۔

اسد قیصر کا کہنا تھا کہ ہمیں دیوار سے لگایا جارہا ہے، ہمارے ایم این ایز کو غائب کیا جارہا ہے، حاجی امتیاز کو آفردی جارہی ہے کہ پی ٹی آئی چھوڑ دو اور وزیر بن جاؤ۔
ہمارے کارکنان میں بہت غصہ ہے کنٹرول سے باہر ہورہے ہیں، ہم سمجھتے ہیں کسی تحریک میں تشدد آجاتا ہے تو وہ خراب ہوجاتی ہے۔

اسد قیصر نے کہا کہ ہم پرامن جدوجہد جاری رکھیں گے، عوام کے حقوق کیلئے لڑیں گے، یہ جو حرکتیں کررہے ہیں سری لنکا اور بنگلہ دیش سے خطرناک ماحول بنا رہے ہیں۔

سابق اسپیکر قومی اسمبلی اسد قیصر نے کہا ہے کہ مریم نواز نے عدلیہ سے متعلق توہین آمیز گفتگو کی اور دھمکی دی، اس کی مذمت کرتے ہیں۔

میڈیا سے گفتگو کرتے ہوئے پاکستان تحریک انصاف کے رہنما نے کہا کہ سپریم کورٹ اور ہائیکورٹ مریم نواز کی دھمکیوں پر توہین عدالت کی کارروائی کرے، مریم نواز سمجھتی ہے پاکستان میں ان کی بادشاہت ہے قوم کو غلام سمجھتی ہیں۔

اسد قیصر نے کہا کہ کس قانون کے تحت پی ٹی آئی سیکریٹریٹ پرحملہ کیا گیا، ہمارے سیکریٹری اطلاعات اور رہنماؤں کو کس قانون کے تحت گرفتار کیا گیا۔

پیغام دیا گیا کہ پاکستان میں کوئی آئین و قانون نہیں ہے، تاثر دیا جارہا ہے کہ ملک میں طاقتور ہی آئین اور قانون ہے، یہ سمجھتے ہیں ان کی دھمکیوں اور بدمعاشی سے کوئی ڈر جائےگا، ہم جذباتی لوگ نہیں، آئین و قانون کے مطابق ہی چلیں گے۔

اسد قیصر نے کہا کہ ٹیکسز اور بجلی کی قیمتوں میں اضافے سے ہر چیز کی قیمت بڑھ جائے گی، موجودہ حکومت کے پاس جعلی مینڈیٹ ہے۔

تحریک انصاف کے رہنما نے کہا کہ موجودہ حکومت کی کوئی قانونی پوزیشن نہیں فوری ملک میں الیکشن کرائے جائیں، یہ لوگ بنوں کے واقعات بھی ہمارے گلے میں ڈالنے کی کوشش کررہے ہیں۔

اسد قیصر نے کہا کہ سب کو معلوم ہے کہ بنوں میں کیا ہورہا تھا اور کون کررہا تھا، بنوں واقعے کے بعد ایک ماحول بنادیا گیا ہے جیسے پی ٹی آئی سب کرارہی تھی۔

انھوں نے کہا کہ پورا پاکستان جانتا ہے کہ بنوں میں کس نے کیا کرایا، ہم خاموش نہیں بیٹھیں گے پُرامن جدوجہدجاری رہے گی۔

اسلام آباد : جمعیت علمائے اسلام کے ترجمان عبد الغفور حیدری نے پی ٹی آئی کیساتھ رابطے کی تصدیق کرتے ہوئے کہا کہ تحریک انصاف کومذاکرات میں بہت سنجیدگی دکھانا ہوگی۔

تفصیلات کے مطابق جمعیت علمائے اسلام اور پاکستان تحریک انصاف میں رابطے بحال ہوگئے۔

رہنما پی ٹی آئی اسد قیصر اور مولانا فضل الرحمان کےدرمیان ملاقات ہوئی ، مولانا عبد الغفور حیدری نے تصدیق کی کہ پی ٹی آئی کیساتھ ہمارے رابطے ہیں۔

عبد الغفور حیدری کا کہنا تھا کہ تحریک انصاف نےمذاکراتی کمیٹی تشکیل دےدی ہے اور مذاکرات کیلئے جے یو آئی کوبھی کمیٹی قائم کرنے کی تجویزدی، ہم نے بھی طے کیا ہے کہ کمیٹی بنانیں گے۔

ترجمان جے یو آئی نے کہا کہ اس بات کاتعین کریں گےکہ کن کن نکات پربات کرنی ہے تاہم ابھی معاملہ کمیٹیوں کی حدتک ہے،کمیٹیاں بنیں گی توہی مذاکرات ہوں گے۔

ان کا کہنا تھا کہ پی ٹی آئی اور جے یو آئی میں بہت بڑی خلیج حائل ہے،اسے ہٹانےمیں دیر لگے گی، ہم 10 سے 12 سال ایک دوسرے کے مخالف رہے، قریب آتے وقت لگے گا۔

عبد الغفور حیدری   نے بتایا کہ دونوں جماعتوں کوایک دوسرےسےتحفظات ہوسکتےہیں، پہلے دونوں جماعتوں کو تحفظات دور کرنا ہوں گے، جب تک تحفظات دورنہ کئےگئےقربت ممکن نہیں لگتی، بھی ہمارے ورکرزبھی اس معاملے کوقبول نہیں کررہے،اس پربھی محنت کرنا ہوگی۔

انھوں نے زور دیا کہ تحریک انصاف کومذاکرات میں بہت سنجیدگی دکھاناہوگی، یہ مذاکراتی نشستیں ’’گفتن اور برخاستن‘‘نہ ہوں،نتیجہ بھی نکلے، ہماری ضرورت تونہیں تھی، اگرضرورت بن گئی ہےتوسنجیدہ سوچنا ہوگا۔

اسلام آباد:سابق اسپیکر قومی اسمبلی اسد قیصر  نے پی ٹی آئی پر پابندی کے فیصلے پر ردعمل دیتے ہوئے کہا کہ سپریم کورٹ کے فیصلے کے بعد ان کےپاؤں تلے سے زمین نکل چکی ہے۔

تفصیلات کے مطابق سابق اسپیکر قومی اسمبلی اسد قیصر  نے حکومتی فیصلے پر ردعمل دیتے ہوئے کہا کہ ہمارے خلاف کونساحربہ انہوں نےاب تک استعمال نہیں کیا، ہمیں دہشت گرداور ریاست مخالف قرار دیا گیا مگر آٹھ فروری کو عوام نے ان کا بیانیہ ختم کردیا، ان سےروزانہ غلطیاں ہورہی ہیں،یہ حواس باختہ ہورہے ہیں۔

سابق اسپیکر قومی اسمبلی کا کہنا تھا کہ سپریم کورٹ کے فیصلے کےبعدان کےپاؤں تلےسےزمین نکل چکی ہے، حکومت کوپتہ چل گیاہےکہ اس کااب کوئی سروائیول نہیں ہے۔

انھوں نے کہا کہ ہماری جدوجہد آئین اور قانون کے مطابق ہے، یہ اپنے اختیارات کے تحت جہاں جانا چاہے جائیں، ہماری جدوجہد جاری رہے گی ہرفورم پران کامقابلہ کریں گے۔

رہنما پی ٹی آئی نے خبردار کیا کہ شہبازشریف ہوش کےناخن لیں، جوکچھ ہورہا ہے آپ کے بل بوتے پرہو رہا ہے، ملک کو انارکی کی طرف نہ لے جائیں، عوام کے مینڈیٹ کا احترام کریں۔