Tag: اسد قیصر

اسلام آباد: اسپیکر قومی اسمبلی اسد قیصر کا کہنا ہے کہ کشمیرمیں 80 روز سے کرفیو یو این چارٹر کی خلاف ورزی ہے، مسئلہ کشمیر پرسلامتی کونسل کی قراردادوں پرعملدرآمد چاہتے ہیں۔

تفصیلات کے مطابق اقوام متحدہ کے عالمی دن پر اسپیکر قومی اسمبلی اسد قیصر نے اپنے پیغام میں کہا کہ اقوام متحدہ چارٹر کے مطابق تنازعات کے حل کے لیے کردار ادا کرے۔

اسد قیصر نے کہا کہ 5 اگست کے اقدام نے کشمیری عوام کو جائزحقوق سے محروم کر رکھا، کشمیری عوام کو حقوق دلانے میں یو این کردار ادا کرے، کشمیر میں 80 روز سے کرفیو یو این چارٹر کی خلاف ورزی ہے۔

اسپیکر قومی اسمبلی نے کہا کہ یواین مقبوضہ کشمیر میں انسانی حقوق کی سنگین خلاف ورزیوں کا نوٹس لے، مسئلہ کشمیر پرسلامتی کونسل کی قراردادوں پرعملدرآمد چاہتے ہیں۔

اقوام متحدہ کا عالمی دن آج منایا جا رہا ہے

واضح رہے کہ آج اقوام متحدہ کا عالمی دن منایا جا رہا ہے۔ یہ دن 1945 میں اقوام متحدہ کے منشور کے نافذ العمل ہونے کی سالگرہ کی یاد تازہ کرنے کے لیے تمام ممبر ممالک ہرسال آج کے دن مناتے ہیں۔

دوسری جنگ عظیم کے بعد آئندہ نسلوں کو جنگوں کی تباہ کاریوں سے بچانے اور دنیا بھر کے تمام ملکوں کو مذاکرات کے لیے ایک پلیٹ فارم مہیا کرنے کے لیے 1945 میں اقوام متحدہ کا قیام عمل میں لایا گیا جس کا مقصد عالمی قوانین، سماجی و اقتصادی ترقی، حقوق انسانی اور دنیا بھر میں امن قائم کرنے کے لیے مدد فراہم کرنا ہے۔

اسلام آباد: اسپیکر قومی اسمبلی اسد قیصر نے بڑا اہم قدم اٹھاتے ہوئے قومی اسمبلی کے اجلاس کی کارروائی تک شہریوں کو رسائی دینے کا فیصلہ کر لیا ہے۔

تفصیلات کے مطابق اسد قیصر نے اسمبلی کے ایوان کی کارروائی عوام الناس کے لیے کھولنے کا اعلان کر دیا ہے، عام آدمی کے اجلاس کی کارروائی دیکھنے کے لیے ایک گیلری استقبالیہ تشکیل دیا جائے گا۔

اسپیکر اسد قیصر کل 4 اکتوبر کو دن 12 بجے افتتاح کریں گے، ہر شہری شناختی کارڈ کے ذریعے اسمبلی اجلاس کی کارروائی دیکھ سکے گا۔

انھوں نے کہا ایوان کی کارروائی تک عام پاکستانی کو رسائی دینے کا مقصد یہ ہے کہ عوام کو منتخب نمایندوں سے رابطوں میں آسانی پیدا ہوگی، یہ ایوان عوام کے ووٹوں سے وجود آیا، اس میں رسائی عوام کا حق ہے۔

تازہ ترین:  زرعی پیداوار میں اضافہ ہی ملکی معیشت بہتر کر سکتا ہے: اسپیکر قومی اسمبلی

اسد قیصر نے کہا ایوان بالا اور ایوان زیریں عوام کے تمام حقوق کے ضامن ہیں، اس فیصلے پر عمل پیرا ہو کر عام آدمی کے مسائل کو حل کرنے میں مدد گار ثابت ہو سکتے ہیں۔

واضح رہے کہ اسد قیصر نے پہلے بھی قومی اسمبلی سے متعلق غیر معمولی فیصلے کیے ہیں، گزشتہ سال دسمبر میں انھوں نے سیاست دانوں پر ذاتی گارڈز پارلیمنٹ احاطے میں لانے پر پابندی لگا دی تھی۔

جب کہ اس سے قبل اکتوبر میں اسد قیصر نے حکومت کی کفایت شعاری مہم کے تحت قومی اسمبلی سیکرٹریٹ کی گاڑیوں کی نیلامی کا فیصلہ بھی کیا تھا۔

اسلام آباد: اسپیکر قومی اسمبلی اسد قیصر نے کہا ہے کہ گنے کی فصل تیار ہے، کاشت کاروں کا تحفظ یقینی بنایا جائے گا، پیر کو ہونے والے اجلاس میں گنے کی قیمت خرید طے کی جائے گی۔

تفصیلات کے مطابق آج زراعت سے متعلق خصوصی پارلیمانی کمیٹی کا اسد قیصر کی زیر صدارت اجلاس منعقد ہوا، اسد قیصر نے کہا کہ گنے کی قیمت خرید طے کرنے کے لیے پیر کو اجلاس ہوگا، گنے کے کاشت کار کو مناسب قیمت دلوانے کوشش کریں گے۔

ان کا کہنا تھا زرعی شعبے کو بہتر بنانے کے لیے وزارت تجارت اور غذائی تحفظ کے ساتھ مل کر کام کریں گے، کپاس کے کاشت کاروں کا تحفظ بھی اوّلین ترجیح ہے۔

اسپیکر اسد قیصر نے مزید کہا زرعی شعبے سے مڈل مین کا کردار ختم کرنے کی کوشش کریں گے، زراعت کے شعبے میں جدید ٹیکنالوجی سے استفادہ کیا جائے گا۔

یہ بھی پڑھیں:  کپاس کے کاشت کاروں کے مسائل پر تھنک ٹینک تشکیل دیا ہے: اسد قیصر

یاد رہے کہ گزشتہ اجلاس میں کپاس کے کاشت کاروں کے مسائل کے حل کے لیے تھنک ٹینک تشکیل دیا گیا تھا، اسد قیصر کا کہنا تھا کہ کپاس ملک کی سب سے زیادہ نقد آور فصل ہے، کپاس کا پیداواری ہدف 2 کروڑ گانٹھ مقرر کیا گیا ہے۔

واضح رہے کہ رواں سیزن ملکی کپاس کی پیداوار میں نمایاں کمی ریکارڈ کی گئی ہے، رواں برس ہونے والی کپاس کی پیداوار گزشتہ سیزن سے 8 لاکھ بیلز کم رہی۔

رواں برس ہونے والی کپاس کی پیداوار کا حجم 1 کروڑ 6 لاکھ بیلز رہا جب کہ گزشتہ سیزن میں کپاس کی پیداوار کا حجم 1 کروڑ 14 لاکھ بیلز سے زاید رہا تھا۔

رواں سیزن کی پیداوار میں سے ٹیکسٹائل کمپنیوں نے 90 لاکھ بیلز جب کہ برآمد کنندگان نے 1 لاکھ بیلز خریدیں، خیال رہے کہ موجوہ حکومت نے پہلے ہی سال میں کپاس کی درآمدات پر ٹیکس چھوٹ دینے کا اعلان کیا تھا۔

اسلام آباد: اسپیکر قومی اسمبلی اسد قیصر نے کہا ہے کہ کاشت کاروں کی فلاح کے لیے اقدامات کیے جا رہے ہیں، کپاس کے کاشت کاروں کے مسائل پر تھنک ٹینک تشکیل دیا ہے۔

تفصیلات کے مطابق اسلام آباد میں اسپیکر قومی اسمبلی اسد قیصر نے پریس کانفرنس کی، انھوں نے کہا کہ پہلی بار کاشت کاروں کے مسائل کے حل کے لیے خصوصی پارلیمانی کمیٹی بنائی گئی ہے۔

اسد قیصر کا کہنا تھا کہ اس خصوصی پارلیمانی کمیٹی میں تمام جماعتوں کے نمایندے شامل ہیں۔

انھوں نے کہا کہ زراعت ملکی معیشت میں ریڑھ کی ہڈی کی حیثیت رکھتی ہے، آج کے اجلاس میں کپاس کے کاشت کاروں کے مسائل کا جائزہ لیا گیا۔

قومی اسمبلی کے اسپیکر نے کہا کہ کپاس کے کاشت کاروں کے مسائل کے حل کے لیے تھنک ٹینک تشکیل دیا ہے، کپاس ملک کی سب سے زیادہ نقد آور فصل ہے، کپاس کا پیداواری ہدف 2 کروڑ گانٹھ مقرر کیا گیا ہے۔

واضح رہے کہ رواں سیزن ملکی کپاس کی پیداوار میں نمایاں کمی ریکارڈ کی گئی ہے، رواں برس ہونے والی کپاس کی پیداوار گزشتہ سیزن سے 8 لاکھ بیلز کم رہی۔

رواں برس ہونے والی کپاس کی پیداوار کا حجم 1 کروڑ 6 لاکھ بیلز رہا جب کہ گزشتہ سیزن میں کپاس کی پیداوار کا حجم 1 کروڑ 14 لاکھ بیلز سے زاید رہا تھا۔

رواں سیزن کی پیداوار میں سے ٹیکسٹائل کمپنیوں نے 90 لاکھ بیلز جب کہ برآمد کنندگان نے 1 لاکھ بیلز خریدیں، خیال رہے کہ موجوہ حکومت نے پہلے ہی سال میں کپاس کی درآمدات پر ٹیکس چھوٹ دینے کا اعلان کیا تھا۔

صوابی: اسپیکر قومی اسمبلی اسد قیصر کا کہنا ہے کہ پاکستان کشمیریوں کی جدوجہد میں عالمی اور علاقائی فورمز پر ہمیشہ ان کے ساتھ کھڑا رہے گا۔

تفصیلات کے مطابق اسپیکر قومی اسمبلی نے صوابی میں عوامی جلسے سے خطاب کرتے ہوئے کہا کہ بھارتی مظالم اور جارحیت سے کشمیری عوام حق خودارادیت کے لیے اپنی جدوجہد ترک نہیں کریں گے۔

اسپیکر قومی اسمبلی نے کہا کہ پاکستان کشمیریوں کی جدوجہد میں عالمی اور علاقائی فورمز پر ہمیشہ ان کے ساتھ کھڑا رہے گا۔

اسد قیصر نے کہا کہ پاکستان کی طرف سے اپنے اتحادیوں کی حمایت حاصل کرنے کے لیے بروقت اقدامات بھارتی حکومت کے غیر آئینی اور غیرقانونی اقدام کو اقوام متحدہ کی سلامتی کونسل میں اجاگر کرنے سے مسئلہ کشمیر مرکز نگاہ بن گیا ہے۔

یاد رہے کہ پانچ اگست کو مودی سرکار نے کشمیر کو خصوصی حیثیت دینے والے بھارتی آئین کے آرٹیکل 370 اے کو ختم کردیا تھا۔

راجیہ سبھا میں بل کے حق میں 125 جبکہ مخالفت میں 61 ووٹ آئے تھے، بھارت نے 6 اگست کو لوک سبھا سے بھی دونوں بل بھاری اکثریت کے ساتھ منظور کرالیے تھے۔