ایران کی جانب سے آبنائے ہرمز سے قبضے میں لیے گئے اسرائیلی جہاز پر موجود عملے میں شامل ایک بھارتی خاتون کو رہا کر دیا گیا۔
غیر ملکی ذرائع ابلاغ کے مطابق بھارتی وزارت خارجہ کا کہنا ہے کہ جہاز پر موجود باقی 16 بھارتی شہریوں کی رہائی کے لیے بات چیت جاری ہے۔
بھارتی وزیر خارجہ جے شنکر نے رواں ہفتے بھارتی عملے کی رہائی کیلیے ایرانی وزیر خارجہ حسین امیر سے بات کی تھی، بھارتی شہری خیریت سے اور اپنے گھر والوں سے رابطے میں ہیں۔
یاد رہے کہ ایرانی بحریہ نے 13 اپریل کو آبنائے ہرمز میں متحدہ عرب امارات سے بھارت جانے والے اسرائیلی مال بردار جہاز کو قبضے میں لے لیا تھا۔
اسرائیل کا ایران پر فضائی حملہ
بھارتی میڈیا کا اس حوالے سے کہنا ہے کہ قبضے میں لئے گئے جہاز میں عملے کے 17 بھارتی، 2 پاکستانی، 4 فلپائنی، 1 روسی اور 1 ایسٹونیا کا شہری شامل تھا۔
