Tag: اسرائیلی فوج

امریکا کی سرپرستی میں اسرائیل کی جانب سے غزہ پر بربریت کا سلسلہ جاری ہے، اسرائیلی فوج نے مسجد اقصیٰ کے امام اور یروشلم کے سابق مفتی اعظم شیخ عکرمہ سعید صابری کے گھر پر چھاپہ مارا اور اسے مسمار کرنے کی غرض سے اسے ”غیر قانونی“ قرار دیا گیا ہے۔

بین الاقوامی خبر رساں ادارے کی رپورٹ کے مطابق مقبوضہ مشرقی یروشلم میں البوغ کے محلے میں واقع 18 رہائشی کمپلیکس میں 100 سے زائد فلسطینی خاندان مقیم ہیں، جن میں مسجد اقصیٰ کے امام شیخ عکرمہ صبری کا گھر بھی شامل ہے۔

عینی شاہدین کا کہنا ہے کہ اسرائیلی پولیس اور انٹیلی جنس کی ایک بڑی فورس نے مشرقی یروشلم کے البواہ محلے میں واقع اپارٹمنٹ سمیت پوری عمارت پر چھاپہ مارا ہے، جس میں 85 سالہ شیخ صبری رہائش پذیر ہیں۔

اسرائیلی فورسز کی جانب سے مسجد اقصیٰ کے امام کے گھر کے دروازے پر انہدام کا نوٹس آویزاں کیا گیا، جس میں‘غیر مجاز تعمیرات’کی وجہ بتائی گئی۔

رپورٹس کے مطابق یروشلم کے الثوری محلے میں ایک اور اسرائیلی چھاپہ اور گرفتاری عمل میں آئی جس میں سات فلسطینیوں کو گرفتار کیا گیا۔ انتہائی دائیں بازو کے اسرائیلی انتہا پسندوں نے مفتی شیخ عکرمہ صابری کے گھر کو بھی نشانہ بنایا۔

جنگ کے آغاز سے اسرائیلی فوج کیلیے غزہ میں سخت ترین دن

شیخ صبری کی قانونی ٹیم کے سربراہ خالد زبرقہ کا کہنا ہے کہ 85 سالہ مبلغ کیخلاف دھمکیاں خاص طور پر تشویشناک ہیں۔

انڈونیشین اسپتال سے نکلنے کی کوشش کرنے والوں پر شمالی غزہ میں اسرائیلی فوج نے شدید فائرنگ کی، جس کے باعث 8 افراد شہید ہو گئے۔

بین الاقوامی خبر رساں ادارے کی رپورٹ کے مطابق اسرائیلی فوج کی فائرنگ کے نتیجے میں 2 ڈاکٹر زخمی بھی ہوئے ہیں، انڈونیشین اسپتال کے آرتھو پیڈک چیف ڈاکٹر عدنان البرش بھی زخمی ہونے والوں میں شامل ہیں۔

گورنمنٹ انفارمیشن آفس کا اس حوالے سے کہنا ہے کہ شہید ہونے والے سول ڈیفنس اہلکاروں اور ڈاکٹروں کی تعداد 201 تک پہنچ گئی ہے۔

عرب میڈیا کی رپورٹ میں انکشاف کیا گیا ہے کہ غزہ کی پٹی کے جنوب میں رفح کے مشرق میں 2 گھروں پر اسرائیلی فوج نے بمباری کر کے 11 افراد کو موت کی نیند سلا دیا ہے، جبکہ متعدد افراد زخمی بھی ہوئے ہیں۔

دوسری جانب غزہ میں اسرائیلی فوج نے سویلین رہائشی علاقوں، پناہ گزین کیمپوں، اسکولوں، اسپتالوں اور عبادت گاہوں کو نشانہ بنایا، جبکہ مزید 4 مساجد کو بھی شہید کردیا گیا ہے۔ شہداء کی تعداد 13 ہزار سے زائد ہوگئی۔

غزہ کی صورتحال پر مسلم ممالک کے وزرائے خارجہ چین کا دورہ کریں گے

رپورٹ کے مطابق اسرائیلی افواج نے شمالی غزہ کی مسجد القسام، مسجد الخلیفہ، مسجد حیفہ اور مسجد الامین محمد کو شہید کر دیا جبکہ جبالیہ کیمپ کے اقامتی بلاکوں پر شدید بمباری کی گئی۔

اسرائیلی افواج کی جانب سے غزہ کے سب سے بڑے الشفا اسپتال پر لگاتار کارروائیوں کا سلسلہ جاری ہے، جس کے نتیجے میں ڈاکٹروں اور طبی عملے نے اسپتال میں زیر علاج مریضوں کی اموات میں اضافے کا خدشہ ظاہر کردیا ہے۔

الشفا اسپتال کے ڈائریکٹر محمد ابو سلامیہ کا عرب ٹی وی سے بات کرتے ہوئے کہنا تھا کہ ہم مریضوں کی اموات کی شرح میں کمی کے منتظر ہیں تاہم ہر گزرتے لمحے کے ساتھ اسپتال میں داخل مریضوں کی اموات میں اضافے کا خطرہ بڑھتا جا رہا ہے۔

انہوں نے کہا کہ گزشتہ 48 گھنٹوں سے الشفا اسپتال کا کنٹرول قابض افواج کے ہاتھوں میں ہے۔

فلسطینی اتھارٹی کی وزارت صحت کے مطابق اسرائیلی افواج الشفا اسپتال سے مریضوں یا طبی عملے کے محفوظ انخلا کی راستے بند کر رہی ہیں۔

قابض فوج نے الشفا اسپتال کے مختلف حصوں کو مکمل تباہ کردیا ہے، اسرائیلی فوجی شہید فلسطینیوں کی لاشیں بھی اٹھا کر اپنے ساتھ لے گئے ہیں جبکہ افواج کی جانب سے اسپتال کے احاطے میں گاڑیوں کو بھی تباہ کردیا گیا ہے۔

فلسطینی وزارت صحت کے مطابق اسپتال پر اسرائیلی بمباری سے کم از کم 7 ہزار افراد پناہ گاہ سے بھی محروم ہو گئے ہیں۔ الشفا اسپتال میں پانی، کھانا اور اسپتال میں داخل بچوں کیلئے دودھ کی شدید ترین قلت پیدا ہو گئی ہے۔

دوسری جانب فلسطینی مزاحمتی تنظیم حماس نے یروشلم میں ہونے والی فائرنگ کی ذمہ داری قبول کر لی ہے۔

الجزیرہ کے مطابق یروشلم کے قریب ٹنل چیک پوائنٹ پر فائرنگ کا واقعہ پیش آیا تھا۔ اس حملے کی ذمہ داری حماس کے مسلح ونگ القسام بریگیڈز نے قبول کی ہے جس کے ارکان مقبوضہ مغربی کنارے میں موجود ہیں۔

ایک بیان میں گروپ نے کہا کہ اس کے کچھ ارکان نے بیت لحم اور مقبوضہ مشرقی یروشلم کے درمیان ”فوجی چوکی پر دشمن کی فوجوں پر حملہ کیا ہے۔

بیان میں کہا گیا ہے کہ فائرنگ میں متعدد صیہونی فوجیوں کو ہلاک اور زخمی کرنے”میں کامیاب رہے ہیں یہ حملہ غزہ میں ”شہیدوں … کا بدلہ لینے”کے لیے کیا گیا۔

اسرائیلی فوج نے فائرنگ میں ایک اسرائیلی فوجی کے مارے جانے کی تصدیق کی ہے۔

اسرائیلی سوشل میڈیا پر سیہونی فورسز کی پسپائی سے متعلق خبروں پر اسرائیلی فوج کے ترجمان کا کہنا ہے کہ افواہیں مت پھیلائیں، ہمارے سرکاری اکاؤنٹس سے اپ ڈیٹس حاصل کرتے رہیں۔

غیر ملکی ذرائع ابلاغ کے مطابق اسرائیلی فوج کے ترجمان نے کہا کہ ہم آپ سے وعدہ کرتے ہیں کہ ہم عوام کو قابل اعتماد اوردرست معلومات مہیا کریں گے۔

واضح رہے کہ اسرائیلی میڈیا پر یہ خبریں گردش کر رہی ہیں جن میں اسرائیلیوں سے اپیل کی گئی ہے کہ غزہ کی پٹی میں ایک انتہائی خطرناک واقعہ پیش آیا ہے۔

سینسر شپ کے باعث اس حوالے سے کسی قسم کی تفصیلات شائع کرنے کی اجازت نہیں ہے، براہ کرم ہمارے سپاہیوں کے لیے شدید دعائیں کریں۔

دوسری جانب غزہ میں اسرائیلی جارحیت کو روکنے میں ناکامی پر اقوام متحدہ کے انسانی حقوق کمیشن کے نیویارک آفس کے سربراہ کریگ موخیبر نے استعفیٰ دے دیا۔

کریگ موخیبر نے جنیوا میں ہائی کمشنر برائے انسانی حقوق کے نام خط بھی لکھا ہے جس میں ان کا کہنا ہے کہ غزہ میں جو ہو رہا ہے وہ ہر لحاظ سے نسل کشی ہے۔

کریگ موخیبر نے مزید لکھا کہ حد یہ ہے امریکا، برطانیہ اور بیش تر یورپی ممالک اِس خوفناک حملے میں برابر کے شریک ہیں، یہ حکومتیں جنیوا کنونشن کا احترام کرنے کی اپنی ذمہ داریاں نبھانے سے انکار کر رہی ہیں۔

ڈائریکٹر کریگ موخیبر نے کہا کہ اسرائیل غزہ میں فلسطینی شہریوں کی نسل کشی کر رہا ہے، انھوں نے مطالبہ کیا کہ اسرائیل کی جانب سے گہری نسل پرستانہ آباد کاری کے منصوبے کو ختم کیا جائے۔

انھوں نے اقوام متحدہ کے ہائی کمشنر برائے انسانی حقوق وولکر ترک کو اپنا آخری باضابطہ مراسلہ بھیج کر تفصیل کے ساتھ لکھا کہ اقوام متحدہ اپنی ذمہ داری میں کیسے ناکام ہوا۔