Tag: اسد مجید خان

واشنگٹن: امریکا میں پاکستان کے سفیر ڈاکٹراسد مجید خان نے کہا کہ امریکا میں مقیم پاکستانی کشمیر سے متعلق لوگوں کا آگاہ کریں۔

تفصیلات کے مطابق امریکی ریاست ورجینیا میں پاکستان ڈے میلے کا انعقاد ہوا جس میں ریاست بھر سے پاکستانی امریکیوں کی بڑی تعداد نے شرکت کی۔

ڈاکٹراسد مجید خان نے تقریب سے خطاب کرتے ہوئے کہا کہ پاک امریکہ تعلقات بہتری کی جانب گامزن ہیں، امریکا میں مقیم پاکستانیوں کے دل پاکستان کے ساتھ دھڑکتے ہیں۔

امریکا میں پاکستان کے سفیر ڈاکٹراسد مجید خان نے کہا کہ امریکا میں مقیم پاکستانی کشمیر سے متعلق لوگوں کا آگاہ کریں۔

پاکستان ڈے سے پاک پیک کے بورڈ ممبر اسفند یار چوہدری نے بھی خطاب کرتے ہوئے کہا کہ پاکستانی کمیونٹی امریکا میں سیاسی میدان میں متحرک ہو، پاکستانی نوجوان امریکی سیاسی میدان میں قدم رکھیں۔

اسفند یار چوہدری نے کہا کہ کشمیریوں کو حق دلانے کے لیے امریکا میں آگاہی پیدا کرنا ہوگی، متعلقہ ارکان کانگریس کو کشمیر کی صورتحال سے آگاہ کریں۔

امریکا سمیت عالمی برادری کشمیر کو متنازع علاقہ تسلیم کرتی ہے، اسد مجید خان

یاد رہے کہ گزشتہ ہفتے پاکستانی سفیر کا کہنا تھا کہ مقبوضہ کشمیرمیں مکمل طور پرلاک ڈاؤن ہے، بھارت نے مقبوضہ کشمیرمیں فوج کی تعداد میں حالیہ اضافہ کیا، 12ملین کشمیریوں پر9 لاکھ بھارتی فوج تعینات ہے، بھارت نے مقبوضہ وادی کودنیا کی سب سے بڑی جیل بنا دیا ہے۔

ہیوسٹن: امریکا میں تعینات پاکستانی سفیر اسد مجید خان کا کہنا ہے کہ آئی ایم ایف سے قرض لے کر چین کا قرضہ اتارنے کا تاثرقطعی طورپرغلط ہے۔

تفصیلات کے مطابق امریکا میں پاکستان کے سفیر ڈاکٹراسد مجید خان نے اے آروائی نیوز سے خصوصی گفتگو کرتے ہوئے کہا کہ عافیہ صدیقی کیس میں کافی قانونی پیچیدگیاں ہیں۔

انہوں نے کہا کہ امید ہےعافیہ صدیقی کیس میں کوئی صورت نکل آئے گی، شکیل آفریدی کا ڈاکٹرعافیہ صدیقی کے کیس سے کوئی تعلق نہیں۔

ڈاکٹراسد مجید خان نے کہا کہ نیپ میں کالعدم تنظیموں کے حوالے سے ہمارا موقف واضح ہے۔

پاکستانی سفیر نے کہا کہ آئی ایم ایف کے ساتھ مذاکرات آخری مرحلے میں ہیں، آئی ایم ایف سے قرض لے کر چین کا قرضہ اتارنے کا تاثرقطعی طورپرغلط ہے۔

پاکستان کا کالعدم تنظیموں‌ کے حوالے سے اہم قدم

یاد رہے کہ پاکستان کالعدم تنظیموں کے خلاف عالمی قوانین کے تحت کام کر رہا ہے۔ کالعدم تنظیموں کے اثاثہ جات سے متعلق بھی سخت اقدام کیے گئے ہیں۔

اسی باعث فنانشل ایکٹ ٹاسک فورس (ایف اے ٹی ایف) کی بلیک لسٹ میں پاکستان کا نام شامل نہیں کیا گیا۔

واشنگٹن: امریکا میں تعینات پاکستانی سفیر اسد مجید خان کا کہنا ہے کہ افغانستان میں امن کے لیے امریکا سے مل کر کام کرنا چاہتے ہیں۔

تفصیلات کے مطابق واشنگٹن میں پاکستانی سفیرڈاکٹر اسد مجید خان نے چیئرمین امورخارجہ ذیلی کمیٹی برائے جنوبی ایشیا سینیٹرمٹ رومنی سے ملاقات کی۔

اسد مجید خان نے ملاقات کے دوران ری پبلکن سینیٹرمٹ رومنی کو جنوبی ایشیا کے حالات پر تفصیلی بریفنگ دی۔

پاکستانی سفیر نے کہا کہ بھارتی پائلٹ کی رہائی کشیدگی کم کرنے کے لیے اہم تھی، انہوں نے پاک بھارت کشیدگی میں کمی کے لیے ٹرمپ انتظامیہ کے کردارکو سراہا۔

ڈاکٹراسد مجید خان نے کہا کہ کشمیریوں کوحق خودارادیت دیے بغیرخطے کا امن خطرے میں رہے گا، خطے کے اہم مسئلے پر مذاکرات کرنا چاہتے ہیں۔

پاکستانی سفیر نے کہا کہ افغانستان میں امن کے لیے امریکا سے مل کر کام کرنا چاہتے ہیں، پاکستان افغان امن کے لیے پُرعزم ہے۔

ری پبلکن سینیٹرمٹ رومنی نے بریفنگ پر پاکستانی سفیر کا شکریہ ادا کرتے ہوئے کہا کہ پاکستان اور امریکا کے متواتر رابطے اہم ہیں۔

پاکستان نے بھارتی جارحیت پرامریکی ردعمل کوناکافی قراردے دیا

یاد رہے کہ گزشتہ ہفتے واشنگٹن میں پاکستانی سفیرڈاکٹراسد مجیدخان نے پریس کانفرنس کے دوران بھارتی جارحیت پرامریکی ردعمل کوناکافی قراردیا تھا۔