ARYNews.tv | Urdu – Har Lamha Bakhabar

Tag: اسرائیلی حملے

  • غزہ : اسرائیلی حملے، ہزاروں افراد کی نقل مکانی

    غزہ : اسرائیلی حملے، ہزاروں افراد کی نقل مکانی

    غزہ : اسرائیلی جارحیت کا دوبارہ آغاز ہوتے ہی ہزاروں فلسطینیوں نے نقل مکانی شروع کردی ہے، اسرائیل کے تازہ حملوں میں دوبچوں سمیت سات فلسطینی شہید ہوگئے۔

    حماس سے تین روزہ جنگ بندی ختم ہونے کے بعد اسرائیل نے غزہ میں ایک بار پھر وحشیانہ بمباری کا سلسلہ شروع کردیا، حماس کی جانب سے نئے راکٹ حملوں کا بہانہ بنا کر اسرائیلی فوج نے غزہ کے مختلف علاقوں پربمباری کی اور تازہ دم فوجی دستے تعینات کردئیے ہیں۔

    اسرائیلی حملوں میں شدت آنے کے خدشے کے پیش نظر ہزاروں فلسطینی محفوظ مقامات کی طرف ہجرت کررہے ہیں، ایک ماہ سے جاری اسرائیلی حملوں میں اب تک دو ہزار فلسطینی شہید اور دس ہزار سے زائد زخمی ہوچکے ہیں ،حماس کے حملوں میں چونسٹھ اسرائیلی فوجی بھی مارے جا چکے ہیں ۔

  • غزہ:اسرائیلی حملے جاری، تازہ حملوں میں 6فلسطینی شہید، تعداد 200ہوگئی

    غزہ:اسرائیلی حملے جاری، تازہ حملوں میں 6فلسطینی شہید، تعداد 200ہوگئی

    غزہ: اسرائیل کے غزہ پر حملے جاری ہیں، تازہ حملوں میں چھ فلسطینیوں کی شہادت کے بعد نو روز میں اسرائیلی بربریت کی بھینٹ چڑھنے والے فلسطینیوں کی تعداد دو سو سے زیادہ ہوگئی ہے، اسرائیل نے مشرقی اور شمالی غزہ کے رہائشیوں کو علاقہ خالی کرنے کا حکم دیا ہے۔

    اسرائیل کی جانب سے غزہ پر حملوں کا سلسلہ جاری ہے، نو دنوں سے جاری اسرائیلی جارحیت کا نشانہ بننے والوں میں اکتیس بچے بھی شامل ہیں، اسرائیلی فضائیہ کی تازہ کارروائی میں رفاہ اور جوہر الدیک کے علاقوں میں بمباری کی گئی، جس کے نتیجے میں چھ فلسطینی شہید ہوگئے۔

    مصر کی جانب سے پیش کی گئی جنگ بندی کی تجویز کو قبول کرنے کے بعد اسرائیل نے چھ گھنٹے تک حملوں کا سلسلہ روکے رکھا تاہم حماس کی جانب سے راکٹ حملوں کا بہانہ بنا کر ایک بار پھر بمباری شروع کردی، غزہ کی سرحد پر راکٹ حملے میں ایک اسرائیلی ہلاک ہوا ہے، نو روز سے جاری اسرائیلی جارحیت کے دوران اسرائیل میں یہ پہلی ہلاکت ہے۔

    اسرائیلی وزیر اعظم بنجمن نتن یاہو نے کہا ہے کہ حماس نے جنگ کا انتخاب کیا ہے، اسے بھاری قیمت چکانا پڑے گی، فلسطینی علاقوں پر حملوں میں تیزی لائیں گے، دوسری جانب امریکی محکمہ خارجہ کی ترجمان جین ساکی نے میڈیا بریفنگ میں کہا کہ امریکی وزیرخارجہ جان کیری کشیدگی کم کرانے کی کوشش کر رہے ہیں تاہم اسرائیل اپنے شہریوں کے دفاع کا حق رکھتا ہے۔

    اطالوی وزیر خارجہ نے فلسطینی صدر محمود عباس سے ملاقات کی اور غزہ کے لیے چوبیس لاکھ ڈالر امداد کا اعلان کیا۔

  • غزہ: اسرائیلی حملے میں ایک فلسطینی شہید

    غزہ: اسرائیلی حملے میں ایک فلسطینی شہید

    gaza

  • غزہ: اسرائیلی میزائل حملے میں 2 فلسطینی شہید

    غزہ: اسرائیلی میزائل حملے میں 2 فلسطینی شہید

    اسرائیل اور فلسطین کے درمیان مذاکرات کے کئی دور ہونے کے باوجود فلسطینوں پراسرائیلی حملے جاری ہیں، غزہ میں اسرائیلی میزائل حملے میں دو فلسطینی شہید ہوگئے۔

    ذرائع کے مطابق غزہ میں ایک کار پر اسرائیلی فضائیہ میزائیل حملے میں دو افراد جاں بحق ہوگئے، اسرائیلی انتظامیہ کا کہنا ہے کہ گاڑی میں حماس سے تعلق رکھنے والے افراد سفر کررہے تھے۔

    اسرائیل نے فلسطین پر الزام بھی عائد کیا کہ گذشتہ ماہ کے دوران تقریبا بیس راکٹ فلسطین کی طرف سے داغے گئے، واضح رہے کہ اسرائیل اور فلسطین نے رواں سال جولائی میں امریکہ کی کوششوں سے دوبارہ مذاکرات کا آغاز کیا تھا جو کہ نو ماہ تک جاری رہا۔