غزہ : فلسطینی صحافی خالد نے اسرائیلی بمباری کے وقت جان دیتے ہوئے بھی اسرائیلی بربریت دنیا کو دکھا گیا اور شہید ہوگیا۔
تفصیلات کے مطابق فلسطینی صحافی نے اپنی موت کی وڈیو ریکارڈ کرلی، اسرائیلی بمباری کے وقت صحافی خالد اپنے ڈاکٹر ساتھی کے ساتھ جائے پناہ ڈھونڈ رہاتھا اور کیمرا آن تھا کہ اچانک ایک اسرائیلی میزائل نے دونوں کی زندگی کا چراغ گل کر دیا۔
فلسطینی صحافی خالد جان دیتے ہوئے بھی اسرائیلی سربریت دنیا کو دکھا گیا۔
اس سے قبل الجزیرہ ٹی وی کے غزہ میں بیوروچیف کی رہائش گاہ پراسرائیلی فضائی حملےمیں اُن کی اہلیہ، بیٹا اور سات سال کی بیٹی شہید ہوگئی تھی۔
رپورٹر وائل الدحدوح کے خاندان کے کچھ افراد غزہ کے جنوب میں واقع نصیرات پناہ گزین کیمپ میں مقیم ہونے کی وجہ سے حملے میں بال بال بچ گئے، جس وقت واقعہ پیش آیا وائل الدحدوح اپنے پیشہ وارانہ فرائض سرانجام دے رہے تھے۔
خیال رہے اسرائیل کی غزہ پر وحشیانہ بمباری میں مزید آٹھ سو فلسطینی شہید ہوگئے ہیں اور بیس دنوں میں شہدا کی تعداد 6 ہزار چھ سو چون ہوگئی جبکہ 19 ہزار سے زائد فلسطینی زخمی ہین ، جس میں دو ہزار پانچ سو ننھے پھول بھی شامل ہیں۔
غم سے نڈھال تمیم کی والدہ نے بتایا کہ منگل کی شام جب غزہ پر صہیونی فورسز کی جانب سے شدید حملہ کیا گیا تو داؤد پر شدید خوف و ہراس کا حملہ ہوا ،اسے فوری طور پر اسپتال لے جایا گیا جہاں ڈاکٹرز نے اسے آئی سو یو میں شفٹ کیا،ایک رات زندگی اور موت کے کشمکش میں رہنے کے بعد داؤد بدھ کے روز ہمیں روتا چھوڑگیا۔
