Tag: اسد قیصر

اسلام آباد : سابق وزیراعظم کے بعد سابق اسپیکر اسد قیصر نے بھی ڈپٹی اسپیکر کی رولنگ سے متعلق فیصلے پر نظرثانی اپیل دائر کردی۔

تفصیلات کے مطابق سابق اسپیکر اسد قیصر نے بھی ڈپٹی اسپیکر کی رولنگ سے متعلق فیصلے پر سپریم کورٹ میں نظرثانی اپیل دائر کردی۔۔

جس میں موقف اختیار کیا گیا ہے کہ قوم کی نظریں عدالت پر لگی ہیں، امید ہے بیرونی مراسلے پر جوڈیشل کمیشن قائم کیا جائے گا۔

اسد قیصر نے کہا کہ سپریم کورٹ جلد الیکشن کیلئے بھی کردار ادا کرے گی اور مراسلے پر جوڈیشل کمیشن بناجائے۔

ڈپٹی اسپیکر کی رولنگ پر سپریم کورٹ کے فیصلے پر نظرثانی کی اپیل دائر کی ہے۔ ہمیں عدالتوں کا احترام ہے پوری قوم کی نظریں عدالت کی طرف ہیں امید ہے سپریم کورٹ جلد از جلد الیکشن کرانے میں کردار ادا کرے گی اور مراسلے پر جوڈیشل کمیشن بنایا جائے گا۔ #امپورٹڈ_حکومت_نامنظور pic.twitter.com/D1DOY3vcas

— Asad Qaiser (@AsadQaiserPTI) May 13, 2022

سابق اسپیکر کا کہنا تھا کہ عدالت کا پارلیمان کی اندرونی معاملات میں مداخلت دستور پاکستان کے تحت کسی حد تک اجازت ہے یا نہیں ؟ کیا آرٹیکل95 بالا تر ہے آرٹیکل 65سے؟ اُس وقت وزیر قانون نے جو پوائنٹ آف آرڈر دیا تھا اگر اسے مسترد کیا جاتا،تو کیا سپریم کورٹ اس پر بھی مداخلت کرتی؟اگر نہیں تو منظور ہونے پر کیوں کیا؟

بعد ازاں اسد فیصر نے سپریم کورٹ کے باہر میڈیا سے گفتگو کرتے ہوئے کہا کہ میں نے وہ مراسلہ خود پڑھا تھا، جب مراسلہ پڑھا تو فیصلہ کیا اس صورتحال میں کسٹوڈین نہیں رہ سکتا، بیرونی سازش کے مراسلے کی بنیاد پر اسمبلی سے استعفیٰ دیا۔

لاہور: اسپیکر قومی اسمبلی اسد قیصر کا کہنا ہے کہ اپنے خلاف عدم اعتماد کا علم نہیں، کوئی لانا چاہتا ہے تو اس کا حق ہے۔

اے آر وائی نیوز کی رپورٹ کے مطابق اسپیکر قومی اسمبلی اسد قیصر نے میڈیا سے گفتگو کرتے ہوئے کہا کہ خورشید شاہ کا پروڈکشن آرڈر کبھی نہیں روکا، وہ بیماری کی وجہ سے ایوان میں نہیں آتے، مجھ سے زیادہ پروڈکشن آرڈر کس اسپیکر نے جاری کیے۔

اسد قیصر نے کہا کہ وزیراعظم، قائد حزب اختلاف دونوں کو ایوان میں زیادہ آنا چاہئے، پارلیمان چلے گا تو جمہوریت چلے گی، عوامی مسائل حل ہوں گے، اپوزیشن کو ہمیشہ زیادہ وقت دیا، کبھی حکومت ناراض تو کبھی اپوزیشن کو شکوہ رہتا ہے۔

اسپیکر قومی اسمبلی نے کہا کہ یہ سال قانون سازی کا سال ہوگا، پرائیویٹ بلز کے معاملے پر جلد کمیٹی نوٹیفائی کردی جائے گی۔

انہوں ںے کہا کہ عثمان بزدار کو وزیراعظم کا اعتماد حاصل ہے، وزیراعلیٰ پنجاب ڈیلیور کریں گے، اراکین قومی اسمبلی نے عثمان بزدار کو حلقوں کے مسائل سے آگاہ کیا ہے۔

اسد قیصر نے کہا کہ اس ملک کا سب سے بڑا مسئلہ معیشت کا تھا، ملک معاشی طور پر مستحکم ہورہا ہے، وہ دن قریب آگیا ہے جب افغانستان میں امن ہوگا، ہم چاہتے ہیں افغان عوام اپنے فیصلے خود کرے۔

صوابی: اسپیکر قومی اسمبلی اسد قیصر کا کہنا ہے کہ انشا اللہ بہت جلد پاکستان میں سود کے کاروبارکو بند کریں گے۔

تفصیلات کے مطابق اسپیکر قومی اسمبلی اسد قیصر نے پنج پیر ضلع صوابی میں اجتماع سے خطاب کرتے ہوئے کہا کہ موڈیز نے رپورٹ جاری کی پاکستانی معیشت بہتری کی جانب گامزن ہے۔

اسد قیصر کا کہنا تھا کہ پاکستان کی ایکسپورٹ الحمدللہ مزید بہتری کی طرف جا رہی ہے،بہتر پالیسیاں وزیراعظم عمران خان کی سیاسی بصیرت کا مظہر ہے۔

انہوں نے کہا کہ ضلع صوابی کے لیے ایک ارب 70 کروڑ روپے کا پیکج منظور کیاگیا ہے،نوجوانوں کے لیے 58 اسپورٹس گراؤنڈ تعمیر کیے جائیں گے،سڑکیں،تعلیمی ادارے اور اسپتال ترجیحی بنیاد پرقائم کیے جا رہے ہیں،ہر علاقے میں گھرگھر تک سوئی گیس کی سہولیت پہنچا کر دم لوں گا۔

اسد قیصر کا کہنا تھا کہ سود کے کاروبار کے خلاف بھی ایک بل پر کام جاری ہے،انشا اللہ بہت جلد پاکستان میں سود کے کاروبار کو بند کریں گے۔

اسپیکر قومی اسمبلی نے کہا کہ یکساں نصاب تعلیم کو بھی بہت جلد پائیہ تکمیل تک پہنچایاجائے گا،مدارس میں بھی طلبہ کو انگلش اورسائنسی تعلیم دی جائےگی۔

اسلام آباد: اسپیکر قومی اسمبلی اسد قیصر کا کہنا ہے کہ زرعی ملک ہوتے ہوئے اناج باہر سے منگوانا قابل افسوس ہے۔

تفصیلات کے مطابق اسپیکر قومی اسمبلی اسدقیصر کی زیر صدارت خصوصی زرعی کمیٹی کا اجلاس ہوا جس میں فہمیدہ مرزا، یوسف تالپور، ارباب شیر علی سمیت ارکان اسمبلی نے شرکت کی۔

اجلاس سے خطاب کرتے ہوئے اسپیکر قومی اسمبلی کا کہنا تھا کہ زرعی ملک کے باوجود بہت مشکلات ہیں،ہمیں ایسےاقدامات کرنے ہیں کہ زراعت بہتر ہو۔

اسد قیصر نے کہا کہ وزیراعظم عمران خان زراعت کی بہتری کے لیے اقدامات کرنا چاہتے ہیں،خوشی ہے تمام جماعتیں سیاسی اختلافات سے بالا زراعت کی بہتری پر کام کر رہی ہیں۔

انہوں نے بتایا کہ زراعت کی بہتری کے لیے ٹاسک فورس بنائی جائے گی،زراعت کے حوالے سے مسائل کا سائنسی بنیادوں پر حل چاہتے ہیں،زرعی ملک ہوتے ہوئے اناج باہر سے منگوانا قابل افسوس ہے۔

اسپیکر قومی اسمبلی کا کہنا تھا کہ وزیراعظم عمران خان نے زراعت پالیسی بنانے کے لیے جامع رپورٹ طلب کی ہے۔

اسلام آباد: اسپیکر قومی اسمبلی اسد قیصر نے کہا ہے کہ ٹیکس نظام کو عوام دوست بنایا جائے۔

تفصیلات کے مطابق اسپیکر قومی اسمبلی اسد قیصر سے چیئرمین ایف بی آر جاوید غنی نے ملاقات کی جس میں ایف بی آر کی کارکردگی بہتر بنانے سے متعلق تبادلہ خیال کیا گیا۔

اسپیکر قومی اسمبلی کا کہنا تھا کہ ٹیکس کلیکشن کے اہداف حاصل کرنے کے لیے اقدامات کیے جائیں،ملک کی ترقی کے لیے ایف بی آر کو خاص اہمیت حاصل ہوتی ہے، ایف بی آر کی کارکردگی بہتر ہونے سے ملک کی اکنامی بہتر ہوگی۔

اسد قیصر نے کہا کہ ٹیکس نظام کو عوام دوست بنایا جائے،ایف بی آر میں اصلاحات لا کر کارکردگی کو بہتر بنایا جا سکتا ہے۔

چیئرمین ایف بی آر کا کہنا تھا کہ وزیراعظم عمران خان کی ہدایت پر اصلاحات پر کام ہو رہا ہے،ٹیکس وصولی کے نظام کو مزید آسان بنایا جا رہا ہے،ایف بی آر کے نظام کو ڈیجیٹل کیا جا رہا ہے۔

اسپیکر قومی اسمبلی نے چیئرمین ایف بی آر کو افغان بارڈز پر درپیش مسائل کو فوری حل کرنے کی ہدایت کرتے ہوئے کہا کہ ہمیں اپنے ایکسپورٹرز کو ہرممکن سہولت دینی ہے،عوام کی زندگیوں سےمشکلات کو کم کرنا ہے۔