ARYNews.tv | Urdu – Har Lamha Bakhabar

Tag: اسرائیلی فوج

  • غزہ: اسرائیلی فوج کی فائرنگ اورفضائی حملے‘ 6 فلسطینی شہید

    غزہ: اسرائیلی فوج کی فائرنگ اورفضائی حملے‘ 6 فلسطینی شہید

    غزہ : فلسطین میں قابض اسرائیلی فوج کی بلا اشتعال فائرنگ اور فضائی حملوں میں 6 فلسطینی شہید ہوگئے۔

    تفصیلات کے مطابق غزہ کے علاقے خان یونس میں اسرائیلی فوج کی فائرنگ اور راکٹ فائر کیے گئے جس کے نتیجے میں 6 فلسطینی شہید ہوگئے۔

    فلسطینی وزارت صحت کے ترجمان کے مطابق اسرائیلی فوج کی فائرنگ اور فضائی حملوں میں 6 فلسطینی شہید ہوئے۔

    دوسری جانب حماس کے ترجمان نے اسرائیلی فوج کی اس کارروائی کو بزدلانہ حملہ قرار دیتے ہوئے کہا کہ فضائی حملے میں شیخ نور برکی جان کی بازی ہارگئے جو خان یونس میں حماس کے کمانڈر تھے۔

    غزہ: اسرائیلی فوج کی فائرنگ، 20سالہ نوجوان شہید، سینکڑوں زخمی

    یاد رہے کہ دو روز قبل غزہ میں اسرائیلی افواج کے غاضبانہ قبضے کے خلاف پرامن فلسطینوں کا ہفتہ وار احتجاج جاری تھا کہ صہیونی فوج نے مظاہرین پرفائرنگ کردی تھی جس کے نتیجے میں 20 سالہ فلسطینی نوجوان شہید ہوگیا تھا۔

    واضح رہے کہ رواں سال ستمبر میں اسرائیلی فوج کی جانب سےغزہ میں واقع ایک کثیر المنزلہ عمارت پر فضائی بمباری کی گئی تھی جس کے نتیجے میں 18 فلسطینی شہید ہوگئے تھے۔

  • احد تمیمی کو خراج تحسین کیوں پیش کیا؟ صیہونی فوج کے ہاتھوں اطالوی مصور گرفتار

    احد تمیمی کو خراج تحسین کیوں پیش کیا؟ صیہونی فوج کے ہاتھوں اطالوی مصور گرفتار

    یروشلم : صیہونی مظالم کے خلاف ڈٹ جانے والی نوجوان فلسطینی لڑکی کو اس کی رہائی پر فن مصوری ذریعے خراج تحسین پیش کرنے والے اٹلی کے آرٹسٹوں کو اسرائیلی فوج نے گرفتار کرلیا۔

    تفصیلات کے مطابق غاصب صیہونی افواج نے فلسطین کے مقبوضہ مغربی کنارے پر واقع دیوار پر مزاحمت کی علامت احد تمیمی کی تصویر بنانے کے جرم دو اطالوی شہریوں کو گرفتار کرلیا ہے۔

    غیر ملکی خبر رساں ادارے کا کہنا تھا کہ دونوں اطالوی شہری بیت لحم شہر کے نزدیک مغربی کنارے پر احد تمیمی کو ظالم اسرائیلی فوج کے ڈٹ جانے پر 13 بلند تصویر بناکر خراج تحسین پیش کررہے تھے۔ جسے آج صبح اسرائیل کی شیرون جیل سے آٹھ ماہ بعد رہا کیا گیا ہے۔

    اسرائیلی پولیس کا کہنا ہے کہ سیکیورٹی اہلکاروں نے ہفتے کے روز دو اطالوی اور ایک فلسطینی نوجوان کو سیکیورٹی باڑ کو نقصان پہنچانے کے شبے میں بیت لحم کے علاقے سے حراست میں لیا گیا تھا۔

    صیہونی فورسز کا کہنا ہے کہ تینوں افراد نے چہرے کو چھپایا ہوا تھا اور غیر قانونی طور پر مغربی کنارے پر واقع علیحدگی کی دیوار پر احد تمیمی کی تصویر بنارہے تھے ، جن کے خلاف سرحدی پولیس نے فوری کارروائی کرتے ہوئے حراست میں لیا تھا۔

    اسرائیلی پولیس کا کہنا ہے کہ جس شخص احد تمیمی کی تصویر بنائی تھی اس کی شناخت جورٹ اگوچ کے نام سے ہوئی ہے جو اٹلی کا اسٹریٹ آرٹس ہے۔

    خیال رہے کہ اسرائیلی فوجیوں کے سامنے مزاحمت کرتے ہوئے فوجیوں کو تھپڑ رسید کرنے والی احد تمیمی کو 8 ماہ بعد قید کی صعوبتیں برداشت کرنے کے بعد جیل سے آج صبح رہا کردیا گیا ہے۔

    خیال رہے کہ احد تمیمی اور ان کا پورا گھرانہ فلسطین سمیت دنیا بھر میں سماجی کارکن اور مزاحمت کار کے طور پر پہنچانے جاتے ہیں۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • اقوام متحدہ کی اسرائیلی فوج کے ہاتھوں بے گناہ فلسطینیوں کی شہادت کی پرزور مذمت

    اقوام متحدہ کی اسرائیلی فوج کے ہاتھوں بے گناہ فلسطینیوں کی شہادت کی پرزور مذمت

    نیویارک : اقوام متحدہ کی سلامتی کونسل کے ہنگامی اجلاس میں اسرائیلی فوج کے ہاتھوں بے گناہ فلسطینیوں کی شہادت کی پرزور مذمت کی گئی اور تحقیقات کیلئے آزاد اور شفاف کمیشن تشکیل دینے کا اعلان کیا۔

    تفصیلات کے مطابق غزہ کی صورتحال پر اقوام متحدہ کی سلامتی کونسل کا بند کمرہ ہنگامی اجلاس ہوا، اجلاس میں کویتی مندوب منصور اَل اوتابی نے غزہ کی صورتحال کو انتہائی مخدوش قرار دیتے ہوئے کہا کہ عالمی برادری خطے میں امن کیلئے کردار ادا کریں۔

    اس موقع پر مراکش اور قطر کے مندوبین نے فلسطینوں کی پرامن ریلی کو ان کا جمہوری حق قرار دیتے ہوئے اسرائیلی جارحیت کی پرزور مذمت کی۔

    اقوام متحدہ کے جنرل سیکریٹری انتونیو گوتریس نے اپنے بیان میں واقعے کی مذمت کی اور اس کی تحقیقات کیلئے آزاد اور شفاف کمیشن تشکیل دینے کا اعلان کیا۔

    خیال رہے کہ سلامتی کونسل کا بندکمرہ ہنگامی اجلاس کویت کی درخواست پر بلایا گیا تھا۔

    یاد رہے کہ چھ ہفتوں کے پرامن مظاہرے کے پہلے روز تیس ہزار فلسطینی مظاہرین جمع ہوئے اسرائیلی سرحدکی طرف مارچ کیا تو اسرائیلی فورسز نے فلسطینوں کے خلاف اسنائپرز، ٹینکوں اورڈرون کا اندھا دھند استعمال کیا گیا، جس کے نتیجے میں سترہ فلسطینی شہید اورچودہ سوزخمی ہوگئے۔

    ہزاروں فلسطینی مظاہرین نے اسرائیل سرحدکےقریب کیمپ لگادیے ہیں ، جس کا مقصد فلسطینیوں کا اپنی سرزمین پر واپس لوٹنے کے لیے پُراَمن مظاہرہ کرنا ہے۔

    فلسطینی صدر محمود عباس نے اقوام متحدہ اور عالمی برادری سے تحفظ فراہم کرنے کا مطالبہ کیا۔

    واضح رہے کہ ہرسال تیس مارچ کو اسرائیل کے غاصبانہ قبضے کے خلاف فلسطینی یوم ارض مناتے ہیں، اسرائیل ایک طویل عرصے سے مظلوم فلسطینیوں پر ظلم و ستم کے پہاڑ توڑ رہا ہے، ایک جانب تو اسرائیل ان کی زمینوں پر قابض ہے دوسری جانب وہ انہیں احتجاج کے جمہوری حق سے بھی محروم رکھنا چاہتا ہے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • اسرائیلی فوجیوں کےآگ ڈٹ جانےوالی فلسطینی لڑکی پرفرد جرم عائد

    اسرائیلی فوجیوں کےآگ ڈٹ جانےوالی فلسطینی لڑکی پرفرد جرم عائد

    یروشلم : قابض اسرائیلی فوجیوں کو تھپڑ رسید کرنے والی فلسطینی لڑکی پر اسرائیل کی فوجی عدالت نے فرد جرم عائد کردی۔

    تفصیلات کے مطابق اسرائیلی فوجیوں کے سامنے مزاحمت کرتے ہوئے فوجیوں کو تھپڑ رسید کرنے والی احد تمیمی پر فوجی عدالت نے فرد جرم عائد کردی۔

    احد تمیمی اور ان کی کزن کی ایک ویڈیو سامنے آئی تھی جس میں وہ اسرائیلی فوجیوں کے سامنے مزاحمت کررہی ہیں۔

    اسرائیلی فوج کا کہنا ہے کہ فوجی فلسطینی مظاہرین کو قریب ہی آتی جاتی گاڑیوں پرپتھرپھینکنے سے روکنے کی کوشش کررہے تھے۔

    اسرائیلی فوجیوں کو تھپڑ رسید کرنے والی فلسطینی خواتین عدالت میں پیش

    بہادر فلسطینی لڑکی احد کی گرفتاری اس وقت ہوئی تھی جب ایک دن قبل امریکی صدر ڈونلڈٹرمپ نے یروشلم کو اسرائیل کا دارالحکومت تسلیم کرنے کے کا اعلان کیا تھا جس کے بعد احتجاج شروع ہوگیا تھا۔

    اسرائیل کے ہاتھوں اپنی گرفتار بیٹی کے عزم و ہمت کو سلام پیش کرتا ہوں، باسم التمیمی

    یاد رہے کہ احد تمیمی کی گرفتاری کے بعد ان کے والد باسم کا کہنا تھا میری بیٹی مزاحمت کار اور جنگجو ہے اُسے ہمدردی یا ترس کی نہیں حوصلہ افزائی کی ضرورت ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • اسرائیلی فوجیوں کو تھپڑ رسید کرنے والی فلسطینی خواتین عدالت میں پیش

    اسرائیلی فوجیوں کو تھپڑ رسید کرنے والی فلسطینی خواتین عدالت میں پیش

    غزہ : قابض اسرائیلی فوجیوں کو تھپڑ رسید کرنے والی دو فلسطینی خواتین عدالت میں پیش جب کہ ان کے کزن 15 سالہ احد کو 25 دسمبر تک لیے ریمانڈ پر جیل بھیج دیا گیا۔

    تفصیلات کے مطابق اسرائیلی عدالت میں پیش کی جانے والی خواتین نریمان تمیمی اور نور ناجی کا تعلق مقبوضہ فلسطین کے مغربی کنارے پر واقع گاؤں نبی صالح سے ہے۔

    دونوں خواتین پر الزام ہے کہ گزشتہ روز انہوں نے ایک مظاہرے کے دوران اسرائیلی سپاہیوں کے سامنے مزاحمت کرتے ہوئے فوجیوں کو تھپڑ رسید کردیئے تھے۔

    دوسری جانب خواتین کے ہمراہ حراست میں لیے گئے نوجوان احد تمیمی کو اسرائیلی فوجیوں سے مزاحمت، سیکیورٹی ایریا کو نقصان پہنچانے اور اشتعال انگیزی کی دفعات لگا کر 25 دسمبر تک کے لیے جیل بھیج دیا گیا ہے۔

    یاد رہے تمیمی خاندان اسرائیل کے مظاہروں کا لازمی حصہ ہوتے ہیں اور فلسطینی زمینوں پر یہودیوں کی آبادکاری کے لیے کیے گئے اسرائیلی آپریشن کے دوران سخت مزاحمت کرتے آئے ہیں اور ان کے خاندان کے 15 سالہ نوجون کے سر پر ربڑ کی گولی بھی ماری گئی تھی۔

    گاؤں بنی صالح کے رہائشیوں کا کہنا ہے کہ اسرائیلی فوج انہیں بیدخل کر کے یہودیوں کی آباد کاری کر رہے ہیں جسے کسی طور پر قبول نہیں کیا جا سکتا جس کے لیے مقامی افراد مظاہرہ کر رہے تھے کہ کچھ خواتین اور ایک فوٹو گرافر کو حراست میں لے لیا گیا۔

  • غزہ میں اسرائیلی فوج کی فائرنگ‘ 80 فلسطینی زخمی

    غزہ میں اسرائیلی فوج کی فائرنگ‘ 80 فلسطینی زخمی

    غزہ : اسرائیلی فوج نے غزہ میں نہتے فلسطینیوں پرفائرنگ کردی جس کے نتیجے میں بچوں سمیت 80 افراد زخمی ہوگئے۔

    تفصیلات کے مطابق غزہ میں فلسطینی عوام امریکہ کی جانب سے مقبوضہ بیت المقدس کو اسرائیل کا دارالحکومت تسلیم کرنے کے خلاف احتجاج کررہے تھے کہ اسرائیلی فوج نے فائرنگ کر دی۔

    اسرائیلی فوج کی فائرنگ سے احتجاج کرنے والے مظاہرین میں بھگدڑ مچ گئی جس کے نتیجے میں 80 افراد زخمی ہو گئے، زخمیوں میں بوڑھے اور بچے بھی شامل ہیں۔

    عرب ٹی وی کے مطابق اسرائیلی فوجیوں نے نہتے مظاہرین پرربڑ کی جگہ اصلی گولیوں سےفائرنگ کی۔

    اسرائیلی فورسزکی فائرنگ‘ 4 فلسطینی شہید‘ 160زخمی

    خیال رہے کہ 5 روز قبل امریکہ کی جانب سے یروشلم کو اسرائیل کا دارالحکومت تسلیم کرنے کے خلاف احتجاجی مظاہرین پراسرائیلی فورسز کی فائرنگ سے 4 فلسطینی جاں بحق جبکہ 160 افراد زخمی ہوگئے تھے۔

    یاد رہے کہ 31 اکتوبرکو اسرائیلی فوج نے آپریشن کے دوران فائرنگ کرکے 7 فلسطینیوں کو شہید جبکہ 14 کو زخمی کردیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • اسرائیلی فوج کی فلسطینی مظاہرین پر فائرنگ، 2 شہید درجنوں زخمی

    اسرائیلی فوج کی فلسطینی مظاہرین پر فائرنگ، 2 شہید درجنوں زخمی

    یروشلم : اسرائیل نے فلسطین میں مظاہرین پر اندھا دھند فائرنگ کرتے ہوئے 2 فلسطینیوں کو شہید کردیا جب کہ خواتین اور بچوں سمیت درجنوں افراد زخمی ہو گئے ہیں جس کے باعث جانی نقصان میں اضافے کا خدشہ ہے.

    تفصیلات کے مطابق یہ افسوسناک واقعہ فلسطین کے علاقے یونس خان میں پیش آیا جہاں فلسطینی امریکی صدر ٹرمپ کی طرف سے یروشلم کو اسرائیلی دارالحکومت تسلیم کرنے کے اعلان کے خلاف مظاہر کر رہے تھے کہ قابض اسرائیلی فوج نے مظاہرین پر براہ راست گولیاں برسا دیں.

    جاں بحق و زخمی ہونے والے افراد کو قریبی اسپتال منتقل کیا گیا جہاں دو افراد کی شہادت کی تصدیق کردی گئی ہے جب کہ زخمی افراد کو طبی امداد دی جا رہی ہے جنہیں گولیاں لگنے اور آنسو گیس شیل کے باعث زخم آئے ہیں اور جن میں چار کی حالت نازک بتائی جاتی ہے جس کی وجہ ہلاکتوں میں اضافہ کا خدشہ ظاہر کیا جا رہا ہے.

    بعد طاقت کے نشے میں بدمست غاصب اسرائیلی فوج نے نہتے فلسطینیوں پر ظلم کے پہاڑ توڑنے شروع کر دیئے ہیں اور مقبوضہ فلسطین کے مسلمانوں کا خون پانی کی طرح بہانے لگا ہے۔میل آن لائن کی رپورٹ کے مطابق ٹرمپ کے اعلان کے اگلے ہی روز اسرائیلی فضائیہ نے غزہ کی پٹی پر بموں کی برسات کر دی جس سے اب تک 2فلسطینی شہید اور معصوم بچوں اور خواتین سمیت سینکڑوں شدید زخمی ہو چکے ہیں.

     

     اسی سے متعلق : امریکا نے یروشلم کو اسرائیلی دارالحکومت تسلیم کرلیا

    خیال رہے کہ امریکی صدر کی جانب سے امریکی سفارت خانے کو یروشلم منتقل کیے جانے کے فیصلے کو حمایت سمجھتے ہوئے اسرائیل فوج نے نہتے فلسطینیوں پر تشدد کا بازار مزید گرم کردیا ہے اور ریڈ کراس کی رپورٹ کے مطابق ٹرمپ کے اعلان کے بعد سے اسرائیلی فوج نے مجموعی طور پر 767 فلسطینیوں کو شدید زخمی اور 7 کو شہید کرچکی ہے.

  • کھلونا ڈھونڈناجرم بن گیا،اسرائیل فوج کا فلسطینی بچے پر تشدد

    کھلونا ڈھونڈناجرم بن گیا،اسرائیل فوج کا فلسطینی بچے پر تشدد

    غزہ : اسرائیلی فوجیوں نے اپنا کھلونا ڈھونڈنے والے 8 سالہ فلسطینی بچے کو دہشت گرد کہہ کر پکڑ لیا، خوف زدہ و سہمے ہوئے بچے کو تشدد کا نشانہ بناتے ہوئے ایک گھنٹے تک علاقے میں گھماتے رہے۔

    تفصیلات کے مطابق فلسطین میں اسرائیلی فوجیوں کے مظالم کی ہوشربا داستانیں زبان زد عام ہیں اور ان کے ظلم و تشدد سے بزرگ، خواتین سمیت بچے بھی محفوظ نہیں ہیں۔

    ایسے ہی ایک واقعے کی ویڈیو نے سوشل میڈیا میں ہلچل مچا دی میں دیکھا جا سکتا ہے درجن بھر مسلح اسرائیلی سپاہی نے کھلونا ڈھونڈتے 12 سالہ بچے سفیان کو حراست میں لے لیا اور گھر گھر تلاشی کے لیے لیے گھومتے رہے۔

    بتاؤ پتھراؤ کن گھروں سے ہوتا ہے؟ بچے سے سوال

    معصوم سفیان اسرائیلی فوجیوں کے نرغے میں آکر خوف زدہ ہوگیا اور دہشت کے باعث رونے لگا اور اس دوران سپاہی سفیان سے گھروں میں جمع پتھر کے بارے میں پوچھتے رہے کہ کن گھروں سے فوجیوں پر کون کون پتھراؤ کرتا ہے۔

    غیر ملکی خبر رساں ایجنسی کے مطابق اسرائیلی فوج معصوم سفیان کو ایک گھنٹے تک علاقے میں گھماتے رہے اور بچے کو ڈھال بناتے ہوئے اسے گھر گھر لے جا کر تلاشی لیتے رہے۔

    فلسطینی بستی الخیل کی خواتین اس موقع پر جمع ہوگئیں اور اسرائیلی افواج کے خلاف نعرے بازی کرتے ہوئے معصوم سفیان کو اسرائیلی فوج کے چنگل سے چھڑوانے میں کامیاب ہوگئیں۔

    واضح رہے کہ اس وقت بھی ہزاروں معصوم فلسطینی بچے اسرائیلی جیلوں میں قید ہیں اور انہیں نہ تو کسی عدالت میں پیش کیا جاتا ہے اور نہ ہی بنیادی انسانی حقوق حاصل ہیں۔

  • اسرائیلی فوج کی فائرنگ‘فلسطینی نوجوان شہید

    اسرائیلی فوج کی فائرنگ‘فلسطینی نوجوان شہید

    یروشیلم :اسرائیلی فوج کی فائرنگ سےمغربی کنارے کےشہررملہ میں ایک فلسطینی نوجوان شہید ہوگیا۔

    تفصیلات کےمطابق نہتے فلسطینیوں پرغاضب اسرائیلی فوج کے مظالم جاری ہیں،اسرائیلی فوج نےگزشتہ روزمغربی کنارے کے علاقے رملہ میں فائرنگ کرکے فلسطینی نوجوان کو شہید کردیا۔

    غیرملکی خبرایجنسی کےمطابق اسرائیلی فوج کےترجمان کاکہناہے کہ مذکورہ فلسطینی نوجوان ان کو مطلوب تھا اس نے اسرئیلی فوجیوں پر اس وقت فائرنگ کی جب وہ اسےگرفتار کرنے رملہ میں اس کے گھرگئےاور جواب میں اس پر گولی چلائی گئی جبکہ گھرسے 2 ہتھیار بھی بر آمد کیے گئے۔

    مزید پڑھیں:اسرائیلی فوج کی فائرنگ،فلسطینی نوجوان جاں بحق

    یاد رہےکہ گزشتہ سال نومبر میں اسرائیلی فورسز نے بیت المقدس میں مغربی کنارے کے علاقے اوفرا میں فائرنگ کرکےفلسطینی نوجوان کو جاں بحق کردیاتھا۔

    اسرائیلی فوج کے بیان میں کہا گیا تھاکہ چاقو بردار فلسطینی نوجوان نے اسرائیل ڈیفنس فورسز (آئی ڈی ایف) کے اہلکار کو مبینہ طور پر نشانہ بنانے کی کوشش کی تھی۔

    واضح رہے کہ فلسطین میں اکتوبر 2015 سے شروع تشدد کی نئی لہر میں اب تک 254 فلسطینی شہید جبکہ متعدد افراد زخمی ہوچکے ہیں۔

  • سعودی مفتی اعظم نےداعش کواسرائیلی فوج کاحصہ قراردےدیا

    سعودی مفتی اعظم نےداعش کواسرائیلی فوج کاحصہ قراردےدیا

    ریاض : سعودی مفتی اعظم نے شیخ عبدالعزیز نے داعش کواسرائیلی فوج کاحصہ قراردےدیا،یہ بات انہوں نے ایک سعودی اخبار کو انٹرویو دئیتے ہوئے کہی۔

    شیخ عبدالعزیز الشیخ کا کہناتھا کہ اسلامی ممالک کا فوجی اتحاد داعش کوشکست فاش دےگا،انہوں نے کہا کہ داعش کے جنگجو اسلام اور مسلمانوں کو ناقابل تلافی نقصان پہنچا رہے ہیں۔

    مفتی اعظم کا کہنا تھا کہ داعش کو اسلام کے پیروکار قرار نہیں دیا جاسکتا بلکہ وہ خوارج کا ہی تسلسل ہیں، جنہوں نے پہلی دفعہ مسلمانوں کو کافر قرار دے کر ان کا خون بہانے کی اجازت دی، اور اسلامی خلافت کے خلاف بغاوت کی۔

    داعش کے ایک رہنما کی جانب سے اسرائیل کے خلاف ایک حالیہ دھمکی کا حوالہ دیتے ہوئے شیخ عبدالعزیز کا کہنا تھا کہ اسرائیل کے خلاف یہ دھمکی ایک جھوٹ ہے کیونکہ داعش حقیقت میں اسرائیلی فوج ہی کا حصہ ہے۔