Tag: اسرائیلی بربریت

اسرائیلی فورسز کی جانب سے غزہ میں مظالم ڈھانے کا سلسلہ تاحال جاری ہے، مغربی کنارے میں 24 گھنٹوں کے دوران اسرائیلی حملوں میں مزید 19 فلسطینی شہید ہوگئے۔

بین الاقوامی خبر رساں ادارے کی رپورٹ کے مطابق مغربی کنارے میں 7 اکتوبر سے اب تک شہید فلسطینیوں کی تعداد 176 تک پہنچ گئی ہے۔

علاوہ ازیں غزہ میں تل الحوا کے علاقے میں القدس اسپتال کے اطراف اسرائیل فوج کی جانب سے شدید بمباری کی گئی ہے، جس کے نتیجے میں 6 فلسطینی شہید ہو گئے۔ فلسطینی ہلالِ احمر کا کہنا ہے کہ اسپتال میں عملہ، مریض اور 14 ہزار سے زیادہ بے گھر افراد موجود ہیں۔

دوسری جانب حماس رہنما اسماعیل ہنیہ کے سیاسی مشیر طاہرال نونو کا نے انکشاف کیا ہے کہ اسرائیل سے جنگ بندی سے متعلق ابھی کوئی معاہدہ نہیں ہوا، تاہم بات چیت جاری ہے۔

بین الاقوامی خبر رساں ادارے کی رپورٹ کے مطابق حماس عہدیدار نے اپنے بیان میں اس حوالے سے مزید تفصیلات فراہم نہیں کیں۔

جبکہ ترجمان وائٹ ہاؤس جان کربی کا کہنا ہے کہ اسرائیل شمالی غزہ میں روزانہ 4 گھنٹے کے لیے جنگ بندی کرے گا، جزوی جنگ بندی سے یرغمالیوں کی رہائی میں مدد ملے گی۔

انہوں نے کہا کہ جزوی جنگ بندی کا عمل آج سے ہی شروع ہوگا، اسرائیل روزانہ تین گھنٹے پہلے جنگ بندی کے وقت کا تعین کرے گا۔

اسرائیلی فوج کی جانب سے غزہ میں بربریت کا سلسلہ جاری ہے، جبکہ شہید بچوں کی تعداد ساڑھے 3ہزار سے تجاوز کرگئی ہے۔

غیر ملکی ذرائع ابلاغ کی رپورٹ کے مطابق 7 اکتوبر سے اب تک غزہ میں اسرائیل کے وحشیانہ حملوں کے باعث ساڑھے 3 ہزار سے زائد بچے شہید ہوچکے ہیں، 1000ہزار سے زائد بچوں کے حوالے سے خدشہ ظاہر کیا جارہا ہے کہ وہ ملبے تلے دبے ہوئے ہیں۔

بچوں کے حقوق کے لیے سرگرم عالمی تنظمیم ‘سیو دی چلڈرن’ کے مطابق صرف 24 روز میں مرنے والے غزہ کے بچوں کی تعداد گزشتہ 4 سال میں دنیا بھر میں جنگ زدہ علاقوں میں ہلاک بچوں سے کہیں زیادہ ہے۔

غزہ وزارت صحت کا کہنا ہے کہ بمباری سے اب تک 32 طبی مراکز غیر فعال اور 25 ایمبولینس ناکارہ ہوچکی ہیں۔ غزہ کے واحد کینسر اسپتال کے قریب بھی بمباری کی گئی، غزہ پر اسرائیلی بمباری سے طبی عملے کے 124 ارکان شہید ہوچکے ہیں۔

دوسری جانب روسی صدر ولادیمیر پوتن نے کہا ہے کہ امریکا مشرق وسطیٰ میں افراتفری کاذمہ دار ہے، غزہ کی صورت حال انسانی المیہ ہے۔

اپنے بیان میں ان کا کہنا ہے کہ مشرق وسطیٰ کے مسائل کی جڑ امریکا اوراس کی پالیسیاں ہیں، یہ بات سب جانتے ہیں کہ مشرق وسطیٰ میں افراتفری کون چاہتا ہے اور اس کا فائدہ کس کو ہے۔

روسی صدر نے کہا کہ امریکا اور اس کے اتحادی مشرق وسطیٰ میں عدم استحکام کا فائدہ اٹھارہے ہیں، بیگناہ لوگوں کے قتل عام کو کسی صورت جائز قرار نہیں دیا جاسکتا، تنازع کا واحد حل صرف فلسطینی ریاست کا قیام ہے اور کچھ نہیں۔

روسی صدر ولادیمیر پوتن نے اسرائیلی جارحیت کے نتیجے میں غزہ کی صورت حال کو انسانی المیہ قرار دیا۔

غزہ میں اسرائیلی بربریت کا سلسلہ تھمنے میں نہیں آرہا، 24 ویں روز بھی اسرائیلی فوج کی جانب سے بمباری کا سلسلہ جاری ہے، جس کے باعث شہداء کی تعداد میں مسلسل اضافہ ہورہا ہے۔

غیر ملکی ذرائع ابلاغ کے مطابق خوفناک اسرائیلی بمباری کے باعث شہید فلسطینیوں کی تعداد 8 ہزار سے تجاوز کرگئی ہے، جس میں خواتین اور بچوں کی بڑی تعداد شامل ہے۔ وسطی غزہ میں اسرائیلی بمباری سے دیرالبلا کی مسجد بلال بن رباح شہید ہوگئی۔

اسرائیل نے غزہ کے سب سے بڑے الشفا اسپتال کے قریب بھی بم برسا دیے، القدس اسپتال کی جانب آنے والے راستوں کو تباہ کردیا، مسجد کے ساتھ بے گھروں کی پناہ گاہ بنے مکانات بھی کھنڈر بن گئے۔

ڈاکٹرز ود آوٹ بارڈرز کا اس حوالے سے کہنا ہے کہ اسپتال زخمیوں سے اور مردہ خانے لاشوں سے بھرے پڑے ہیں، شمالی غزہ کا علاقہ کھنڈرات کا منظر پیش کررہا ہے۔

دوسری جانب اسرائیلی فوج اور لبنانی حزب اللہ کے درمیان جاری کشیدگی شدت اختیار کرگئی ہے، فوجی ٹھکانوں پر حملے کے جواب میں حزب اللہ نے بھی تیاری کرلی ہے۔

لبنان کی حزب اللہ نے آج سے اسرائیل کی حدود میں واقع فوجی چوکی العباد پر حملے کا اعلان کردیا ہے، حزب اللہ کے ٹیلی گرام پیج پر اس موضوع سے متعلق ویڈیو مناظر اور تحریری بیان جاری کیا گیا ہے۔

ویڈیو مناظر کے مطابق العباد فوجی چوکی پر اسرائیل کے کیبل والے اور وائرلیس نیٹ ورک میں خفیہ خبریں سُننے والے اور سگنل خراب کرنے والے سامان، ریڈارز اور کیمرہ سسٹم پر مشتمل مرکز کو نشانہ بنایا گیا ہے۔

اسرائیلی فوج کی جانب سے غزہ میں بمباری کا سلسلہ تاحال جاری ہے، جس کے باعث معصوم شہریوں، بچوں، خواتین سمیت شہداء کی تعداد 6 ہزار سے تجاوز کرگئی ہے۔

غیر ملکی ذرائع ابلاغ کی رپورٹ میں فلسطینی وزارت صحت کا حوالہ دیتے ہوئے بتایا گیا ہے کہ اسرائیلی بمباری سے شہداء کی تعداد 6 ہزار 55 تک پہنچ چکی ہے، جن میں 50 فیصد سے زائد بچے اور خواتین شامل ہیں۔

اسرائیلی جارحیت کے نتیجے میں ڈاکٹروں سمیت طبی عملے کے درجنوں ارکان شہید ہوچکے ہیں، غزہ کے 35 میں سے 12 اسپتالوں نے کام بند کردیا ہے، 72 میں سے 46 طبی مراکز غیر فعال ہوچکے ہیں۔

گزشتہ روز رفح کراسنگ سے امدادی سامان کے 20 ٹرکوں کی غزہ میں منتقلی نہیں ہوسکی، امکان ظاہر کیا جارہا ہے کہ اب امدادی سامان کے ٹرک آج داخل ہوسکیں گے۔

اقوام متحدہ کے ادارہ برائے مہاجرین نے خبردار کرتے ہوئے کہا ہے کہ اگر ایندھن نہ ملا تو آج غزہ کے اسپتال بند ہوجائیں گے، صاف پانی کی فراہمی بھی بند ہوجائے گی۔

دوسری جانب فلسطینیوں کی حمایت میں بیان دینے پر اسرائیل نے سیکریٹری جنرل یواین سے مستعفی ہونے کا مطالبہ کر دیا۔ اقوام متحدہ میں اسرائیلی سفیر گیلاد اردن نے سلامتی کونسل میں انتونیوگوتریس کے تبصرے پر برہمی کا اظہار کیا ہے۔

انہوں نے کہا کہ ان لوگوں سے بات کرنے کا کوئی جواز یا فائدہ نہیں ہے جو اسرائیل کے شہریوں اور یہودیوں کے خلاف ہونے والے بدترین مظالم پر ہمدردی کا اظہار کرتے ہیں بس کوئی الفاظ نہیں ہیں۔سیکریٹری جنرل اقوام متحدہ نے اپنے خطاب میں فلسطینیوں کی 56سالہ گھٹن کا ذکر کیا تھا۔