Tag: اسد قیصر

اسلام آباد: اسپیکر قومی اسمبلی اسد قیصر نے کہا ہے کہ خیبرپختونخوا کوگندم کی فراہمی یقینی بنانے کے لیے اقدامات کیے جائیں۔

تفصیلات کے مطابق اسپیکر قومی اسمبلی اسد قیصر کی زیرصدارت اہم اجلاس ہوا جس میں وزیر خوراک پنجاب،وزیر خوراک خیبر پختونخوا نے شرکت کی۔

اسد قیصر نے صوبے میں گندم خریداری کے اہداف بروقت مکمل کرنے کی ہدایت کرتے ہوئے کہا کہ خیبرپختونخوا کوگندم کی فراہمی یقینی بنانے کے لیے اقدامات کیے جائیں۔

وزیر خوراک خیبرپختونخوا نے کہا کہ کےپی کی گندم کی پیداوار ضرورت سے کم ہے،پنجاب سے ضرورت کی گندم خریدنے کے لیے تیار ہیں۔وزیر خوراک پنجاب کا کہنا تھا کے پی کی گندم کی ضرورت پوری کرنے میں تعاون کریں گے۔

صوبائی وزیر خوراک عبد العلیم خان نے کہا کہ پنجاب اپنی وافرگندم چھوٹے صوبوں کو فراہم کرنے کو تیار ہے۔

اجلاس کے دوران اسپیکر قومی اسمبلی کا کہنا تھا کہ ٹڈی دل ملک میں فصلوں کے لیے ایک بڑا خطرا ہے،ٹڈی دل کے خاتمے کے لیے مل کام کرنےکی ضرورت ہے۔

اسلام آباد: اسپیکر قومی اسمبلی اسد قیصر نے کہا کہ گندم کٹائی کے دوران کسانوں کو سہولتیں فراہم کی جائیں۔

تفصیلات کے مطابق وفاقی دارالحکومت اسلام آباد میں اسپیکر قومی اسمبلی اسد قیصر سے وزیر نیشنل فوڈ سیکیورٹی فخر امام نے ملاقات کی جس میں خصوصی کمیٹی برائے زرعی اجناس کی سفارشات سمیت لاک ڈاؤن اور موجودہ صورت حال کے باعث کسانوں کو درپیش مسائل پر تبادلہ خیال کیا گیا۔

اس موقع پر اسپیکر قومی اسمبلی نےگندم کٹائی کے دوران کسانوں کو سہولتیں فراہم کرنے کی ہدایت کرتے ہوئے کہا کہ آئندہ بجٹ میں خصوصی توجہ دے کر زرعی شعبے کو ترقی دی جاسکتی ہے،وزارت آئندہ بجٹ کے لیے اپنی سفارشات مرتب کرے۔

اسد قیصر کا کہنا تھا کہ زراعت کا شعبہ قومی غذائی تحفظ، غربت کے خاتمے کے لیے اہم ہے،زراعت ملکی معیشت میں ریڑھ کی ہڈی کی حیثیت رکھتی ہے۔

انہوں نے کہا کہ کسان دوست پالیسی زرعی شعبےکی ترقی میں اہم کردار ادا کرسکتی ہے،زراعت کے شعبے کی ترقی کے لیے بڑا پیکج ضروری ہے،کمیٹی سفارشات کو پالیسی کا حصہ بنا کر کسانوں کا تحفظ کیا جا سکتا ہے۔

دوسری جانب وزیر نیشنل فوڈ سیکیورٹی فخر امام کا کہنا تھا کہ ملک میں خوراک کی کوئی قلت نہیں،زرعی معیشت کو ترقی دینے کے لیے خصوصی کمیٹی کی سفارشات پر عمل کیا جائے گا،بہتر رابطے سے زرعی ترقی کے لیے صوبوں میں ہم آہنگی پیدا کرنا ہوگی۔

اسلام آباد: اسپیکر قومی اسمبلی اسد قیصر کا کہنا ہے کہ اوورسیز پاکستانیوں کو 10 دن کے اندر واپس لائیں گے۔

تفصیلات کے مطابق اسپیکر قومی اسمبلی اسد قیصر نے اوورسیز پاکستانیوں کے لیے پیغام میں کہا کہ یقین دلاتاہوں اوورسیز پاکستانیوں کی مشکلات کا ادراک ہے،حکومت مشکل گھڑی میں اوورسیز پاکستانیوں کے ساتھ ہے۔

اسپیکر قومی اسمبلی کا کہنا تھا کہ اوورسیز پاکستانیوں کے مسائل پر پپر کو اجلاس طلب کیا ہے،سول ایوی ایشن کے وزیر،سیکرٹری اور ایم ڈی پی آئی اے کو بلایا ہے۔

اسد قیصر کا مزید کہنا تھا کہ اوورسیز پاکستانیوں کو 10 دن کے اندر واپس لائیں گے۔

دوسری جانب دفتر خارجہ نے کرونا وائرس کے پیش نظر بیرون ملک مقیم پاکستانیوں کی مشکلات کو دور کرنے کے لیے کرائس مینجمنٹ سیل قائم کر دیا ہے۔

وزیر خارجہ شاہ محمود قریشی نے بیرون ملک مقیم پاکستانیوں کے لیے سماجی رابطے کی ویب سائٹ ٹویٹر پر خصوصی ویڈیو پیغام جاری کیا جس میں انہوں نے کہا کہ کرونا وائرس نے نہ صرف پاکستان بلکہ پوری دنیا کو اپنی لپیٹ میں لے رکھا ہے، دوسری جنگ عظیم کے بعد دنیا نے اتنا بڑا چیلنج نہیں دیکھا جو آج ہم دیکھ رہے ہیں۔

شاہ محمود قریشی کا کہنا تھا کہ اس چیلنج کا مقابلہ کرنے کے لیے پاکستان اپنے وسائل سے مطابق بندوبست کر رہا ہے، انفراسٹرکچر بنانے کی کوشش کی ہے۔

اسلام آباد: اسپیکر قومی اسمبلی اسد قیصر کی زیرصدارت کرونا وائرس پر پارلیمانی کمیٹی کا اجلاس آج ہوگا۔

تفصیلات کے مطابق وفاقی دارالحکومت اسلام آباد میں کرونا وائرس پر پارلیمانی کمیٹی کا اجلاس آج دوپہر 12 بجے پارلیمنٹ ہاؤس میں ہوگا۔اسپیکر قومی اسمبلی اسد قیصر25 رکنی پارلیمانی کمیٹی کے اجلاس کی صدارت کریں گے۔

ترجمان قومی اسمبلی کے مطابق وزیراعظم کے مشیر خزانہ ڈاکٹر حفیظ شیخ اور مشیر تجارت وصنعت عبدالرزاق داؤد کرونا وائرس کی وجہ سے ملکی معیشت اور تجارت پر پڑنے والے اثرات اور معیشت کی بحالی پر پارلیمانی کمیٹی کو بریفنگ دیں گے۔

معاون خصوصی ظفرمرزا، چیئرمین این ڈی ایم اے محمدافضل کرونا پر بریفنگ دیں گے۔اجلاس میں کمیٹی کے ممبران ویڈیو کانفرنس کے ذریعے بھی شریک ہوں گے۔

پارلیمانی کمیٹی کرونا سے متعلق معاملات کا جائرہ، مانیٹرنگ، نگرانی کے لیے قائم کی گئی ہے، پارلیمانی کمیٹی میں قومی اسمبلی سے 12، سینیٹ سے 13 پارلیمانی لیڈرز شامل ہیں۔

پارلیمانی کمیٹی کرونا وائرس سے متعلق سرگرمیوں پر نظر رکھےگی، اسد قیصر

یاد رہے کہ دو روز قبل اسپیکر قومی اسمبلی اسد قیصر کا کہنا تھا کہ پارلیمانی کمیٹی کرونا وائرس سے متعلق سرگرمیوں پر نظر رکھےگی، جہاں پر بھی کوتاہی نظر آئےگی کمیٹی ایکشن لےگی۔

اسلام آباد: اسپیکر قومی اسمبلی اسد قیصر کا کہنا ہے کہ نامساعدحالات کے باوجود میڈیا کی فرنٹ لائن پر رپورٹنگ قابل تعریف ہے۔

تفصیلات کے مطابق اسپیکر قومی اسمبلی اسد قیصر نے کہا کہ کرونا پھیلاؤ روکنے میں میڈیا کا کردار انتہائی اہمیت کا حامل ہے، پاکستانی میڈیا نے آگاہی مہم میں انتہائی ذمہ دارانہ رپورٹنگ کی۔

اسد قیصر کا کہنا تھا کہ نامساعدحالات کے باوجود میڈیا کی فرنٹ لائن پر رپورٹنگ قابل تعریف ہے، میڈیا نے مشکل وقت میں ذمہ دارانہ رپورٹنگ سے ملک و قوم کا سر فخر سے بلند کردیا۔

اسپیکر قومی اسمبلی کا مزید کہنا تھا کہ حکومت میڈیا کے معاشی مسائل کے حل کے لیے سنجیدہ اقدامات اٹھا رہی ہے۔

واضح رہے کہ اسپیکر قومی اسمبلی نے کرونا وائرس پر پارلیمانی کمیٹی کا اجلاس 6 اپریل کو طلب کر رکھا ہے۔اجلاس دوپہر کو 12 بجے پارلیمنٹ ہاؤس میں ہوگا۔ اسد قومی اسمبلی 25 رکنی پارلیمانی کمیٹی کے اجلاس کی صدارت کریں گے۔

ترجمان قومی اسمبلی کے مطابق وزیراعظم کے مشیر خزانہ ڈاکٹر حفیظ شیخ اور مشیر تجارت وصنعت عبدالرزاق داؤد کرونا وائرس کی وجہ سے ملکی معیشت اور تجارت پر پڑنے والے اثرات اور معیشت کی بحالی پر پارلیمانی کمیٹی کو بریفنگ دیں گے۔

اسلام آباد: اسپیکر قومی اسمبلی اسد قیصر کا کہنا ہے کہ پارلیمانی کمیٹی کرونا وائرس سے متعلق سرگرمیوں پر نظر رکھےگی۔

تفصیلات کے مطابق اسپیکر قومی اسمبلی اسد قیصر نے کہا کہ پارلیمانی کمیٹی کرونا وائرس سے متعلق سرگرمیوں پر نظر رکھےگی، جہاں پر بھی کوتاہی نظر آئےگی کمیٹی ایکشن لےگی۔

اسد قیصر کا کہنا تھا کہ پارلیمانی کمیٹی حکومت کو مثبت تجویز دےگی، معاشی مسائل پر بھی حکومت اپنی پالیسی پارلیمانی کمیٹی کے سامنے رکھےگی۔

اسپیکر قومی اسمبلی نے کہا کہ ہمارا ملک کرفیو کا متحمل نہیں ہو سکتا،وزیر اعظم کو عام آدمی کی فکر ہے، اس وقت بہت زیادہ ذمہ دارانہ رویوں کی ضرورت ہے۔

واضح رہے کہ اسپیکر قومی اسمبلی نے کرونا وائرس پر پارلیمانی کمیٹی کا اجلاس 6 اپریل کو طلب کر رکھا ہے۔اجلاس دوپہر کو 12 بجے پارلیمنٹ ہاؤس میں ہوگا۔ اسد قیصر 25 رکنی پارلیمانی کمیٹی کے اجلاس کی صدارت کریں گے۔

ترجمان قومی اسمبلی کے مطابق وزیراعظم کے مشیر خزانہ ڈاکٹر حفیظ شیخ اور مشیر تجارت وصنعت عبدالرزاق داؤد کرونا وائرس کی وجہ سے ملکی معیشت اور تجارت پر پڑنے والے اثرات اور معیشت کی بحالی پر پارلیمانی کمیٹی کو بریفنگ دیں گے۔

اسلام آباد: اسپیکر قومی اسمبلی اسد قیصر کا کہنا ہے کہ یہ وقت سیاست کا نہیں ابھی نہ سنبھلے توخدانخواستہ بڑا حادثہ ہوسکتا ہے۔

تفصیلات کے مطابق اے آروائی نیوز کے پروگرام اعتراض ہے میں اسپیکر قومی اسمبلی اسد قیصر نے کہا کہ طے کیا تھا ایسا میکنزم بناتے ہیں پارلیمنٹ بھی صورت حال میں کردار ادا کرے،اپوزیشن جماعتوں سے رابطہ کیا، کوشش کی سب کو ایک میز پر لاؤں۔

اسد قیصر کا کہنا تھا کہ پارلیمانی کمیٹی تشکیل دے دی گئی ہے، ممبران اجلاس میں شرکت کریں گے، پارلیمانی کمیٹی میں تمام پارٹیوں کے سینئر عہدیداران شامل ہیں۔

انہوں نے کہا کہ کرونا وائرس کا مقابلہ کوئی پارٹی یا حکومت تنہا نہیں کرسکتی، عالمی سطح پر دیکھ لیں کرونا کی صورت حال کیسی ہے،بڑی بڑی جمہوریتیں بھی کرونا کے سامنے بے بس ہیں۔

اسپیکر قومی اسمبلی کا کہنا تھا کہ سیاسی لیڈران سےگزارش کروں گا سیاست کو ایک طرف رکھیں،یہ وقت سیاست کا نہیں، متفقہ لائح عمل اور متحد ہونے کا ہے۔

انہوں نے کہا کہ کرونا وائرس کے خلاف ہم سب نے مل کر لڑنا ہے، یہ وقت سیاست کا نہیں ابھی نہ سنبھلے تو خدانخواستہ بڑا حادثہ ہوسکتا ہے، ہمیں مل کر آگے چلنا ہے تاکہ عوام کوع المی وبا سے بچاسکیں۔

اسد قیصر کا کہنا تھا کہ اس وقت ہیلتھ ایمرجنسی کی صورت حال ہے، ہمیں اس وقت اپنی ہیلتھ کی استعداد بڑھانی ہے، ہمیں اپنے تمام وسائل اس وقت ہیلتھ پر لگانے چاہئیں۔

انہوں نے کہا کہ ہیلتھ کےشعبےمیں افرادی قوت کی کمی کو پورا کرناچاہیے، ہمیں موقع ملاہےکہ اپنی ہیلتھ کی سہولتوں پر خصوصی توجہ دیں، ہمیں ملک بھرمیں ہیلتھ ایمرجنسی ڈیکلیئر کرنی چاہیے۔

‌اسپیکر قومی اسمبلی کا کہنا تھا کہ جنگ کی صورت حال ہے، معمولات کےمعاملات ترک کر دینے چاہئیں، ماضی میں ہماری ہیلتھ کی صورت حال کو نظرانداز کیاگیا، ماضی میں جس شعبے کو نظرانداز کیاگیا وہ آج توجہ طلب ہے۔

صوابی: اسپیکر قومی اسمبلی اسد قیصر کا کہنا ہے کہ مہنگائی سےایک ماہ میں عوام کو نجات مل جائے گی۔

تفصیلات کے مطابق صوابی میں اسپیکر قومی اسمبلی اسد قیصر نے کہا کہ وزیراعظم عمران خان آٹے اور چینی بحران میں ملوث افراد کو نہیں چھوڑیں گے۔

اسد قیصر کا کہنا تھا کہ مہنگائی سےایک ماہ میں عوام کو نجات مل جائے گی، حکومت کے ابتدائی فیصلوں کے ثمرات جلد ملنے والے ہیں۔

حکومت عوام کی مشکلات پر خاموش تماشائی نہیں رہ سکتی،وزیراعظم

یاد رہے کہ تین روز قبل وزیراعظم عمران خان کا کہنا تھا کہ حکومت کی کوشش ہے جہاں تک ممکن ہوسکے ریلیف فراہم کیا جائے، ماضی کے حکمرانوں کے معاہدوں کا بوجھ عوام پر پڑ رہا ہے،حکومت عوام کی مشکلات پر خاموش تماشائی نہیں رہ سکتی۔

وزیراعظم پاکستان کا کہنا تھا کہ عوام کو ریلیف فراہم کرنے کے ہر آپشن پر غور کیا جائے گا، قیمتوں میں کمی لانے کی غرض سے جامع روڈ میپ جلد مرتب کیا جائے، تجاویز دیں تاکہ قابل عمل سفارشات پر عمل درآمد کیاجاسکے۔

اسلام آباد: اسپیکر قومی اسمبلی اسد قیصر کا کہنا ہے کہ عزیز میمن کے قاتلوں کو کیفر کردار تک پہنچایا جائے۔

تفصیلات کے مطابق وفاقی دارالحکومت اسلام آباد میں وزیر داخلہ اعجاز شاہ نے اسپیکر قومی اسمبلی اسد قیصر سے ملاقات کی جس میں صحافی عزیز میمن کے قتل کی تحقیقات سمیت ملکی مجموعی صورتحال پر گفتگو کی گئی۔

اسپیکر قومی اسمبلی نے صحافی عزیز میمن کے قتل کی شدید الفاظ میں مذمت کرتے ہوئے کہا کہ عزیز میمن کا بہیمانہ قتل آزادی صحافت پر کاری ضرب ہے۔ انہوں نے سندھ کے صحافی عزیز میمن کے قتل کی فوری تحقیقات کی ہدایت کردی۔

اسد قیصر نے کہا کہ تحقیقاتی عمل میں غیر جانبداری اور شفافیت کو یقینی بنایا جائے، عزیزمیمن کے قاتلوں کو کیفر کردار تک پہنچایا جائے۔ انہوں نے مزید کہا کہ صحافیوں کی پیشہ ورانہ ذمہ داریوں کے لیے اقدامات اٹھائے جائیں۔

دوسری جانب وزیر داخلہ اعجاز احمد شاہ نے کہا کہ صحافی عزیز میمن کا قتل انتہائی شرمناک اور قابل مذمت فعل ہے، عزیز میمن کے قتل کی غیر جانبدارانہ تحقیقات کو یقینی بنایا جائے گا۔

انہوں نے مزید کہا کہ موجودہ حکومت آزادی صحافت پر یقین رکھتی ہے، صحافی برادری کو فرائض کی انجام دہی پر ہرممکن تحفظ دیا جائے گا۔