شام میں اسرائیل کے فضائی حملے میں ایران کا سینئر اہلکار شہید ہوگیا، سید رضی موسوی جنرل قاسم کے قریب سمجھے جاتے تھے۔
تفصیلا کے مطابق غزہ کے ساتھ ساتھ اطراف کے مسلم ممالک میں بھی اسرائیل کے فضائی حملے جاری ہیں۔ اسرائیلی کی جانب سے شام کی سرزمین پر کیے گئے تازہ فضائی حملے میں ایران کے سینئر اہلکار سید رضی موسوی شہید ہوگئے ہیں۔
غیرملکی خبرایجنسی کا کہنا ہے کہ ایران کے اسلامی انقلابی گارڈ کے سینئر مشیر سید رضی موسوی شام میں شہید پوگئے ہیں۔
سید رضی شام اور ایران کے درمیان فوجی اتحاد کو مربوط کرنے کے ذمہ دار تھے۔ سیدرضی موسوی جنرل قاسم سلیمانی کے قریبی ساتھی سمجھے جاتے تھے۔
قابل ذکر بات یہ ہے کہ جنرل قاسم سلیمانی کو 2020 میں عراق میں امریکی ڈرون حملے میں شہید کیا گیا تھا۔
